|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
عمار بطلنا كان عمار وولد عمه ( وزوج اخته ) عيال بس ماهم باي عيال يغزون ويكسبون وعايشين مبسوطين وفي احد المراات لذهابهم للغزو قعدو في رحلتهم كل العاده شهرين وعندما عادو وجدو الاطفال مقتولين والشايب والد عمار مقتول والبيت والابل والحرمه والعبد لا وجود لهم استشاطو غظباًً وضاقت عليهم الارض بما رحبت فاتفق عمار وولد عمه بأن يفترقو كلن في صوب احدن يروح شمال واحدن جنوب والوعد هنا في نفس المكان العام المقبل ودارت الايام وتم العام واجتمع الاثنان في نفس المكان ولم يجدو شياً وتعاهدو على المحاوله الثانيه ودار العام واجتمعو بنفس المكان ولم يجدو شياً وتفرقو للمره الثالثه وكان عمار يمشي في احد القفار واذ به يلمح هك الخربوش( بيت شعر صغير) فقال في نفسه بلفي على اهل ذالبيت وارتاح واتنشدهم . ياعرب سلام عليكم ردت عليه عجوز ورحبت به وقلته واسقته لبن وماء وقهوته وقعدو يسولفون قامت العجوز وسحبت المغزل وقامت تغزل ويوم شاف المغزل وتطير عيونه وهو يتل الرمح ويحطه في نحرها وقال ياعجوز بليس حرام كلمه ماثنيها الوبر ذا من جاتس قالت اذكر الله ولا تعجل تشوف هك الشجره قال ايه قالت به غراب معشش وكل يوم اخذ جريدة النخله ذيك وارفعها للعش والف العش واسحبه واغزله والله يارفة البيت انها من الله ثم من ذا العش قال ايييه قالت انت مغزي وباعرك رايحه قال ايه قالت الغراب ذا هو اللي بيوصلك لبلك قال اكيد قالت بس فرسك ماهي بلاحقه الغراب قال والدبره وشي قالت اسمع اذا اصبح الغراب وشرق جنحانه مع شرقت الشمس وسرح اسرح معه وذا راح الغراب عنك امرح محلك واذا اصبحت احتره لين يمرك ولحقه وخلك على ذي لين تلقا حاجتك بس اسمع الغراب يسرح الصبح ويمسي بعشه حلالك ماهو بعيد ×لحق عمار الغراب وثلاث ايام وهو والغراب لاراح عنه امرح محله والصبح يشد ويلحقه لين شرف مع هك الضلعان ويشوف بيت ابوه وهو يلبد محله ويدس فرسه ويجلس يرقب الوضع ويشوف اخته ويتبعها ورعين ( سمر ) عبيد ويجلس يرقب فيه رجال فيه احد ولا ماحوله احد وهو ينزل خلسه ومسك اخته وتقوم وتطيح وتبكي وتضحك قالت تكفى ياعمار فكني لاتخليني للعبد العبد ذبح ابوي وعيالي قال عيني خير هو وينه قالت هو سارح بالبل ومابقاله شي ويرجه بس انتبه العبد متعافي وانت لحالك من قاويه بس اسمع وانا اختك العبد لامنه ظوى بيحلب الناقه فلانه مايشرب غير منها لامنها درت الناقه وقام يحلب ازرقه ولاتخليه يمسك قال ازهليه وفعلا لبد لين جا العبد وبد يحلب وهو يزرقه بالرمح ويوم التفت العبد ولاهو يشوف عمه عمار قال انت عمي عمار قال ايه عمك يالخاين قال لا تعجل بذبحي عندي سؤال انت كيف وصلتلي قال جابني لك الغراب قال والله اني داري وقال العبد حبلت لغراب البين من عامي الاول ------------------------- وعيا غراب البين ياطا الكفايف وبغيت اصيده بالتفق وانتبه لي -------------------------وطار بوبرها شبورة لفايف ودريت ياعمار انك بتجيني ------------------------ وانا لاجياً ومن بين الاضلاع خايف ياطول ماوسدت راسي لزنده ------------------------ وياطول ما ( ..) هاك الشفايف واليوم افعل بعبدك ماتريده ---------------------- دنياي من عقبه ماعليها حسايف يوم خلص قال الحين شف عيالك وهو يجيبهم ويذكيهم قدامه وهو يذكيه ويلحقه بعياله ويشد البيت وياخذ اخته وابله ويرجع ويبني البيت بمحله ارجو ان اكون وفقت في نقل القصه __DEFINE_LIKE_SHARE__ |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
المدير الصارم والغبي | @Wrong waY@ | قصص و روايات | 18 | 09-08-2011 08:06 PM |
رابط اهل صيد الارانب والظبى | محروم.كوم | منتدى أخبار المواقع والمنتديات العربية والأجنبية | 0 | 09-04-2010 05:10 AM |
[طلب] ممكن بنر اسلامي والجزاء هو الدعاء | محروم.كوم | منتدى أخبار المواقع والمنتديات العربية والأجنبية | 0 | 08-02-2009 12:50 AM |
- - >> [ .. خرّون والظبي عفاري .. ] <<-- | Єcтαтσôят_αŁ_qαŁв∂ | المواضيع المكرره | 17 | 03-16-2009 02:09 AM |
. . . خرّون والظبي عفاري . ~ | احساس الامارات | التراث والحضارة | 9 | 01-31-2008 04:33 PM |