الفزعه يا اهل النخوه

محروم.كوم · #1 09-15-2011, 05:30 PM

السلام عليكم ورحمة الله وبركاته

اخواااااااااااااااااااني واخواتي جايب لكم موضوع ارجوووووووكم تقروه زين ما زين واتمنى الكل يستفيد منه

احذروووووووووووو شركة لوجي جروب لخدمات الويب وتصميم المواقع رابطها
شركة لوجى جروب لخدمات الويب وتقنية المعلومات - الصفحة الرئيسية

اقسم بالله العلي العظيم اني كل كلمة رح اكتبها لكم صح وبأمكان اي احد منكم يسألني عن اي شي

ياجماعه جاني احمد صاحب هذا الرفم 0020128449808 عنوانهم
الاسكندرية - سان ستيفانو مول - عمارة رقم 45
الدور 15

وعرض علي استضافه 10 جيجا وشات كتابي مفتوح اليوز وشات صوتي من 8 غرف كله لمدة خمس سنوات
وقعد يقسم لي انه رح يخليني انبهر واشوف شغل ما شفته من قبل ورح يعملي كمان بوابه بكامل صفحاتها الفرعيه وسكربت العاب خاص باستضافتي وساتيل للمنتدى ورسائل اس ام اس وتواقيع كلها خاصه بالمنتدى بسعر 190 ريال عماني

وقعد يتحايل فيني ويقسم برب العباد وراس اولاده انه رح يخلص الموضوع بساعه وحده وانه كل حاجه جاهزه وتتضبط بس ينتظر مني تحويل المبلغ اللي طلبه مني ورح يكون كل شي راكب في ساعه وحده

يا جماعه الله وكيلكم انا صدق النصابين هذول وكلو حقي واخذو فلوسي قبل لا ادفع لهم الفلوس واوافق على العرض كانو دائما يتصلو فيني ويحاولو يجبروني اني اوافق على كلامهم

لحد ما وافقت على عرضهم الحالي اللي نصب علي فيه ومن استلم الحواله للحين ما شفت شي غير تركيب بوابه مدري من وين جايبها ولا ادري اذا هو مصممنها اولا بصراحه

ضليت اركض وراه ايام لحد ما ركب البوابه وكلها معفوسه ومصخره حتى ما عارف يربط الروابط فيها صح

اقسم بربي رح ارفق لكم محادثاتي معاه وشوفو الكلام اللي قاله لي وحكمو بنفسكم شو اللي نفذه لي من وعودهم للحين؟؟

مع انه قال لي ساعه وحده وكل شي يكون شغال لك وكذب علي قال نقلت موقعك وجددت الدومين وهوه للحين نصاب ما عمل كل هذا لاني انا كنت على استضافة بكسل مول احلى ناس بأمانه واقدم لهم شكري من هنا

سألت صاحب الاستضافة الاستاذ طلال شخصيا قالي موقعك بعده معاي باستضافتي ولا تم نقل اي حاجه منه

كنت مخبي كل هذا واتصل بالنصاب احمد واسأله وين بيانات موقعي لانه طبعا من استلم الفلوس ما صار يدش المسن ابدا
يقولي تو انا على جهاز ثواني افتح المسن وادخل والله يا اخوان اصكر عنه وانتظره بالساعات الطويله لحد ما يدش هذا وهوه قدام الكمبيوتر كذا
لما اسأله شفيك يقولي النت بمصر مقطوع والاتصال مقطوع من شركة الاتصالات بسبب المظاهرات معانا

هذا الكلام اهل مصر ادرى فيه اذا كان صحيح بس كل يوم يقولي كذا وربي شاهد علي

باختصار شديد المحادثه توضح لكم كل حاجه واذا تبو صوره من رقم الحواله رح ارفقه لكم عشان تتأكدو

اليوم لما واجهته بكلام كثير قالي هات رقم الفاكس اوريك العقود

كذااااااااااااااااااااااااااب وانا اول مره اشوف استضافه تستضيف بدون عن تعطي بيانات العميل حقها

والغباء الشديد يقولي انه ناقل موقعي على استضافتهم ويسألني عن بيانات الاف تي بي

بالله عليكم هذا كلام؟؟؟؟؟

والقهر انه يقولي خذ هذا رقم المدير والرقم اللي عطاني اياه هو رقمه شخصيا لاني انا دايما اكلمه عليه ومحادثة المسنجر تبين لكم كل حرف قلته لكم اني على حق

سرق فلوسي ولا راضي يرجعهم لي وهذا موقعي وشوفو الشغل اللي يقول عمله لي وقارنو الكلام اللي عرضه لي بمحادثة المسنجر واللي تطبق ع الواقع وانا راضي بحكمكم
::: شبكة البرزه الخليجية :::

ما بطول عليكم اللي ابيه منكم تنصور الجميع وتشهرو بهذي الشركه النصابه عشان ماحد يوقع بايدهم

وشوفو كلامه الخايس بمحادثة المسنجر وحكمو بنفسكم يا اخوان

انتظر تعليقكم ونصايحكم

الله لا يوفقهم

الملفات المرفقة New55 Text Document.zip (43.5 كيلوبايت) __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
... أنخاكم ... يا أهل النخوه ...	محروم.كوم	منتدى أخبار المواقع والمنتديات العربية والأجنبية	0	06-04-2010 06:11 AM
الفزعه الفزعه الفزعه تحويل صوره بنت عاديه لملاك ضوء !.	محروم.كوم	منتدى أخبار المواقع والمنتديات العربية والأجنبية	0	09-14-2009 10:50 AM
الوجوه التعبيريه	محروم.كوم	منتدى أخبار المواقع والمنتديات العربية والأجنبية	0	09-07-2009 05:10 PM
الفزعه يآقلإعين الفزعه الفزعه آيميلي رآح في خرآئطآهآ	محروم.كوم	منتدى أخبار المواقع والمنتديات العربية والأجنبية	0	05-31-2009 09:10 PM
كل الوجوه عندى تتشابه ..!!	اميره بين البشر	شعر و خواطر	10	03-13-2009 08:51 PM