مشكلة انذار الشيروكي يفصل تشغيل السيارة؟؟؟وحلها

محروم.كوم · #1 12-15-2011, 03:00 PM

هلا بكم اخواني
حصلت لي مشكلة في الشيروكي جراند 98 اتعبتني وخلت الموتر موقف حول اسبوعين
طبعا عندي سيارة ثانية بس الموضوع اتعبني نفسيا
المشكلة كانت ان السيارة لها فترة واقفة وانا كنت افصل اصبع البطارية عشان ما تضعف البطارية
يوم اجي افتح الكبوت واشبك البطارية طبيعي
لكن يوم اجي اشغل السيارة يشتغل الانذار وتشتغل السيارة ثانيتين ونقفل
حاولت اوصل لانذار السيارة وافصله ما عرفت
حاولت في الفيوز الخارجية والداخلية مافي فايدة
قلت افصل كمبيوتر الانذار ما لقيته اظنه تبع الوكالة موجود داخل الطبلون
يوم تعبت قلت خلاص ما عاد يبيلها اعط الخبز لخبازه
رحت لبني مالك(طبعا انا من سكان جدة) الى عند حقين الريموتات والمسجلات كلمتهم على المشكلة كله يقول ما اعرف
رحت لعند واحد شكله حضرمي معاه محل في شارع بني مالك قبل الاشارةالمتجهةغرب بحوالي 4محلات معه محل زينة سيارات والكترونيات (الوحيد معاه فتحتين.؟بجواره محلات قطع غيار امريكي)شرحتله الموضوع قلتله بس ابي افصل الانذار
قام يتفلسف قال هذا شكله فيه حساس على التانكي يفصل عن الطرمبة البنزين
المهم كم من الاخر قال 200 ريال قلتله يا عمي فصل بس ما ابي تركيب قال آخر

الله يعوض يالله تعال
قال وين؟؟؟؟؟؟؟؟؟ جيب السيارة؟؟؟
طيب ما هو انا قايلك السيارة ما تشتغل يا الطيب يعني السيارو واقفة بالعقل عند البيت
مسوي فيها ماهو عارف وين البيت؟قلنا جنب بروست البيك شارع فلسطين مافي مسافة نص دقيقة بالسيارة والسيارة الثانية معايا
قال هذا مشوار بره 200 ريال زيادة
انا خلاص خرجت عن طوري ..يا اخي اتق الله إنت شايفني محتاج قلت خلني اسلخه.يا اخي لو بأركب انذار جديد ما تزيد عن 100 ريال لو اش ما كان
هذا وانا ابيك بس تفصله
اجل لو بتركب لي واحد ثاني بكم ؟؟؟؟شكلي بأبيع السيارة واسددلك قيمة التركيب للريموت
خرجت من عنده وانا مولع وهو ولا على باله
حسبي الله فيهم
والله وقلت مالك الا ظفرك
واطقطق على النت من هنا الى هنا ما في فايدة

ومع التجارب عرفت الحل
والله يا اخوان لو اقوله انكم تضحكون من البياخة
اسمعوا الحل على رواقة واحكموا
لما كنت افتح السيارة بالمفتاح كانت البطارية مفصولة واكيد الكمبيوترمفصول

لما شبكت البطارية اشتغل كمبيوتر الانذار وكان يعطي اشارة ان السيارة ما زالت مقفلة
لما تجي تحاول تشغل السيارة طبعا الكمبيوتر يقول ان السيارة ما زالت مقفلة لانه لما فتحت الباب كان مفصول(اذن النتيجة)هذه محاولة سرقة سيارة فيشتغل الانذار ويقفل التشغيل
لو تشغلها الف مرة تشتغل ثانيتين وتقفل
تدرون وش الحل؟؟
الحل انك تشبك البطارية ثم تتوجه للباب حتى لو كان مفتوح وتحط المفتاح داخله(للمعلومية الريموت عندي ماهو شغال)وتدور المفتاح كأنك بتفتح السيارة عشان تفتح معاك البيبان كلها ويعطي امر للكمبيوتر ان السيارة تم فتحها طبيعي فيقفل الانذار
بس خلاص
وسمي وشغل

اتمنى اكون افدتكم بتجربتي والله لا يبلاكم بمشاكل الشيروكي اللي كلها حساسات
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مشكلة اتناء تشغيل السيارة فزعتكم بارك الله فيكم	محروم.كوم	منتدى أخبار المواقع والمنتديات العربية والأجنبية	0	08-29-2011 04:40 AM
:: عندي مشكلة في الجمس عند تشغيل السيارة :: ارجوا المساعدة ...	محروم.كوم	منتدى أخبار المواقع والمنتديات العربية والأجنبية	0	11-23-2010 04:02 PM
ما هي اسباب انطفاء السيارة فجأة وبدون سابق انذار ؟؟؟	محروم.كوم	منتدى أخبار المواقع والمنتديات العربية والأجنبية	0	06-10-2010 02:38 PM
صفاره انذار فى الجهاز من المازر بوردعند تشغيل فيديو اولعبه او تحميل	محروم.كوم	منتدى أخبار المواقع والمنتديات العربية والأجنبية	0	06-23-2009 05:30 PM