" هبوووب الشمااال .."

محروم.كوم · #1 10-27-2011, 12:50 PM

صبااااحكم خيير ان شاء الله

أرشيفية ماكان عندي نية انزلها هنا

لولا صوت الهبايب بالنوافذ مع نسماات البراد

والوسم له ايام داااخل

وعساه عام خير ويكون ربيعنا هالسنة فعلا غير ..
.
.

متى تبي تذعذع هبوب الشمالي وتبدا مطاليع المزون الثقيلات متى يبي يجنّا سواة الجبالي لا عرّضنْ مابين صاره وابانات بروقهن من تحت لهن اشتعالي وحس الرعد فيهن يجلجل بالاصوات لا ذكّروهن عاشقين الخِيالي وجابوا خبرهن قبل هذا بفترات سوّوا لهن بالنت نوع اتصالي ومرّوا على الياهو ومرّوا بمكشات وشافوا صورهن قاطعات المجالي وحطّوا لهن مع شيّة الرب حروات والى اقبلن طاروا لهن باعتجالي على الجيوب اللي مع الدرب عجلات مثل المحب ان جاه بالدرب غالي يلقاه من شوقه بنصف المسافات ويوم اوصلوا واسترسلن بانهمالي كزّوا لنا تبشيرهم بالرسالات هذي اماني سقتها من خيالي وارجي من المولى تحوّل حقيقات ويسقينا من فضله عزيز الجلالي اللي بحر جوده يفوق المحيطات ياالله ياربٍّ على الناس والي ياعالمٍ كل الامور الخفيّات نرجيك ياسامع دبيب النمالي ترسل علينا من تواليك رحمات يمّك رفعنا صوتنا بالسؤالي يوم ابتدا الوسمي وجاله علامات اسق الديار الدارسات المحالي واحي الدعوب اليابسات السنيّات يازين لا قالوا ترى الكمب سالي وواد النسا من حدري الجسْر كد فات هناك ابستانس ويرتاح بالي واشفق على نظم البيوت الجزيلات واسج سجة داله القلب سالي ماذاق في سوق الهوامير نكبات لاسقت جيبك يم هاك السهالي شرقيّ الاريل بين عبلا ورامات وهي مناقعها سواة اللوالي تبرق وتعكس صورتك كالمرايات وعقب التمشي جيت في دوّ خالي تسورب شغيّاته كما زحف حيّات واوقدت لك بالرمث نارٍ تلالي ريحة ندا رمثه تفوق البخورات وفرشت من حوله ثلاث الزوالي اللي على الجالس تفصّل مقاسات وصفّيت فيها مهدفات الدلالي وضبطت بالبن اليماني لك اسواة وفنجال شايٍ خادر اللون حالي مثل الدعايه لاتذوّقتْ رشفات ومعك من الربع القروم العيالي اثنين بالحِسبه ..وبالفعل ميّات وافين ماهم من هواة الجدالي صافين بالخوّه علاقه ونيّات كلامهم مثل القراح الزلالي لا ذاقه الظامي عقب طول مظمات لحظة صفا فيها زماني صفالي للنفس لذّاتٍ .. وللعين مجلات ويزيدها لا غرّد الطير عالي وهبّت علينا من طرى النود نسمات تكفيك لو ساعه هموم الليالي اللي على مثلي لها نوع غارات

.
.
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM
"دويتشه بنك": "إعمار" و"الدار" و"الخليج الأول" و"الموانئ" شركات واعدة	محروم.كوم	منتدى أخبار المواقع والمنتديات العربية والأجنبية	0	04-22-2010 09:30 AM
"سيتي" يصدر تصنيفات إيجابية لـ "إعمار" و"الدار" و"العربية" و"الخليج الأول"	محروم.كوم	منتدى أخبار المواقع والمنتديات العربية والأجنبية	0	09-29-2009 01:20 PM
"""""للبيع باترول سوبر سفاري موديل 99 ديزل """""""""	محروم.كوم	منتدى أخبار المواقع والمنتديات العربية والأجنبية	0	04-28-2009 02:40 PM