ااالسلا عليكم ورحمة الله وبركاته

أقدم لكم أول مشاركة لي بالشبكة العنكبوتية لعل وعسا
ان تنال على رضاكم.
الليل كله مضى ياتركي لحالي اغلب هواجيسي نوب ونوب تغلبني
النوم عفته وانا متضايق(ن) بالي لا عاده الله سهر بالحيل متعبني
تاخذني افكاري لهمي وغربالي مشقيني غربالي مصمم يصاحبني
لا جيت افكر طرالي ماضي(ن)غالي وعيش جوه وعن وعيه يغيبني
الصحبه الماضيه وسط الخلا الخالي اليا تذكرتها ياخوك تطربني
شرق(ن) من المهد بهضاب(ن) لها ضلالي عن صيدنا تكفي الاصحاب تعجبني
في صحبة الناس صار الوان وشكالي صحبة ردي العزم قشرا وتغضبني
مكروهتن للعرب في كل الاحوالي هذا المناسب وشوف اللي مناسبني
واليوم ودي اسج بمرقب(ن) عالي بنظم القوافي بصارع هم مذهبني
مبعد عن الديره ومبعد عن اشغالي برض(ن) خلا والمناظر حيل تجذبني
لا جيتها ضيقتي زاحت وغربالي أغلب علي الهاجس اللي كان يغلبني