البنق ping او latency !! ماهو ؟؟ وما تأثيره على الأتصال ؟؟ وكيف يقاس ؟؟ وكيف انزله ؟؟

محروم.كوم · #1 09-21-2011, 08:10 AM

السلام عليكم ورحمة الله وبركاته

لاحظت انه كثير من الأخوان يسألون عن البنق وما هي فائدته وهل البنق اذا كان عالي افضل او اذا كان قليل

ان شاء الله يكون شرحي واضح وانا راعيت انه يكون الشرح بالتفصيل الممل وكثرت امثله على شان ترسخ

========================================
========================================

البلاي ستيشن او الكمبيوتر أو ....... إلخ حقك يتصل بالسيرفر
البلاي ستيشن او الكمبيوتر او ...... إلخ حقي يتصل بالسيرفر

نلاحظ انه الشي المشترك بيننا السيرفر

خلونا نعرف البنق

البنق بالأنجليزية ping او ما يسمى بـ LATENCY أي زمن التأخير

يقاس بالملي ثانيه ms اختصار الملي سكند

لو طلبت شي انا من السيرفر او اعطيته امر الساعه 2 و 30 دقيقه و 40 ثانيه و 545 جزء من الثانية وكان اللاتنسي او البنق عندي 1150 ملي سكند وش بيصير ومتى راح يوصل للسيرفر انه فيه واحد اسمه شيزون طلب هالأمر
راح يوصل للسيرفر الساعه 2 و 30 دقيقه و 41 ثانيه و 695 جزء من الثانيه

نلاحظ صار فيه فرق بين طلبي ووصوله للسيرفر والفرق هو ثانيه و 150 جزء من الثانية
الفرق هذا هو اللاتنسي او البنق
وانا في المثال قلت انه البنق عندي 1150 ms ومعروف انه التحويل من الملي ثانية الى الثانية يقسم على 1000 يعني 1150 ms نقسمها على 1000 بيعطينا 1.15 ثانية

بالمختصر انه امري او طلبي يحتاج على شان يوصل للسيرفر ثانية و 15 جزء من الثانية

طيب ممكن واحد منكم يقول التأخير بس ثانية عادي ما راح يأثر

هو صح ما راح يأثر لو انك طالب تفتح موقع مثلاً ياهو او موقعنا موقع ترايدنت لو تأخر ثانية عادي وش بيصير
لكن في الألعاب السريعه لا راح تفرق معك وبقوه

وهذا مثال للعبة ريزيستنس ومعروف انه اللعبة لعبة منظار اول (( امش واقتل )) وراح يوضح الفرق اللي بيصير

فالنفرض مشغلين اللعبه وقاعدين في خريطه انا وياك وقاعدين قدام بعض وكل واحد معه رشاش
وانا البنق عندي 300 ms وانت البنق عندك 150 ms

وفي نفس الوقت الحقيقي يعني مثلاً كلنا الساعه 10 و 50 دقيقه و 500 جزء من الثانيه ضغطنا زر إطلاق الرصاص وش بيصير ؟؟

اللي بيصير انه صاحب البنق الأقل راح توصل طلقته قبل صاحب البنق العالي يعني انت راح توصل طلقتك قبلي ومعناته انا بموت قبلك

لأنه السيرفر راح يستجيب للأمر حقك امر الأطلاق الساعه 10 و 50 دقيقه و 650 جزء من الثانية
وانا راح يستجيب السيرفر لطلب الأطلاق حقي الساعة 10 و 50 دقيقه و 800 جزء من الثانية
وبكذا انا راح اموت وانت راح تظل حي ترزق :tears:

نستنتج انه الأشياء اللي تحتاج سرعة عالية هي اللي يأثر عليها البنق ولكن فيه اللعاب ما يهم فيها البنق لأنه اللعبه لاتعتمد على من يعطي الأمر اولاً

========================================
========================================

نجي لطريقة قياس البنق
فيه عدة طرق فيه اللعاب توضح لك البنق عندك كم وفيه عن طريق جهاز الكمبيوتر

عندك موقع http://www.speedtest.net يقيس لك السرعة والبنق او زمن التأخير

شوفوا هذا اختبار اجريته في الموقع لسيرفر بالرياض

نشوف انه البنق او زمن التأخير ٧٨ ms يعني لو بطلب شي من السيرفر هذا حق الرياض بيوصل طلبي بعد ٧٨ حزء من الثانيه

لكن لو تلاحظون انه حنا ما راح نلعب في هذا السيرفر يعني لعبة ريزيستنس ما ادري السيرفر وين موقعه ولكن فالنفرض انه في لندن

خلونا نقيس البنق لسيرفر في لندن ونشوف وش النتيجه اللي بيعطيني اياها

نلاحظ انه البنق عندي زاد الى ١٤٩ ms يعني انا اذا طلبت امر من السيرفر هذا اللي في لندن راح يتأخر طلبي الى ان يوصل ١٤٩ ملي ثانية يعني تقريباً ربع ثانية

وهناك طريقة اخرى لقياس البنق
في الوندوز تروح لأبداء Start >>> تضغط على الأمر تشغيل >>> RUN
تكتب في الخانة الفاضية cmd

راح تفتح لك الشاشة السوداء
اكتب الأمر
ping www.yahoo.com
راح تطلع لك النتيجة مشابهه للشكل هذا

رمز PHP:

Reply from 10.21.10.1: bytes=32 time=497ms TTL=254
Reply from 10.21.10.1: bytes=32 time=496ms TTL=254
Reply from 10.21.10.1: bytes=32 time=496ms TTL=254
Reply from 10.21.10.1: bytes=32 time=496ms TTL=254

Packets: Sent = 4, Received = 4, Lost = 0 (0% loss
Approximate round trip times in milli-seconds:
Minimum = 496ms, Maximum = 497ms, Average = 496ms

نلاحظ انه سوا اربع اختبارات واعطى متوسط للبنق يساوي Average = 496ms

========================================
========================================

ن جي لأخر نقطة
وش الشي اللي يأثر على البنق يعني مثلاً واحد يقول البنق عندي عالي ابي انزلة كيف ؟

للأسف هالشي هذا موب زي السرعة تتصل على الأتصالات وتقولهم نزلوا لي البنق او ارفعوه لي

سرعة الأتصال راح يكون لها تأثير بسيط جداً ولكن التأثير القوي يكون في سعة الباندويث والبنية التحتية السليمة من نقطة الأنطلاق (( جهازك )) الى نقطة الوصول (( السيرفر )) وبعد النقطة اللي تطلبها ايضاً لها تأثير قوي يعني لما تطلب شي من سيرفر في امريكا ما راح يكون افضل من انك تطلب شي من سيرفر في الرياض وهالشي شفناه في الأختبارين اللي سويناها فوق وورينكم الفرق بين سيرفر الرياض وسيرفر لندن

========================================
========================================

اذا كان في هذا الموضوع شي من الصواب فهو من الله وان كان به خطاء فمن نفسي والشيطان
بعض المعلومات منقوله

__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كيف تشحم رُمآن هوبآت سيآرتك وكيف تصونها وكيف تعرف الشحم الصحيح ؟؟؟؟؟؟؟	محروم.كوم	منتدى أخبار المواقع والمنتديات العربية والأجنبية	0	08-23-2011 05:11 PM
ماهو ...؟ وكيف ...؟ ومتى ..؟؟	بنت ابوهاا	الحوار والنقاش - الرأي والرأي الآخر	2	07-05-2010 04:02 AM
ماهو هاك الفيبسو vbseo وكيف يعمل ؟	محروم.كوم	منتدى أخبار المواقع والمنتديات العربية والأجنبية	0	03-23-2010 05:30 AM
هل يمكن نسخ ملفات img وكيف ام احول صيغتها وكيف	المـــلك	قسم PlayStation 3 . XBOX 360 . PSP	0	10-31-2009 01:15 PM
[مشكله] : ماهو هذا الشي وكيف التخلص منه ؟	محروم.كوم	منتدى أخبار المواقع والمنتديات العربية والأجنبية	0	05-27-2009 03:00 AM