سالفة:سوق حلة القصمان.قوافي

محروم.كوم · #1 10-20-2011, 01:00 AM

السلام عليكم ورحمة الله وبركاته

صبحكم/مساكم.....الله جميعا بالخير

معضمنا يعرف حلة القصمان او سوق الحله الجميل

سوق له نكهه معينه تختلط به روائح العطور والاقمشه والبهارات والحنه والعود ولمعة محلات الذهب وزيارته بالنسبه شي كبير ومتعه لايضاهيها شيئ.ففيه عبق تاريخ وماضي جميل..للأسف انتهى

وكان السوق عباره عن شارع ممتد وضيق يمينه محلات تجاريه ويساره باعه يجلسون بالارض وخلفهم مقبرة الحله رحم الله احببنا وامواتنا ومن دفن فيها من امة محمد.

كان البياعين اللي يجلسون بالارض ترتكي ظهورهم على سور المقبره وبعضهم يحط الشناط الحديد اللي هي مستودع لما يبيع بينه وبين الجدار.

كنت اخاف من اللي يبسطون بالارض كثير لان المقبره وراهم ودايم نسمع اللي يمر بالمقبره بالليل يطلع له ميت ودائم ما تشتغل التهيوئات كنت احسب ان كل اللي قاعدين بالليل يتغيرون ويصيرون من الاموات..

من ضمن اللي يبيعون فيه حريم تبسط بحناء واشياء حريم وشي اصفر مدري وشي وقريض وأشياء واجد

والبسطات كثيرومختلفه بأنواع البضاعه .......من ضمن البياعين

فيه رجال باسط كرم الله القارء بنعال نشريها للبيت وكان يتهاوش البياع مع رجال معه نعال يبي يرجعهن عشان الثنتين يمين او يعطيه اليسرى وطال الخلاف وصارو يتشاتمون وانسد الشارع لأنه ضيق وصار صعب نمر من تجمع الناس اللي يبي يشوف واللي يبي يفك لان الامر تطور لمد ة الإيدين وتطايرة النعال وشوي إلا وشال الرجال واحدة من البوادي حقة الحرمه اللي باسطه بحناء جنب راعي النعال وكبها على البياع وصارت البياعه تصارخ راحت تجارتها على الارض والمتجمهرين للفرجه او للمساعده وخرو بسرعه عشان ما يجيهم غبار الحنا ومادريت إلا والرجال كله اخضر مافيه إلا عيون تلمع وخشته كله سعابيل مليانه حناء!!!

وكان يجي بالتلفزيون مسلسل العملاق الاخضر ليمنه زعل انقلب كله خضر وصار جثه كبر العماره ...

بهاك الفتره عمري صغير واختلط معي الحابل بالنابل وصار هي من المقبره ولا العملاق الاخضر !!

شلت السوق بصراخي من الخوف همن كمل الناقص وجا البياع الاخضر وقال عطوه ماء عطوه ماء وانا اناضره يطلع غبار الحناء من الخشه !!!!جاني انهيار اخضاري بلون الحناء ...

تحياتي

اختكم

.. قوافي ..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سالفة:طين جدي.قوافي	محروم.كوم	منتدى أخبار المواقع والمنتديات العربية والأجنبية	0	10-11-2011 08:30 PM
سالفة:حصان الباشا..قوافي	محروم.كوم	منتدى أخبار المواقع والمنتديات العربية والأجنبية	0	09-22-2011 05:11 AM
سالفة:دجيجات.امي...قوافي	محروم.كوم	منتدى أخبار المواقع والمنتديات العربية والأجنبية	0	09-12-2011 12:00 AM
سالفة:طير المدعى..قوافي	محروم.كوم	منتدى أخبار المواقع والمنتديات العربية والأجنبية	0	09-03-2011 01:10 AM
سالفة:خروف الضيوف..قوافي	محروم.كوم	منتدى أخبار المواقع والمنتديات العربية والأجنبية	0	08-29-2011 01:40 AM