القريه العالميه.. شو السالفه ياعرب؟؟؟؟؟؟؟؟؟؟؟

العنيده21 · #1 01-19-2008, 02:44 AM

..... السلام عليكم ورحمة الله وبركاته .....

قبل ماادخل في المـــوضوع سؤال يدور في بالــي

شخص من المنتدى ولا برع المنتدى ,,

ليش تروح القرية العالمية ,, وشو تسوي فيها ,, ؟!

خاطري اسوي استفتاء في هالشــــي

وأشــوف الشباب والبنــات ليش يروحون القريـــه ؟

تدق موتركـ سلف ,, وتحرك ,,

وانت ماشي وبيدك الكركـ تشوف واحد من الشباب واقف ,,

توقف له وتسلم عليهـ ,,

تسأله ,, ليش تروح القريه ,,

وهو بنظرهـ مستغربهـ يقولك اسير عشان اطالع البنات !!

وهم يعلبون ,,

وانت تطالعه ماتدري تضحك ولا تسكت ولا ولا لا ....

هاد شغل الدنيا وهاد اهلك وضارب خط للقريهـ عشان تشوف بنات !!

يقولــك بكــل ثقـــه .. هيه

تستغرب من هالانسان تقوله صدق فاضي ,,

تحرك الموتر ,, تقول بسير القريه

بشوف الشباب شو يسون هناك هذا واحد

قال بشوف البنات ،،

بنشوف الباقين شو يسون ,, توصل القريه ,,

وانت حتى كشخه مب كاشخ ,,

تنزل من الموتر تدش القريه وعلى طول للألعاب ( مكان تمركز البنات ),,

صار معروف كلهم صوب الالعاب ,, سبحان الله !!

تمشي وتطالع وتشوف فجاة شلة شباب واقفين ,,

تقعد تطالعهم فجاة تشوف ,,

هالشباب واقفين بس عشان يشوفون البنات يلعبون ,,

يعني هاد الدنيا وضارب خط وعافس نفسهـ ,,

وكاشخ وحالته لله ,, ياي ,,

بس عشان يشوف البنات يلعبون ( كأنه الاخ في حياته ماشاف بنت )

بو الشباب ليش واقف يقولك شوف شوف ,,

بنات يلعبون ,,

انزين بنات يلعبن خير ياطير ,, يقول شوف يمكن وهي تلعب ,,

تنعجب فيك وتلحقك

تخلص من الشباب تبا تكتشف البنات ,,

طبعا" بتستحي تسال بنت ,,

ليش سايره القريه لان عادي بالكعب ع ويهك ههههـ ,,

أو بترد عليك الرد المشهور ( أهلـي ماقالوا لي شي انت شو يخصـك !! )

لكن روح القريه وتطمش ,,

طبعا اوقف مكان واحد راح تاخذ فكرة عن البنات ,,

بنت يايه من بعيد

عادي تركض عشان تلحق ع شو ماتدري ,,

تمر صوبك ولا ريحة العطر تغريكـ تقول ببالك ياويل حالي ,,

والمكياج لاتخبر مهرجان بويها

,,

تسيئ الظن بها بنت يعني بنت مكياج وملابس باينهـ ,,

هل بتحط ببالكـ يايه تتمشى ,,

وماببالها شي ,, اكييد لفت انتباهـ والقهر انها تسير تلعب ,,

كل هالكشخه عشان تلعبين ,, ( سبحاان الله )

البنات حالتهم حالهـ ,, تلقى البنت وهي طالعه من البيت ,,

بس محطيهـ جحل ,, جريب القريهـ ,,

عرس بوييها وهي راده البيت تشل العرس تخليه جنازه هههـ ,,

,,

تسالها امها وعلى نياتها بنتي استانستي ,,

تقول هي امي استانست وايد وماسويت شي بس لعبت ,,

مسكينه ماكانت مسويه شي البنت هههه ,,

,,

القريه وانت تدشها قلبك يعوركـ ,, تشوف امور يمكن انت تتضايق منها ,,

تشوف تصرفات الشباب الصبيانيه ,,

تشوف البنت كيف حالتها بالمكياج و العباه ليش تلبسها مع الحجاب ,,

هل البنت تتريا يقولون لها لاتبسين حجاب وعباه ,, ؟!

هالشي ابد مايعنيني يسون الي يبونه اكيد ,,

لكن ايمانك بالله يخليك تتكلم لو محد يسمعك بس ربك يعلم مابالقلوب ,,

نحن نشوف منكر مانقدر نغيره بيدنا ولا بلسانا ,,

بس اضعف الايمان قلبنا ,, لو تقولون مايحق لي تتكلم ,,

بقول لكم بتكلم لو حتى الكل يعارضني ,,

همسهـ ,, هالنوعيهـ فئة بس فئة صارت كبيرة للاسف

منقوووووووووووووووووووول __DEFINE_LIKE_SHARE__

..][مهـا الـعرب][.. · 01-19-2008, 02:50 AM

السلام عليكم ورحمه الله وبركاته

الله يستر ع اليميع انشالله

يسلمووووووو حبوبه ع الطرح الحلوو

الله يعطيج العافيه

^_^ __DEFINE_LIKE_SHARE__

كاشخه ومفلسه · 01-19-2008, 03:06 AM

نآآآآآسـﮯ مآآآخذينـﮯ الدنيآآآ لعبـﮯ ونسوووآآآ انـﮯ اللهـﮯ مطلعـﮯ

على مآآفيـﮯ القلوووبـﮯ

ربيـﮯ يهديهمـﮯ بسـﮯ شنقووولـﮯ ...

لاعدمنآآ اليديدمن صوبجـﮯ يالغلآآآ __DEFINE_LIKE_SHARE__

المكسيكيه · 01-19-2008, 05:07 AM

تسلمين عالنقل ..
شو بنقول الله يهدي الجميع انشاء الله ..
__DEFINE_LIKE_SHARE__

لأنيـ انسانهـ · 01-19-2008, 05:41 AM

هلا والله ..

في البدااااايه حابه اشكرج ع الطرح

ثاني شي .. انا بعد الصراااااحه السنه واااااااااايد اتضايجت يوم سرت القريه من المناااااظر الجميله !!!!

الوااااااحد ما يقدر يمشي ع راحته و لا ياكل ع راحته و لا يرمس ع راحته و حتى و هو واااقف و ما يخصه في الدنيا ما يقدر يوووقف ع راحته !!!!!

اليوم انا سرت القريه و الله لا يراويكم شو شفت م من منااااااااااااظر انحطااااااااااط !!!!

انا اشفت وااااااااااايد اشياء ضايجتني في القريه و من بد هالاشياء و اكثر شي ضايجني هو الشبااااااب و تحرشهم الزاايد ع اللزوم و اللي تخطى حدهـ !!!!!

طبعن ما اقصد كل الشباااااب .. لا انا اقصد الشباااااااب المغازلجييين !!!!!

و الله العظيم اني ما قدرت لا آكل ع راحتي و لا ارمس ع راحتي و لا اتشرى ع راااااحتي =(

والله اتضايجت ...

بقووولكم المواقف اللي ضايجتني :

مره كنت يالسه اشرب فيتامين ... جان يمر وااااااااااحد عدالي جان يقووولي شو السالفه مره تشربين ريدبووول و مره فيتامين عطيني شي انزين ,,,

اف انقهرت ... انت شو لك انا اشرب فيتامين ولا ريد بوول و لا اشربهم ثنيناتهم انت مالك حق ترمسني وليش تراااقبني !!!! و لا اون عطيني بعد صدق انه مضيع المذهب !!!!

مره كنت يالسه ارمس بنت خالتي اسووولف وياها جان ايي وااحد دش عرض في السالفه جان يقووووووووووول ... انزين كملي شو استوى بعدين ... !!!

آه ثرى الأخ من الصبح يسمع السالفه .. شو ها يعني الووووووووااااااااااااحد ما يقدر يرمس ع راااحته !!!!

و مره كنا سارين نبا نلعب لعبه بس عن خاااااااطرنا ,.. بس للأسف ما قدرنا نلعب شي لأنه زحمه و مشاااااءالله الشببببباااااااااااااب و البتان مصطفين عند الالعاب يشوووفووون البنات و هن يلعبن!!!

يعني لو لعبنا ما بنقدر نلعب ع رااااااحتنا ... و بعدين يا زينا نلعب و هالجمهووور الجميل مجابلنا !!! ااف اف اف !!!

مره كنا نتمشى نتشرى ثياب و خرابيط من القرى جــان ايووون شلة شبااااب يتحرشووووون .. ما خلوووونا في حالنا ... جان نروح من القريه !!!

والله حاااااااااااااااله ما نقدر نسوي شي ع رااااحتنا ... حتى الشرى اللي هو الشرى ما نقدر نتشرى ع راحتنا ... انزين انتو يالشبااااب شو يوديكم عند القرى هناااااااااااااااك كله ثياب و خراابيط حريم يووم تيمعتو عند الألعاب قلنا شباااب ما عندهم شغل غير اللعب بس شو يوديكم صوووب السووووووووووق يوووم مالكم حااااااايه فيه ... يعني في ناس تبى تتشرى ع راااحتها !!!!

و مرهـ كنا واقفين في زاااويهـ يالسين نتريا اختي لين ما تي من المطعم ... حليلنا والله ما يخصنا في العالم جـــان ايووووون شلة شبااااااااااب يتحرشووون فينا !!!!

شو ها والله حتى يوووم يكووون الواااحد ما يخصه في الخلق يأذوووووووووونهـ !!!

يا ناس يا عالم ليش القريه جيه استوت !!! و ليش وصلو شبااابنا و بناااتنا لهاااي الدرجه من الإنحطااااااااااااط !!! معقوووله يعني الواااااحد صار ما يقددر لا ياكل و لا يمشي و لا يتشرى و لا يوووقف و لا يلعب ع راااااااااحته !!!!! الوااااااحد يطلع من بيته عشااان يغير جو مب عشااان يضيج ع عمرهـ زياااااادهـ !!!

من متى استوى مجمعنا جيه و لين متى بيتم جيهـ !!
السمووووحهـ منكمـ

}{ الله يهدي الجميع }{

.:. انــســانــوووووووووووووووهـ .:. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وش السالفه ؟ معقوله قدرت اكسر البرنامج ؟!!! السالفه كلها هنا ادخل ياولد !!	محروم.كوم	منتدى أخبار المواقع والمنتديات العربية والأجنبية	0	12-14-2009 11:10 AM
جسر القريه	محروم.كوم	منتدى أخبار المواقع والمنتديات العربية والأجنبية	0	10-26-2009 05:40 PM
زورونا في القريه الاماراتيه (القريه العالميه) محل ريانة العود	ام خليفه	بيع و شراء و عروض التجارية	58	03-09-2009 12:32 AM
القريه العالميه In dubai؛؛؛^ _ ^	♕ وليد الجسمي ♕	سفر وسياحة	35	01-17-2009 06:25 PM