[center]الجو صافي والهوى ياهوى البـــــال=ودي أبيعـه موتري واشتريبـــــــــه
جيب أجمع قيمته من جدى الحــــال=واقفي عن السيسان لرض ٍ رحيبــــه
واطرد هبايب نجد والسيل لاســـــال=واجلس مع الريضان واروى بشعيبه
واحطب معاني هاجسي والتــِّرحَّـــال=واسمع عويل الليـل يعوي وذيــــبـه
وعز الله إنك يالخوي للونس فــــــال=ودي تخاويني معـــــــــزة وطيبـــة
وان كنت رحال فانا معك رحــــــال= يم الرمال اللي خــــدوده رطيبـــــه
وان كنت سالي عن طريقي وميـــال=فالله يسهل كل درب تصيــــــبــــه
لا ترتكي بكثر المشاغل والأعطال= المهتوى محــــدن يرده ويجيبـــــه
اجمع حطبنا والوعد شدِّ بحـــــبال=واختر من البغدادي دله عريبـــــــــه
والقهـــوه اللي تعدل الراس تنــقال=شقرى اليمن هي منيتي وسلــوتي به
وحدد شمال شرق والوجد بخيـــال=يحجب شعاع الشمس يطـــفي لهيبـــه
والفيضة اللي البست زهرها شـــال=عروسة ٍ زفو حلاهــــــــــــــا لحبيبه
وليا غربت شمس المسا حط برحال=واركز خيامك والمســــــايل مهيــبـــــه
والجلسة اللي للرجاجيل مـــــدهال=فيها تلاقي كل خيــــــــر ٍ نجيبــــــــه

وحول الجمر صاجة ودلة وفنجال=اطرب على دق النجر والتــهيبــــــــه
وابهر الدلة بنخــــــــوة ومكــــيــال=والهيل هندي مزعفر ٍ بـو بُشيــــبـــه
والصحبة اللي ما تعادل بالأمـوال=ترخص لهـــا كــــل الثماين ٍغصيبــه
منهم حرار معكرشه بالسماء عال=نشري غلاها والغلا نهتنــــــــــي به
ومنهم خوي الذيب ليل ٍ ومقيال=معشي العربان حضرة وغيبـــــــــه
وياطيب فنجال شربته مع جبــــال=ماتشيلها رياح الزمن وتغـــــــــديبه
حرفي على المسحوب شلته بموال=وباقي شوارد هاجسي معتنــــي به [/center]

لسماع الشيلة والابيات

للتحميل
هنا
...
...
لسماع الشيلة

للتحميل
هنا