|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
هلا يا حلوين اسمحو لي اضيف شي بخاطري احب اكتبه هنا بترايدنت العزيز على قلبي . . . . . . . . . . . . . . . مسؤول قوي وما يتتعامل الا بالواسطة : والنعم فيك مستشفى صحي متكامل بأحدث الوسائل الطبية مساحته فوق الـ 20 ألف متر ، وسعة الأسرّه ( 200 سرير ) فقط ! : والنعم فيك. وقت ما ينزل الراتب لو قلنا للضعيّف 3 آلآف ريال ، وش يسدد له ساهر او ديونه او للمعيشه او لكمالياته الإلزامية وما يبقى الا 59 هلله : والنعم فيك الاجنبي تعدى حدود الفقر بـ 20 خطوه . والسعودي للحين ما تعدى خطوة الفقر : والنعم فيك يا كثر ما نقاطع سلع ونرجع عن مقاطعتنا رغم اسماعنا بالمبررات اللي ما بتنبلع وفوق هذا نشتري اللي (حتى) ما نبيه وننقلع : والنعم فيك هيئة الأمر بالمعروف والنهي عن المنكر . كل ما طق عود بحصاة خذوها فضايح ، والا بعض العساكر من شرط ودفاع مدني وغيرهم حقين النعال والزبيريات عذرهم معهم : والنعم فيك مستشفى الامل الطبي بالرياض للقسم النفسي 2700 سرير واستوعبو فقط 1101 سرير . والمرضى يبون يدخلون و ردو المستشفى وقالو ما في سرير : والنعم فيك مدرسة حكومية بنين بمبنى حكومي في فصل الشتا يتركون الطالب ينجلط من البرد ولا دخلوهم للساحة الداخلية بين الفصول لين يجي معالي مدير المدرسة ويفتح باب الساحة الداخلية : والنعم فيك مدرسة اهلية لبنات بعمر الورد احترقت .. واحترقت معلمة شهيدة عند الله سبحانه في الاخرة ، بس بهالدنيا عن مليار رجل توفت . واكثر من 10 طالبات محترقات إصابة بأماكن متفرقة بأجسامهن ، وللحين ! مالقو المسؤول عن الحريق : والنعم فيك بنات جامعيات بحايل ماتو غدرة حادث اقوى من طعنة السكين بالظهر ، والسبب طريق ضيّق او حفرية صغيّرة : والنعم فيك 4 يمنيين قتلو مواطن سعودي في الكويت ، والسعوية ما علقت بأي شي مير اهلهم محترقين قهر : والنعم فيك كثرة الدردشات الكتابية والصوتية يعني كثرة التعارف حتى في البلاك بيري والمسنجر ، وين المسؤول؟؟؟ :- مافيه : والنعم فيك الأخو صار عدو ، والعدو صار صديق .. والسبب وش هو؟ القرنـّـقش ومصالح اقوى من الفلوس : والنعم فيك الأقارب صارو عقارب ، لا قبايل للتواصل ولا حتى من بعيد على الجوال مراسل ، إلا الخضاير ! اتحادهم زي الامارات ماشاءالله والا القبايل ؟ مثل اسرائيل وفلسطين بينهم : والنعم فيك استضافة مفتوح بدومين 0 ريال ومساحة 100 ميقا وماعنده الا عميلين او ثلاثة عملا هو نفسه صاحب هالاستضافة صاحب هالثلاثة عملا . وفوق هذا يسمي موقعه شركة او مؤسسة : والنعم فيك مطلقة مالها أي راي للمجتمع .. يجيك اي مسؤول لما يسمع عنها .. يا رجال تراها حي الله مطلقة ومهرها رخيص : والنعم فيك ان طب في بيتكم حرامي لا تلمسه ، لأنك لو جرحته او صببت من جسمه دم بيتهمونك انت قبل لا تتهمه بالسرقة انك ضربته وعفجته . خله يروح والله يعوضك : والنعم فيك ان شفت بنيه تلمح لك . عادي لمّح لها ، لأنها بنت طرطور او مالقت من يـسنعها او تسنعها وارجع واقول لك :والنعم فيك ان شفنا حادث انقلاب قدام عيوننا نناظر الحادث ونخلي المصاب لين يا يموت او يجون الاسعاف : والنعم فيك ان عطيت من يشحذك تجي انت بعدين وتشحذه طال الزمن او قصر... وارجع اقول لك :... والنعم فيك في ترايدنت كل المظاهر والعقليات وشوفة النفس ورغم كل هذا لازم تفتخر انك عضو فيه وعشان كذا سم وضعك عضو ترايدنت وارد عليك واقول لك :والنعم فيك الف وسبعة انعام . تركي الودعاني ولد الدواسر الأصيل ابن الأصيلين . تواضع وتوااضعنا معه ، تقدّم وحنا معه ، تكلم وصرخنا معه ، وابتسم وضحكنا معه . يا تركي الودعاني : والنعم ومليون نعم يابوغدير تجي روح انثى وتشوف موضوعي تحسبه للتسلية ، ما تدري ان هالموضوع للتعبير عن اللي في الخاطر مو للتسلية ، واقول لها: روح ..والنعم فيك يوخيتي __DEFINE_LIKE_SHARE__ |
مواقع النشر (المفضلة) |
| |