|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم اليناالحوار والنقاش - الرأي والرأي الآخر مواضيع ساخنة , مواضيع نقاش , مواضيع جريئة , نقاش جاد يمنع المنقول والردود السطحية |
| LinkBack | أدوات الموضوع | انواع عرض الموضوع |
#1
| |
السلام عليكم شـحآلكم.؟ بدخل ف السالفة على طول الله يسلمكم اليوم وانا راجع من الكلية ياني رقم غريب من داخل الدولة ودقلي رنة بس قلت يمكن حد من الربع ولا شي اتصلت فيه وعطاني مشغول اتصلت فيه مرة ثانية ورد علي واحد يتكلم انقليزي قلت له مافي معلوم انقلش قالي ويت وياني واحد هندي بس يتكلم عربي قال السلام عليكم انا في شركة اتصالات انتا في فوز 500 الف يعني نوص مليون<<يايب معلومة يديده انا قلت ويهي مب ويه 500 الف خخخ قلت له كيف انا يربح قال انتا يفوز مع شركة اتصالات وماخليته يكمل كلامه قلت اكيد نصاب قلت له انا الحين يخبر شرطة قال روه خبر شورتا <يعني روح خبر الشرطة وبندت فويهه ودقيت 999<مستانس اول مرة اشتكي خخخ المهم رد علي واحد من العمليات وقلت له السالفة قال اتريا دقيقة ورجع وقال لي اتصل على هالرقم وهم بيتفاهمون وياك وعطـآني رقم خدمة أمان وهذا الرقم 8002626 المهم رد علي موظف خدمة أمان وفهمته السالفة وعطيته رقم (موظف الاتصالات) وخذ اسمي ورقمي وقال ان شاء الله احنا بنحل السالفة المهم سكرت عنهم ووصلت البيت قلت خلني اتصل ع رقم راعي الـ 500 بشوف شو بيقول الا يرد علي واحد ثاني وقال نفس الشي ربحت 500 الف وعاد نفس الكلام ضحكت عليه وبندت في ويهه والحين يالس ايمع كل شوي اتصل عليهم واربح 500 الف المهم يالربع اذا ياكم رقم وقال انتو ربحتو ومن هالسوالف اتصلو على هالرقم 8002626 اسم الخدمة خدمة امان وابا اخذ رايكم كيف نقضي على هالشركات النصابة وكيف نبتعد عنهم؟
"ابري ذمتي من اي شخص يستخدم البرامج او الشروحات الي اطرحها في معصية الله |
09-27-2011, 08:42 PM | رقم المشاركة : [ 2 ] | |
عضو ماسي | مبروك عليك عقبــــآل المليوون إن شــآء الله ...
__DEFINE_LIKE_SHARE__
أنــآ وآيد يتنيْ مثل هالإتصــآلآت من دآخل الدولة وخــآرجهــآ ..’ إلليْ يقول مبروك ربحتيْ أمية ألف وإلليْ يقول ربحتيْ سيــآرة وجيْ .’ والحــل مثل مـآ سويت إنته.. نبلغ عالرقم وخدمة أمــآن بتتصرف ويــآهم ..’ ومــآ أعتقد أن شيْ حــل غيرة .. ويعطيك العــآفية ع التنبية .. تيك كير ..’ ... | |
| ||
09-27-2011, 10:34 PM | رقم المشاركة : [ 3 ] |
الإدارة | وعليكم السلام ورحمة الله وبركاته
__DEFINE_LIKE_SHARE__
بخير وسهاله سواف , وشحالك ؟ اعتقد مرتين هازبنهم على اتصالهم لنفس الموضوع . . اذكر فالمره الثانيه من اتصالهم واحد اتصلبي وقال اسمه* محمد * وباركلي . . قلت له يعني انت مسلم !! والدين يقول عدنا الجذب حرام * يعلك في جهنم تنحرق 200 ألف مره < قيمة الجائزة * تعلثم فالرد وماعرف شو يقول لين صكيت عنه . . يبقى الحذر واجب من كل شخص غريب وتوعية الجمهور وتنبيهم بشكل رسمي أو شخصي دايمن مطلوب شكراً على تنبيهك سواف , وان شاءالله الكل رابح من هالموضوع الياسي |
| |
09-27-2011, 11:50 PM | رقم المشاركة : [ 4 ] |
عضو ماسي | تسلم خيووو على التنبيه ووايد انتشر النصب الله يستر بس وناس ينقص عليهم ماينتبهون ان هذا ينصب عليهم وبعد بالعقل الواحد يركز مو اي واحد يقول له ربحة يصدقهم والحل طبعا مثل ماقلت اخوي سواف الله يعطيك العافيه على الموضوع ان شاء الله الكل ينتبه من هذي الحالات الي اتصير ووايد بهذه الفتره سلمت اناملك على الموضوع المهم __DEFINE_LIKE_SHARE__ |
| |
09-28-2011, 09:30 PM | رقم المشاركة : [ 5 ] |
عضو برونزي | هههههههه مارحت بعيد مرة واحد هندي متصل بي !!! ويقول مبروك ياخوي مبروك !!! أقوله ليش ؟؟؟ قلي إنته يفوز هدية !!! <<< منقعجي بعد !!! قلتله لا مايبي جائزة !!! قاال لا يفوز هدية تعال ياخذ هدية !! قلتله لا مابا !!! قال يعني مايبي هدية ؟؟؟ قلتله لا !!! جان أسكر وخلاص !! ههههههههه خبلة هالمهندة !!! وكل هذا هبل ولاشي لاهدية ولاشي !!! ولو إتصل عليك حد مرة ثاينة ولا هندي قوله هذا شرطة خلاص سوي كنسل فيزا !!! هههههههه
. . لاصدق والله يعني شهالإستعباط ؟؟؟ من وين بعد تطلع جائزة من تحت الأرض ؟؟؟ وياخذلك إسم شركة إتصالات ولا دو ولاشي جذيه عشان تصدق !!! لا بغبائهم يتحرون شي حد يصدق هالسوالف أصلاً !!! الله يعين بس !!! __DEFINE_LIKE_SHARE__ |
| |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
مبروك لقد ربحت مبلغ 500,000.00 نصب ام لا ؟ | محروم.كوم | منتدى أخبار المواقع والمنتديات العربية والأجنبية | 0 | 08-24-2011 12:10 AM |
شوفوا شو ربحت. كيف و ليش مدري | محروم.كوم | منتدى أخبار المواقع والمنتديات العربية والأجنبية | 0 | 06-13-2010 01:20 AM |
شوفوا شو ربحت. كيف و ليش مدري | محروم.كوم | منتدى أخبار المواقع والمنتديات العربية والأجنبية | 0 | 06-13-2010 01:10 AM |
ربحت مليون وعطنا رقم الحساب | محروم.كوم | منتدى أخبار المواقع والمنتديات العربية والأجنبية | 0 | 06-06-2010 01:50 AM |
لقد ربحت من هذا الموقع كثيرا | محروم.كوم | منتدى أخبار المواقع والمنتديات العربية والأجنبية | 0 | 12-18-2009 10:10 PM |