اليوووم بخبركم

الفرق بييين


البنت الناعمه


و


البنت الدفشه :

فالله ايعييني على البنااااااااااااااااات بعد مايقروا هالموضوووع (هههه سوالف)

يالله يا بنات دوروا شخصيتكم خخخ ^__^

اول شي


البنت الناعمة :

طبعا هذي البنت وهى نايمه فى غرفتها عاد الدبدوب والارنوب كلهم فى أحضانها واذا قامت من النوم

ما تقوم الا الساعة وحدة الظهر واللى تقعدها من النوم الشغالة وطبعا تكلمها بالانجليزى (بترجم)

لكم عاد شو اتقوول الخدامه حقها :

قومى ما ما وقت واجد تأخير

والناعمة اول ما تصحى من النوم تفتح الستارة والشباك علشان الغرفة تتنفس وتشغل عاده الموسيقى الرومانسية

علشان يكون الجو رايق وعقب تاخذ حمام محترم وبعد ما تطلع من الحمام على المراية تحط من هالكريمات

والصبغ علشان لازم تحافظ على البشرة... خلصت من المراية وتتجه عقب للاستشوار

وبعدين تلبس البنطلون الجنز والبلوزة ....وتنزل تاكل الفطور اللى يكون عبارة عن دونات وعصير برتقال


البنت الدفشة

تقوم الساعة 8 الصبح وهى ما ودها تقوم

وتدخل امها عليها بالغرفة وتصرخ عليها قومى ماشبعتي نوم

ترد الدفشة على امها :

زين زين الحين بقووم

وعاد اتقوووم وهي تتأفأففففففف ويطلع من

حلجها نااااااااااااار ههههههههه

بالاضافة الى انها وهى نايمة كل دقيقة تطيح من على السرير هعههع

وبعدين عاااد

يدخل اخوها الصغير ويصرخ ويقووول :

(ويعــــــــه) يالله بسج ارقااااااااااااااااد

ترد علية :

اطلع من الغرفة والا لا أفرك من الشباك الحين

المهم اخوها اللى اكبر منها يروح لها الغرفة ويرفسها

وبعد تلك الرفسة العنيفة عاده ههههههه

تصحى من النوم


نرجع للبنت الناعمة

ما تتغدى الا الساعة 4 ولا 5

وعاااد شو غداااها بس ههههههه بس عيش وبيض مسلوق

وسلطة تحافظ على رشاقتها هعهعهعههع


اما البنت الدفشة

تتغدى الساعة 12 بالضبط ولا تغدى برياني ولا مجبوووس ولحم او دجاج واذ خلصت تشرب البيبسى شربة وحده

يعنى ما فى مجال انها تتنفس هههههههه

وما تسمع الا اصوات مخفية


البنت الناعمة

طلعتها تكون من بعد صلاة المغرب

و ما تطلع العصر تحافظ على البشرة من ضوء الشمس


البنت الدفشة

تطلع الساعة 2 نص انهااار و تروح مشى لبيت خوالها ولا عموومتها

لحد ما تنقلب سمرة

هعهعهعهع



البنت الناعمة

تروح ستار بكس او اى كافيه وقبل لا تطلع

اتمر على الصالون تحط هذاك الميك اب وخاربيط البنات على ويها


البنت الدفشة

تحط كحل يملى العين والروج تقول ما كلة انسان هعهعهع ههههههه بووت من الضحك

واحياانا ماتكوون مسحيه شعرها بس مسويه الشيله فووووق هههههههههه مغطيتنه ههعهعهعهع

واذا بتروح مكااان بس اترووح السوق

ولا سوق الجدييم ولا مكاان عادي او عاام


البنت الناعمة

اذا تبى تضحك تقول ( هههههههههه) ويدها على فمها من الخجل والضحكة من الصعب انك تسمعها وعاااد همووسه ايقوولها عدااااااال خخخخ


البنت الدفشة

ها ها ها ها.... والـحــاره الثــانيه تـسمعها والفرييج كله ايقووول منو هاللي ضحك خخخخ ^__^ هعهعهعه..



البنت الناعمة

اذا تحب تسمع اغانى ما تسمع عربى ما تسمع الا ريكى مارتن طبعا لانة حلو وممثلها المفضل

توم كروز حق وسامته وميل جيمسون وجيم كارى لخفة دمهم


البنت الدفشة

ممثلها او مطربها المفضل :

عيضه

وبوالخير هعهعهع

وحربي العامري

ومعلايه

وهالاغاني الخريشيه


البنت الناعمة

يووم تتطالع التلفزيون تقعد على الكرسى وتحط ريل على ريل وتبتسم

لان الابتسامة تضفى بالشاشة على الويه


البنت الدفشة

تنسدح على الارض وتحط رأسها على المخدة وتمد رجلها وتحطها على التلفزيون

واذا تبى

تغير القناة دقت التلفزيون باصبع رجلها وغيرت القناة هههههههههههههههههههههههه


البنت الناعمة

اذا تبى تحلم احلام اليقضة طلعت فى حديقة بيتهم وقعدت على الكرسى هزاز

وقام الكرسى يروح و يرجع


البنت الدفشة

تروح بالحوش وتمد السجادة اللى فيها خمسة وثلاثين لون احمر واسود وابيض وجابت كاسة

ستة متر متروسة شاى


البنت الناعمة

فى نهاية هالموضوع تقولكم 00 تشاو 00 او سى يو 00 او بباى


البنت الدفشة

فى نهاية الموضوع تقولكم 00 حياكم الله 00 تأمرون على شىء