اليوم كنت رايح لصيدليه بيطريه لشراء ابر نحاز لبعض الابل وكان الطير معي وقفت الموتر امام الصيدليه ونزلت ويوم دخلت والقا الصيدلي يناظر لي ويصرف لي ابتسامه صفرا ماشاء الله تبارك الله زي كذا :d قلت سلام عليكم قال وعليكم السلام اكيد الطير فيه قولاع (قلاع باللهجه المصريه) ضحكت قلت لا ابي ابر نحاز قال ياباشا مش نحاز النحاز بتاع البعارين ضحكت وخليته على ضيعته قلت طيب بتاع الطيور وش؟ قال القولاع قلت طيب وين يجي القلاع ؟ قال يجي في اليد من تحت !!!!! قلت وشلون في اليد قال زي الخراج ههههههههههههههههههههههههه قلت طيب وش العلاج ؟ بصراحه قال لي شي خلا علامات استفهام تدور في راسي قال الملح الاحمر الي يجي على شكل طوب تحط الطير عليه ويعالج القولاع. طبعا اتوقع انه يقصد السده او الناسور الي يجي في الكفوف . عالعموم فهمته اني ابي ابر بعارين والطير مافيه الا العافيه لكن الي ودي اعرفه من اخواني هل ماقاله يمكن ان يفيد للامراض هذي مثل السده والناسور او الحفاه.