بنت تحب بنت مثلها ؟ شو نهاية حبهم ؟

» βỊη άℓ đόόŁα « · #1 04-10-2009, 02:52 PM

أنتشر بين البنات في المدارس والجامعات ظاهره تسمى الاعجاب !!! شو سالفه الاعجاب؟ هو ان بنت تعجب وتحب وتتودد لبنت مثلها ...... هالظاهره منتشره بشكل كبير جدا ... وترى هالشي مش شيء يديد اكيد سمعتو فيه..؟؟

طبعا يبدى الموضوع بأن بنت تعجبها بنت اخرى لعدة اسباب كجمالها او شخصيتها او كشختها.... او لانها تشبه شخصيه معروفه ... و....و ...الخ وشوي وشوي الا و نظرات الهيام والاعجاب من بعيد .... اكيد بعد كم يوم بيملون من النظرات فتتقدم البنت الاولى وتدور على طريقه تقرب اكثر من الثانيه بأسلوب الوسطاء والملاحقه..ومن ثم يبداء التعارف ومايصحبه من رسايل وهدايا ...وبعدين مكالمات هاتفيه طووووويله..... ويتطور الموضوع الى غيره وولع وألم وعذاب...(أمحق ..... ولا الافلام القديمه)... وتكون العلاقه مثل علاقه الشاب والفتاه ...... لكن عادة نهاية الأعجاب هي الملل والتحول الى بنت اخرى !! لأن قد توجد نهايه طبيعيه للشاب والفتاه لكن البنت والبنت ... مالهم أي نهايه طبعا!! (الا برى عند الغرب ممكن يتوجون هذا الحب بالزواج !!!) عزكم الله....والله لايبلانا..

انتشرت هذه الظاهره لدرجة ان المعلمات والمسئولات في المدارس والكليات صارو يعانون منها !! في كل جوله تفتيشيه للمعلمات يجدون رسائل فاضحه جدا وهدايا غاليه ...و...الخ من اغراض المعجبات ... المدرسات صارو ينظرون الى الجوالات واشرطة الاغاني في شنط البنات شيء هين مقارنة بالمصايب الاخرى.....

شوفوا هالسالفه.....وحده كانت معجبه ببنت مثلها وتبي تثبت لها مدى حبها بس بطريقه غير عن كل البشر (تدرون شو سوت)؟؟
جرحت أصبعها بمشرط وكتبت على لوحه ورق كبيره (احبك يافلانــــــــــــــــــــــه) الحمدالله ان ربي هداها و التزمت الحين بعد فعلتها الغبيه!!(اللهم لا تؤخذنا بما فعل السفهاء منا)

مثلا ..... بيوم الحب .. في المدارس وكليات البنات انمسكت هدايا بالهبل!! كل وحده تهدي حبيبتها.... (ضاع سوقكم يالشباب)هههههههه

طبعا في فرق واضح بين الصداقه والاعجاب وبين الحب في الله.... والمعجبات يبانون بسرعه من حركاتهم وتوترهم وتصرفاتهم الغريبه والمخجله احيانا..... وأي شخص بيقدر يعرف نوع العلاقه وخاصة الاعجاب!!
طبعا أكيد ان هالظاهره موجوده بعد عند الشباب بس مالي أي معرفه صراحه بمدى انتشاره!

وبعد يقولون ان فيه وحده تشكي كانت تشكي لزميلاتها من خويها (صديقها عن طريق التليفون) وهي تعبانه منه وحزينه!! تدرون وش قالوا لها خوياتها اللي لهم خبرات طويله بالاعجاب؟؟؟؟؟ قالو : يافلانه شو تبين بالشباب ومشاكلهم وقلة شيمتهم؟؟؟؟ سوي مثلنا حبي لج أي بنت حلوه وارتاحي...!! على الاقل تقدرين تكلمينها كل وقت وقدام اهلج وتشوفينها بالكليه كل يوم وتجلسين معها!! وتقدرين تروحين لها بالبيت .. وتهدينها وتسوين اللي تبين معها... ... ولا شاب يهينج ويهددج او يخونج ويتركج (لا حول ولا قوة الا بالله البنات صارو يشوفون الاعجاب شيء طبيعي وعادي وان العلاقه مع الشباب هي الحرام وبس!!....... )

في نظري ان العلاقه بين البنت والولد بالرغم انها محرمه وغير مقبوله تماما واكبرغلط للبنت... الا انها اهون من الاعجاب الف مره على الاقل شيء طبيعي شوي!! ولو نظرنا الى اسباب هذه الظاهره ....نجد ان التالي:.

أولا : ضعف الوازع الديني..... واللي قلبها مليء بلأيمان وبذكر الله تلاقيها مشغوله عن هذي السخافات....

ثانيا:الفراغ العاطفي اللي تعانيه الفتاه... عادة ضحايا الاعجاب من الذين يعانون من الفراغ العاطفي سواء بفقد احد الابويين او الاهمال من المحيطين بها في المنزل... الأم دايم مسيره او مشغوله بالصغار وتنسى ان في المنزل مراهقات محتاجين شويه اهتمام ...... والأباء طول الوقت طفشانين ومشغولين يا ربحان فاللاسهم يا خسران. !! ويبون يسوون لهم هيبه قدام عيالهم ..فما يعطون عيالهم ويه لا والأخوان يا في الملحق ولا مع اخوياه وأن كلم اخته قال لها هاتي شاهي ولا سوي لي عشى..... ( الله لا يهينكم اعطوا اخواتكم شوي وقت سولفو معاهم وتقربوا منهم ....... ترى مافيها شيء لو خصصتو يوم واحد في الاسبوع تطلعونهم يغيرون من جو البيت ... وتشترون لهم شاورما ( عشان ماتقولون خسرونا فلوس)! تناقشون مشاكل البيت ومشاكلهم !! ترى البنت لما يعاملها اخوها بحنيه تتمنى انها تفديه بروحها .... وجي تحس ان فيه انسان يهتم بها ويحل لها مشاكلها ويوقف معاها...

ثالثا: الرفقه السيئه.... البنات دايما في البيت ونادرا يطلعون بحجة انه ماله داعي وعيب...... انزين البنت بتلاقي في المدرسه الصالح والطالح .. هل بتقدرون تمنعونها تمشي مع هذي ولا ذيج؟؟؟ وترى الوحده تتأثر بمعجبتها بشكل كبير عيل شو بيكون لو كانت صاحبة بلاوي وافكار هدامه؟؟؟

رابعا:ضعف شخصية الفتاه وضعف القدوه:البنت اللي شخصيتها ضعيفه تكون فريسه سهله لمن حولها وخاصة صديقات السوء ....... اما بالنسبه لضعف القدوه فحدث ولا حرج ....!! الأبو يمنع عياله من القنوات الفضائيه وبالملحق ولا الميلس تلاقي قنوات مالها داعي!! ويصيح على عياله يصلون وهو وقت الصلاه نايم ....وغيرها وغيرها!!

خامسا : التفسير الخاطيء لمعاملة المعلمات : الطالبات صارو يفهمون معاملة المعلمات بشكل خاطيء وصارو يتعلقون في مدرساتهم بشكل مبالغ فيه !!

منقووول..

الحين بنات فذمتكم هالشي ما قمتن تجوفنه فالمدرسه ولا الجامعه يوميا؟؟

بخبركم موقف استوى معايه..

كنت فأول ثنوي وكان عدنا كلاس كيميا ولا احياء والله ما ذكر خخخخ المهم فهالكلاسين نحن لازم نطلع المختبر.. والمختبر مالنا فالطابق الثاني.. يتنا المس ورحنا وياها المختبر ويلسنا هناك.. يوم دق الجرس جان ننزل لكلاسنا اللي تحت.. ييت اوطي كتبي ع الطاوله... جان القى مكتوب ع طاولتيه هالكلام << الدار من عقبكم ماهي بمرغوبه..تحياتي a >> جااااااان انقع ضحك يوم قريت هالكلام.. وانا اعرف منو راعيته بس مطنشتنها.. بالباجر فالفسحه كنت انا وربايعي يالسين نتمشى .. اجوف هاييج البنت تطالعني وتتبسم لي.. بعد جان اطنشها يوم جافتني ما عطيتها ويه جان تودر الساحه بكبرها ويت تمشي ورايه.. والله هايج الساعه كان خاطريه اهزبها.. الحين مادري اذا عقلت ولا لا لاني خلصت المدرسه وفتكيت من عوار الراس خخخخ

بعد في وحده .. هاي عاد صدق صدق مصختنها.. هاييج السنه فمتحانات آخر السنه .. خلصت من الامتحان رحت ايلس عند ربايعي شوي ويتني وزقرني.. سلمت عليها.. باليدين ما سدها قالت تبا تخاشمني هع هع جان اخاشمها خخخخ
آخر شي قالت لي ابا اقولج شي. قلت لها قولي ..قالت لي. أنا آحــــــــــــــــــــــــــــــــــــــــبـــــــ ـــــــــــــــــــــــــــــــــــــج..!!!
جان اكتم ضحكتيه وطاحت عيني ع ربيعتي اللي كانت تجوفني وتضحك: قلت لها حبتج العافيه.. امممم عادي اروح الحين عن ربايعي..
قالت لي: لا.. وجااااااان تصيح... والله المدرسه ما حلوه بلاج..وتمت تصيح زياده؟؟؟>>>>اونها البنت.. دمووووع التماسيح..
جان اقولها:جي انا ما رايحه اموت ولا اجاهد خخخ شله تصيحين.. وخير شو يعني خلصت المدرسه..؟؟
بغيتها تسكت هاك اليوم ما طاعت اخر شي طفرتبي قلت لها سكتي مش حلوه تصيحين جدام البنات وكل البنات فالساحه يجوفنج.. من الله اسكتت وزين يوم الله هداها وحست ع عمرها.. آآآآآآخر شي آآآآآخر شي قالت لي ابا رقم تلفونج؟؟ اونه بنت خالج قالت لي عندج تلفون بروحج..ماريد مال بيتكم؟؟
فخاطريه تميت ادعي ع بنت خالي.. وع خبالها..ويوم انها مخاويه هالاشكال.. ربي يهديهن ثنتيناهن..>>>> بس فالنهايه ما عطيتها لا رقميه ولا رقم بيتنا هع هع .. وخبرت بنت خالي بعد ما تعطيها خخخخخخخ..>>>>>طلعت لي اشد عن روميو وجلييت خخخخ..

وبس..!!!

الحين شرايكم فهالظاهره؟؟؟يالله اتريا تفاعلكم معايه.. واللي عنده موقف يخبرنا خخخ.. __DEFINE_LIKE_SHARE__

ساحر DXB · 04-10-2009, 03:40 PM

مب بس حب البنت للبنت انتشر

و حب الشاب للشاب بعد موجود (الله يعافينا)

__DEFINE_LIKE_SHARE__

راعي الفتكـ الاسود · 04-10-2009, 03:51 PM

السلام عليكم ورحمة الله وبركاته

شحالك اخوي وعساااك بخير

هاي ظااهره انتشرة واااايد بس مب بين لبنات بل وبين شباب بعد بس لي اشوووفه شباب اقل بواااايد وارحم شوووي

لبنت لي تحب بنت ثاانيه يعني بويه وحبيبتهااا شوو تتوقع اخرتهااا يعني طوط شريط لمراقبه وشي يهاليه هنيه افهمها عاد انته

حركات مالها داااعي الاهل منشغلين ولا يدروون عن عيالهم طلعات مالها داعي ويا حبيبتها يعاملووون بعض مثل واحد ويا وحده مب جننهن ثنينتهن بنااااااات

وفيه بنات يلعبن دووور من لخاااطر ووتحرى عمرها وااااحد صدق والله لمستعااااان ع هاي الظاااهره __DEFINE_LIKE_SHARE__

رًوَحًيَ بًدَوًيهَ · 04-10-2009, 03:53 PM

لا حول ولا قوة الا بالله ..
ترى هذا مب مووووضوع نقرآه ونرد عليه هاااذي مصيبة وكل يووووم تزيد عااافاني الله ..
أنا درست وشفت الظاااهرة بعيني لدرجة أن العلاقة توصل أن وحده منهن لازم تصير بويه والثااانية بنوته ويوم تسمع سوالفهم كأني أسمع ولد يكلم بنت يعني في غيرة وفي زعل وهدايا وبكاء ودمووووع ألخ .......من السخااافااات
لدرجة أن في بعض البلدان أجااازوا العلاقة بين البنت والبنت وسمعت أن صااار بينهم عقد يكتبه المأذون هذا والله أعلم ..

بس فعلاً قضية يبى لها حل بأسرع وقت المدرسة مب كفاااااية عليها تعلم صااارت الحين بس همها تلاحق البنااات وفلانه وين صااارت وعلانه ليش دخلت الحمااام ويا حبيبتها ..
التربية يااا نااس تكووون في البيت يعني لازم الأم تتفرغ لبنتها وتسمعهااا ولا تقول والله بنتي تكلم ربيعتها عاااادي بس شوفي طبيعة العلاقة بينهم ..

إزرعي في قلبها حب الله ورسوله ترى لا فااات الفوووت ما ينفع الصوووت ..

كفيت ووفيت ياأخوووي ابن الدولة وأنته يبتها على الوتر الحسااااس والموووضوع مهم ومااايستهااان فيه لأن من ورائه فيه مشااااكل كبيرة ياااناس وعواقبه وخيمه وفي بنااات فقدوا عذريتهم من وراء سالفة إعجااب البنت بالبنت السموووحة على هاااي الكلمة بس والله موضوع محزن لحالة البناات اللي وصلوا لها .. والله أشياء يشيب لها شعر الرأس ..
عسى ربي يستر على الجميع ويهدينا للصراط المستقيم ..

كيف راح يربوا جيل وأبناء ؟؟!!! __DEFINE_LIKE_SHARE__

راعي الفتكـ الاسود · 04-10-2009, 04:03 PM

لحين بنت تحب بنت وبسبة ها لحب فقدة عذريتهااا>>>>>>وسموحه ع هاي الرمسه لكن ها لواقع

واهاليهم دروا شووو بيصييير ؟؟؟؟؟ فضاااايح لا الها اول ولا اخر

لو كان ولد بيوزونها ايااااه غصبن عنه وعن لي يااابوووه بعد بس بنت وبنت اللله لمستعاااان __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ارقام اتصالات 050 ماتلقون مثلها	محروم.كوم	منتدى أخبار المواقع والمنتديات العربية والأجنبية	0	01-29-2010 04:10 AM
مثلها واجد؟جديد	محروم.كوم	منتدى أخبار المواقع والمنتديات العربية والأجنبية	0	01-25-2010 01:50 AM
أيقونات لم ترى مثلها ولا في الأحلام	محروم.كوم	منتدى أخبار المواقع والمنتديات العربية والأجنبية	0	05-28-2009 08:40 PM
براريد شاي أتمنى مثلها	محروم.كوم	منتدى أخبار المواقع والمنتديات العربية والأجنبية	0	05-12-2009 03:50 PM
مشكلتي لم اجد متلها من قبل ارجو الحل	محروم.كوم	منتدى أخبار المواقع والمنتديات العربية والأجنبية	0	04-20-2009 09:30 PM