|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمة الله وبركاته
__DEFINE_LIKE_SHARE__
حيا الله مشرفينا الكرام أخواني وأخواتي ألأعضاء زوارمكشاتنا الحبيبه كان فيه مكان نروح له كشته جماعيه عائليه ليوم واحد ولا أذكر من المكان غير ان اسمه @ ساقي الخرج @ وهو ساقي عرضه يمكن 2 متر او اكثرويقل ببعض الاماكن ولا اعرف من وين يجي ولا من وين يروح.وكان عميق بأماكن وأماكن لا. اسعد اللحظات لادرينا ان فيه روحه للخرج وبالذات ساقي الخرج حيث تختلط رائحة اشجار الأثل والماء والتراب ولا ننسى اصوات العصافير وزقزقتها اللتي لاتهدئ والدخل اللي من كثر مايصيدون ويشوون بذاك اليوم يطلع لنا ريش ونبدى نطير من اثله لأثله واكيد اول مانوصل يجهزون لفطور جماعي وفلة حجاج.......الساقي نتفرج عليه ولالا للسباحه !!! غويط والبزارين واجد صعب التركيز على من سبح و من غرق.. معنا عمة كل الموجودين وهي حرمه كبيره بالسن على ال 90 من العمر اطال الله بعمرها فهي ما زالت تتمتع بالصحه والعافيه ماشاء الله ولاقوة إلا بالله.. قالت يابنيات ابي ماء اتجدد للصلاة حنا مثل اللي ما صدق على الله واقرب سطل وعلى الساقي ومن غير ما يدري احد من الكبار ان حنا رايحين نجيب للعميمه ماء تجدد للصلاة. اللي معي بنت خالي وجت تبي تمد إيده وتغطس السطل بالساقي طاحت كله هي والسطل بالماء وتمسكت بطرف شجره صغيره بجنب الساقي ومديت ايدي من غير تفكير باسحبها طحت انا بعد هي تمسكت زين بالشجره ودلت تصرخ وانا ما عاد ادري ويني شربت ماء الساقي كله لدرجة اني توقعت اني سبب الجفاف هاك السنه !!! تمت عملية الانقاذ وطلعت وباقي لي بالدنيا نصيب والحمد لله عندي شوية خبره بالسباحه من برك النخل وشرب ماهن والتسبب بالجفاف للمزارع ورحت ابي اقول اني غرقت وانا بيني وبين نفسي مستانسه اني طبيت بالساقي وموب مهم شرب الماء وأول ما قابلني عجيزنا الغاليه تحتري الماء ؟؟؟قالت: وينتس وين الماء ؟؟؟قلت : انا غرقت ياعمه قالت:وشششششي غرقتي مع جدي !!! أخرتين عن الصلاة ... همن قالت :وشي غرررررقتي يااااااااخلف ابوي ...تقولينه صاتزه اسم الله عليتس..ساعته شفت اني شي !!! و من شد وناسة الغرق امشي واحس اني اطير سبحت سويت اللي ما يقدرعليه احد من البنات والعيال !!قصدي غرقت.. تحياتي اختكم .. قوافي .. |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سالفة:سوق حلة القصمان.قوافي | محروم.كوم | منتدى أخبار المواقع والمنتديات العربية والأجنبية | 0 | 10-20-2011 01:00 AM |
سالفة:طين جدي.قوافي | محروم.كوم | منتدى أخبار المواقع والمنتديات العربية والأجنبية | 0 | 10-11-2011 08:30 PM |
سالفة.مجلس الأمهات..قوافي | محروم.كوم | منتدى أخبار المواقع والمنتديات العربية والأجنبية | 0 | 09-14-2011 11:00 AM |
سالفة:دجيجات.امي...قوافي | محروم.كوم | منتدى أخبار المواقع والمنتديات العربية والأجنبية | 0 | 09-12-2011 12:00 AM |
سالفة:طير المدعى..قوافي | محروم.كوم | منتدى أخبار المواقع والمنتديات العربية والأجنبية | 0 | 09-03-2011 01:10 AM |