راعي العجراء وهذه السالفه (الشيبان ودقه الوصف)

محروم.كوم · #1 12-08-2011, 02:40 PM

السلام عليكم ورحمة الله وبركاته
اليكم هذه السالفه

عن الشيبان ودقه الوصف الله يكفينا واياكم شرهم
هذا شاب كان يدخن وعزم ان يترك التدخين وحط حيله على العلك والفصفص واخذ بيده سبحه يبي يترك هالعاده القبيحه (التدخين)
وفي يوم سير هالرجال على صديقه في بيته وكان معه نصف صاع فصفص يتسلى فيه
ويبعده عن التفكير بالدخان
المهم دخل في بيت الصديق وكانوا جالسين في خيمة جديده وفرش طيب واخذ هذا الشاب
يتسلى بالفصفص ويجمعه في مكان واحد على المركى وكان لون المركى احمر والبعض طايح على الفرشه (الزوليه)
وخذ من هالسواليف بينهم شوي يوم دخل الشايب ابو الولد صاحب البيت ومعه اخوه شايب مثله سلموا على الولد الضيف ورحبوا فيه وشلونك وشلون اهلك واخوانك وكيف حالك وحال من يعز عليك
المهم شوي يوم التفت الشايب الا وقشور اوقشام الفصفص على المركى والفرشه وما اعجبه الوضع فرحين بالخيمه
قال الشايب لولده
ياصالح اشوف المركى مثل الحصاة اللي عليه مروش طير انت ماقفلت الخيمه
الولد هذا استحاء من كلام الشايب واخذ القشام وحطه في منديل

ولاعاد اكل فصفص
بس تعود على مد يده للمخباة وكل شوي ماكل حبه حبتين ووضعها بالمنديل
المهم امتلى المنديل واخذه الشاب ووضعه في سلة صغيره كانت بالمجلس
وقعد في محله وطلع منديل جديد وفرشه على المركى يريد ان يجمع فيه القشام
قال الشايب الثاني العم هه اشوف الرجال قلب الصفحه وبدا في صفحه جديده الولد استاذن وهج قال هالشيبان الله يكفيني شرهم والله الوصف ياعم ارجع على الدخان افضل من العين والفصفص ومن يوم طلع من البيت وهو يشتري دخان
ويفرغ الفصفص من مخابيه ومن عقبه ماعاد اكل فصفص ياخاف يجيه شي باسباب الفصفص
انتهت السالفه وارجوا ان اكون وفقت في طرحها لكم
وقبل الختام
سبحانك اللهم وبحمدك لااله الا انت استغفرك واتوب اليك
تحياتي للجميع

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
راعي العجراء والخروف	محروم.كوم	منتدى أخبار المواقع والمنتديات العربية والأجنبية	0	11-17-2011 03:30 PM
االيكم هذه السالفه من راعي العجراء جديده حسب طلب اخينا ولد الروووق	محروم.كوم	منتدى أخبار المواقع والمنتديات العربية والأجنبية	0	10-10-2011 08:10 PM
عرس راعي العجراء	محروم.كوم	منتدى أخبار المواقع والمنتديات العربية والأجنبية	0	09-26-2011 02:30 PM
من سواليف راعي راعي العجراء (ثوب العيد والخياط الباسكتاني )	محروم.كوم	منتدى أخبار المواقع والمنتديات العربية والأجنبية	0	09-16-2011 02:10 PM
من سواليف راعي العجراء (عزيمة القعوس لراعي العجراء )	محروم.كوم	منتدى أخبار المواقع والمنتديات العربية والأجنبية	0	09-10-2011 01:40 PM