|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمة الله وبركاته
__DEFINE_LIKE_SHARE__
اليكم هذه السالفه والتي حصلت لي قبل عام تسعين هحري انتم تعرفون بأن ذلك الوقت نسكن في بيوت الطين التي لاتتجاوز مسحته 60 متر وكانت البيوت وسيعه من سعه اصدور اهلها فتجد في البيت الصغير ثلاث عوائل ومرتاحين لاهم ولاغم والكهرباء متوفره بشكل بسيط المهم كان فيه شخص من اقاربي عنده غنم معزاء عارضيات سود كنهن الليل يمكن ست اوسبع وحاطهن في حوش صغير بوسط البيت يشرب من حليبها وهومرتاح مع الغيمات وفي يوم من الايام قرر ان يسافر الى الديره والمشكله الغنم يبي من يفطن لهن يعطيهن علف وماء وكان بيته قريب من بيتنا حوالي كيلو فقال او صيك ياراعي العجراء تفطن لهن حتى ارجع قلت ابشر بس وش تبيني اسوي قال ابك كل يوم تروح تشتري لهن علف وتعطيهن العلف وتفتح الماء حتى يمتلي الحوض قلت مايخالف بس منين اجيب العلف قال من ذاك المكان القريب طبعا المكان قريب ذلك الوقت مسافه كيلوين ونصف تقريبا طبعا مامعي سياره ذلك الوقت على رجولي وقال ابد متى ماتشوف نفسك فاضي عطهن العلف قلت مايخالف وكل الله عطاني مفتاح البيت وسافر الرجال هو والعائله المهم يوم صار باكر وانا اروح للمدرسه والضهر غلبني النوم وحطيت راسي ونمت والعصر رحت العب كوره قلت اجل لاخلصت من لعب الكوره رحت اشتري علف ووديه لهن رحت و شريت العلف وشلته على راسي حتى وصلت البيت ويوم دخلت ولا البيت اظلم ماتشوف ايدك من الظلام مافيه ولا لمبه مولعه ولا فيه الامنور يجي متر في متر بوسط البيت وانا اتلمس الجدار ماعرف وين مكان مفتاح اللمبه وابدا اتلمس بالجدران مثل الكفيف والعلف على راسي المهم وانا اتلمس بالجدار الا اللي يحط ايديه على صدري مادري وشهو وانا احلت العلف على وراء وطيح على العلف وهويقرب مني واتلمسه الا كله شعر يوم زاغ عقلي من الوحشه اشوي يوم اشتغل جسمي مثل هزاز الجوال كل شي بدا يرعد بجسمي ولاعندي احد حاولت اني اقوم ماقدرت وهذا يقرب وانا ابعد عنه وانا في محلي ماتعديت 10 سم المهم اني وخرت عنه وقمت ادور اللمبه شوي يوم طحت بالمفتاح وانا افتح النور الا وحدة من المعزاء طامرة من من فوق جدار الحوش اللي ارتفاعه مايجي متر وشمت ريحة العلف ومابه صبر (زلوق) وحطت يديها على صدري تبي تطول العلف انا شفت انها عنز وانا اشيل العلف وحطه للغنم وانا امسكه وافسخ عزكم الله النعله وانا اصفقه مع كل جهه في جسمه ولاتعبت يديني اخذتها تشويت مره بوز ومره مشط وحتى الدبل كيك جربته فيها بس ودي اشوته عالي كود تسطح على بيت الجيران وانا اصفق بالباب واطلع وخليها بالبيت والعلف عند الغنيمات ياكلن قلت اذا لقيت لك طريق مثل ماطلعتي ادخلي وكملي اكلك رحت للبيت ولا قدرت انام ذيك الليله من الوحشه والرعده اللي في جسمي ولو اشوفه الحين وعرفه كان ريض به ابكمل الناقص عليه اجل بغت اروح لشهار سبت عنز انتهت السالفه وارجوا ان اكون وفقت في اخراجها لكم وقبل الختام سبحانك اللهم وبحمدك لااله الا انت استغفرك واتوب اليك ودمت بكل خير ومحبه والله يحفظكم |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
راعي العجراء والخروف | محروم.كوم | منتدى أخبار المواقع والمنتديات العربية والأجنبية | 0 | 11-17-2011 03:30 PM |
راعي العجراء في سوق السمك | محروم.كوم | منتدى أخبار المواقع والمنتديات العربية والأجنبية | 0 | 10-31-2011 12:50 PM |
عرس راعي العجراء | محروم.كوم | منتدى أخبار المواقع والمنتديات العربية والأجنبية | 0 | 09-26-2011 02:30 PM |
من سواليف راعي راعي العجراء (ثوب العيد والخياط الباسكتاني ) | محروم.كوم | منتدى أخبار المواقع والمنتديات العربية والأجنبية | 0 | 09-16-2011 02:10 PM |
من سواليف راعي العجراء (عزيمة القعوس لراعي العجراء ) | محروم.كوم | منتدى أخبار المواقع والمنتديات العربية والأجنبية | 0 | 09-10-2011 01:40 PM |