الشآآآآآآآيب فاليلة الظلمآ ....... م العجمي

محروم.كوم · #1 12-20-2011, 10:40 AM

السلام عليكم ورحمة الله وبركاته

اسعد الله صباحكم / ومسآئكم بكل خير

سالفة الشايب رحمة الله عليه

انا واعوذ بالله من كلمة انا كنت راجع من الرياض الى الشرقيه ومعي واحد من الشباب

وعلى الطريق وسوالف وضحك ونتذكر ما فات من الايام

وقفنا عند محطه نعبي بنزين الى الموتر الي قدامي اعرفه

جيته وسلمت عليهم الا هذا واحد من الشباب ومعه شايب

قلت على وين يا نشاما قال الرجال ابوصل الشايب الي معي صوب الربع

الشايب من جماعتهم

قلت انا رايح رايح وطريقي وطريقكم واحد خله يجي معي وانا اوصله

المهم جاء معنا الشايب وركب قدام وخويي رجع وراء

والظاهر ان خويي مستانس ان الشايب جآء ( شكلي فقعت راسه بالسوالف )

المهم توكلنا على الله ومشينا والشايب كبير فالسن

وهذي بالنسبه لي فرصه اخذ علومه وش لحق عليه من الغزوات وش يحفظ من قصص

الاولين

والشايب مسكين مستانس

قصايد وشيلات على الكيف وصوته ما شاء الله جميل

التفت على خويي الي وراء الاه نااااااااايم قلت خله يرتاح

ونكمل انا والشايب سوالفنا

قصايد بخوت المريه رحمة الله عليها وقصايد الشعآرر الاولين

يوم قربنا حول المكان الي حنا نبيه

صحى خويي الي نايم وراء

وقرب راسه بين المراتب يبي يسمع الشايب وش يقول

الشايب يوم شاف البلا الي يتحرك بيني وبينه صاح بعااااااااااااالي صوته وحنا في ليل

وظلام ههههههههههههههههههه

الشايب يصيح ويعتزي ههههههههههههههه

وانا اوقف قلت وش العلم وانا والله متروع

قال البلاا ذا الي وراء ويشهو قلت هذا خويي الي معي

قال اخوووووووووو هيا وحنا معنا احد ؟

هههههههههههههه

ويسلم عليه الشايب ( السلام الثاني ) سلام الفجعه

قال يابوك كان تنحنحت ولا كحيت

ونجلس نضحك حنا وياهـ

قال ااشهد ان مالي قلب

قلت قلبك وينه يا يبه

قال ( قلبي خذنه لابسآت الدراريع ) هههههههههه

وسلامة الجميع
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جديد : توآقيع متحركه لـ كآس العآلم 2010	محروم.كوم	منتدى أخبار المواقع والمنتديات العربية والأجنبية	0	06-12-2010 09:20 AM
~...آحـلى الكرآجآت في العآلم...~	!!بنت العـــــز!!	عجائب و غرائب	22	05-20-2010 11:07 PM
نآم ولاتسهر عيونك نومة الظآلم عبآدهـ	Дјறàl Диsǎήһ	اثاث و ديكور المنازل والمطابخ والصالات	17	01-23-2010 11:39 PM
اغرب سيآرآت العآلم .. ~ شآركونآ بلصور }}}	مخــــالــف	سيارات و دراجات	2	08-19-2009 12:34 PM