ياجمجمه........من ذبحك

محروم.كوم · #1 11-11-2011, 06:21 AM

السلام عليكم ورحمة الله وبركاته

يعلم الجميع ان الذاكرة الشعبيه تزخر بالعديد من القصص الغريبه
والتي تكون مستحيلة الوقوع او اقرب للخيال منها للحقيقه
سأقوم بإيراد إحداها هنا
واتمنى من الجميع إفادتنا بقصص من هذا النوع ولكن في موضوع منفرد
كلنا امل ان نقوم بإثراء هذه الخيمه بالجديد و المفيد

قصتنا تقول
كان فيه بدوي مسافر من ديره لديره
ماسك خطام ذلوله بيساره وبيمينه عصا
وماشي بها الصحراء
اثناء مشيه وجد جمجمه فاخذ يدربيها بعصاه
ويردد ياجمجمه من ذبحك
كررها مرارا كنوع من التسليه ( يقولون ماكان معه سبحه قال خلني اطقطق بهالجمجمه)
في احد المرات ردت عليه الجمجمه وقالت ذبحني الساني
وهو يحط رجله
دعس شوي ثم وقف وقال خلني ارجع أكررها مره ثانيه
رجع يمها أعاد الحركه وردت نفس الرد
مره وثنتين وثلاث وعشر
وهي جالسه ترد عليه
شالها معه ومشى
وصل اهله وهو يجمع ربعه
يبي يتاكد من الموضوع صلح الحركه قدامهم وفعلا ردت الجمجمه
انبهروا ويقوم هاك الغثيث عاد لو تشوفون وجهه ( يشبه فلاح اللي مع غليص)
وهو يشور عليه قال رح وسوها قدام الوالي بتبهره الحركه وبيعطيك فلووس
الطمع الطمع دعس ذيبان وراح يم الوالي
جاء عند الحاشيه وقال أنا معي جمجمه تتكلم ما صدقوه
راحوا وقالوا للوالي فيه واحد معه جمجمه ويقول انها تتكلم
قال جيبوه بسررررعه
جابوه ووقف قدام الوالي
قال وش عندك
قال عندي جمجمه تتكلم
قال الوالي وان ما تكلمت
قال سو اللي تبي
قال ترى بقطع راسك
قال لا تبقي منه شي
قام ودربى الجمجمه وكله ثقه

وهو يقول ياجمجمه من ذبحك ماردت
كررها مرتين وثلاث وعشر مانفع (ضاعت الثقه)
الوالي اشر للسياف وهو يمسح راس خوينا الا وكنه ماخلق
يوم طاح على الارض والجمجمة تقول

( ذبحني الساني وذبحك السانك)

اتمنى تنال شي من اعجابكم
دمتم بوود __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ذبحك الحب ياقلبي	محروم من البسمه	أم علايه , دبكات , جلسات	3	07-06-2009 12:35 AM