تكفون تكفون تكفون .. قبل لا تكون الخسارة فادحة !!

محروم.كوم · #1 10-08-2011, 08:40 PM

بسم الله الرحمن الرحيم ..

السلام عليكم ورحمة الله وبركاته ..

تكفون تكفون تكفون أفيدوني : ترى الموضوع طويل لكن :

اللهم إني أسألك باسمك الأعظم الذي إذا سئلت به أعطيت وإذا دعيت به أجبت أن تفتح على كل من يشارك برد أو رأي في الموضوع أن تفتح عليه من واسع فضلك .. وأن تصب عليه الرزق صبا وأن تصلح له النية والذرية وأن ترحمه ووالديه من النار ..

موتري لومينا 2005 وضعي ولله الحمد والمنة كان ممتاز لكن صار لي ظرف وجلست حول 25 يوم ما شفتها ولا انتبهت لها .. الموتر شيكت على الماء فيه بعد العيد .. طبعا انا أعبي زامل أخضر .. والوضع ممتاز حتى لو جلس المكيف شغال فترة طويلة والسيارة واقفة .. طبعا الموتر كان مع أخوي وهو رجال كبير وعاقل لاهوب راعي سرعة ومشاويره كانت تقريبا قريبة ومعقولة .. بس ما شاف الماء ابد من آخرة مرة زودت انا الماء ..

يوم الثلاثاء الماضي كنت راجع من الدوام تقريبا الساعة 8 الصبح الجو كان طيب والمشوار قريب وما شغلت المكيف .. وقفت عند إشارة ولا طولت إلا والحرارة بدت ترتفع بشكل متواصل حتى عدت النص ومشيت والحرارة ترتفع حتى وصل للخط الأول الحمر ولا تجاوزته وبدت تنزل حتى وصلت البيت ..

خليت السيارة تبرد وترتاح .. بعدين فتحتها وعبيت الماء طبعا كانت فاضية شغلتها والماء ما طش ولا طلع له رغوه ولا فقاعات والوضع طبيعي .. الشيء اللي استغربته نقط لونها تقريبا بني فاتح طفت على الماء .. مدري وش توقعت يكون وساخة أو صدى من الرديتر !! طبعا رحت بعدها على السيارة والوضع طبيعي 100%
حتى فيه مشوار بعيد رحت 40 كيلو بدون بدون مكيف و 40 كيلو بمكيف وامبير الحرارة في الوضع الطبيعي

يوم الجمعة قبل الصلاة قلت خلني اشيك عليها لقيت الماء مليان .. لكن ظهرت لي البقع البنية وفكت راسي ..

خفت لا يكون الزيت دخل على الماء هم تكون علامة تبويش لا قدر الله .. شيكت على عيار الزيت لاهوب ناقص ونفس اللزوجة تقريبا وما لاحظت أي وجود للماء في أمبير الزيت .. ولا شفت أي دخان أبيض مع الشكمان حتى لو كان خفيف .. وضع الحرارة بعد كذا مشوار طبيعي ..

تكفون عطوني رايكم في تساؤلاتي :
1 / وش هالنقط اللي طفت على الماء ووش مصدرها ؟؟ وكيف أتأكد إن الوضع ما فيه مشاكل ؟؟؟
2 / لو كنت في مكاني وش بتسوي ؟؟
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يالربع تكفون فزعتكم . لحد يدخل ومايرد تكفون تكفون .	محروم.كوم	منتدى أخبار المواقع والمنتديات العربية والأجنبية	0	08-19-2011 11:30 AM
تكفون تكفون تكفون تراها تهز الرجاجيل	محروم.كوم	منتدى أخبار المواقع والمنتديات العربية والأجنبية	0	09-03-2010 09:20 AM
الله لايهينكم .,. تكفون .,. تكفون,’, تكفون.,.	محروم.كوم	منتدى أخبار المواقع والمنتديات العربية والأجنبية	0	07-02-2010 07:10 PM
تكفون تكفون تكفون ساعدوني جعل ربي يسعدكم	محروم.كوم	منتدى أخبار المواقع والمنتديات العربية والأجنبية	0	01-21-2010 09:50 AM
تكفون تكفون تكفون // أغنية مسلسل أصابع الزمن	محروم.كوم	منتدى أخبار المواقع والمنتديات العربية والأجنبية	0	11-04-2009 08:50 AM