|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
بسم الله الرحمن الرحيم أهلاً بيكم سالفتي هذي عندما انتقلنا من القريه الى المدينه كنت صغير بالأبتدائيه الصف السادس قابلتني بعض المتغيرات ولكن بعد فتره تأقلمنا على وضع المدينه ووضع الحاره وصرنا من عيال الحاره وعرفنا الالعاب اللي من قبل ما نعرفها مثل الطيري وسبع الحجار وغيره من الالعاب وفيه يوم من الايام نلعب وصارت هوشه بين اثنين من العيال وكبرت الهوشه لان كل منهم فزع معه اخوه وكبرت الدعوى زياده وصارت مضاربه يوم انفلق واحد منهم وسال الدم اللي انفلق راح لبيته يصيح واخوه معه وحنا وراهم يوم اخذنا شوي طلع ابو المفلوق وعياله معه رايح لبيت اللي ضربوا عياله وحنا مجهجلين وراهم وصلوا بيت اهل العيال وهم من احد الجاليات العربيه لكن لهجتهم لهجة اهل جده دق الجرس وطق الباب بقوه انت يابو المفلوق وشوي طلعت الحرمه ايش فيه قال لها ولدكم ضرب ولدي وفقش راسه قالت الحرمه اولادك كلهم شقاوه واذيه المهم صارت صجه ولجه وحنا يالمبزره نتفرج ومع هالصجه طلع زوجها وهو يلجلج ايش هدا الصُراخ التفتت عليه حرمته وقالت له أسكُت وهو باتل يصارخ ويهدد التفتت عليه حرمته مره ثانيه وهي تحمّا له وتصفقه هاكلمخمس وقام يبترم يوم وقف من البرمه والا الباب قدامه وهو يجحر بالبيت انا قعدت اتلمس صابري ويوم شفت المره صفقت زوجها كف 00 وهي تطير بوهتي واصنبر تقل صنم ما غير عويناتي تزامر واقول لنفسي معقوله اللي انا اشوفه خابر العكس وش هالنكس المهم بعد هذا الكف كلن انسحب ابو المفلوق وعياله وحنا ياللي مدبكين وراهم ورجعنا لوسط الحاره اللي هو المكان اللي نلعب فيه وجلسنا وانا مازلت مندهش ومذهول وطايرتن عيوني من اللي شفت والعيال عادي ما كأن شيء جرى وسألتهم عن اللي صار وشلون صار قالو عادي هذي هي 00اثرهم يعرفونها وان هذه سواياه وسلامتكم محبكم النبهاني |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سالفه حيرتني ؟؟؟ | المحبة حبيبي | عالم الحياة الزوجية +18 | 22 | 08-13-2011 09:48 PM |
سالفه من جدي الله | محروم.كوم | منتدى أخبار المواقع والمنتديات العربية والأجنبية | 0 | 07-21-2010 12:20 PM |
وش عذارا يام اتعبن الكفوف(جديد) | محروم.كوم | منتدى أخبار المواقع والمنتديات العربية والأجنبية | 0 | 05-04-2010 12:40 PM |
شو سالفه البنوووك | محروم.كوم | منتدى أخبار المواقع والمنتديات العربية والأجنبية | 0 | 09-17-2009 05:10 PM |
سوالف×سوالف=وناسة | محروم.كوم | منتدى أخبار المواقع والمنتديات العربية والأجنبية | 0 | 08-07-2009 06:00 PM |