كيف تعرف!؟

فدوة الانفاس · #1 09-07-2011, 07:04 PM

السلام عليكم ورحمه الله وبركاته

كيف حال اليميع!؟
عساكم بخير!؟

ابيكم تقرأون هالموضوع للنهايه لانه لصالحكم أوكيه اقرأوه للنهايه.........

انا حبيت اطرح لكم هالموضوع لان وايد ناس يسألوني عنه ويبون رايي^^

بعلمكم شلون اتعرفون حب البنيه لحبيبها اذا نظرها ماينحط الا على عينك يعني هذه تحبك.
واذا تقول احبك واحبك واحبك ودايماً تقولها وتحلف يوم تقولها يعني هذه تحبك.
واذا تبتسم بسمه خجل يوم تمدحها هذه تحبك.
واذا تحب اي شي انت تحبه هذه تحبك.
واذا تحب اسمك يعني هذه تحبك.
واذا كنت تجوف نفسك هب جميل او متوسط الجمال وسألتها عن جمالك وقالت قمر او عسل او اي شي المهم تمدح فيك يعني هذه تحبك.
واذا كل هذا فيها ليه التردد!؟
سير واطلب ايدها من اهلها وين بتلقى وحده تعطيك عيونها جان تبي!؟

وبعلمكم شلون ترسمون بسمه فرح او نظره دهشه وفرح............

ييب لها خاتم، (خاتم الزواج).
الكثير يسمونه ذبله او دبله.

وورده حمراء لان الورده الحمراء رمز الحب
كل بنيه فالعالم تعرف هالشي.

وصفي ذهنك وحط فيه نيه انك بترسم البسمه بس اهم شي انت تكون راضي انك بتاخذها زوجه لك.

وخبي الورده والخاتم عسب ماتجوفهم واختبرها اختبار صغير..........

سيروا لمكان مزدحم بالناس بس لاتنزلون من السياره لأنك عقب بتكون مضطر انك تاخذ الورده والخاتم وهي بتجوفهم.

الاختبار طبعاً بتكونون في مكان مزدحم قول لها (شو رايج بهذاك اللي وراج).
اذا لفت وجافت يعني مايهمها وجودك مهما كانت الاشياء السابقه موجوده فيها النظرات وهالاشياء.
لكن اذا مالفت وقالت لك كلام فاعرف انها تحبك وتموت فيك وتعشق ترابك.
في هذه اللحظه لاتترد في انك تاخذ الورده والخاتم وتقدمها لها.
وتقول لها(احبج......ومابي غيرج تكون زوجتي).
وجوف نظرتها عقب.
حتى لو كنت ناوي تاخذها عقب 10 سنين.
سوي هالشي......مادامها حبيبتك ليه تتردد!؟

كثير منكم يقول ماناخذ وحده متعرفين عليها بس ماحطوا في بالهم ان هيه احسن وحده ياخذها.
لان يمكن زوجته تكون متعرفه على غيره وحبت غيره.
احسن شي انك تاخذ اللي تحبها واللي بينك وبينها قصه غرام.

كلمه اخيره لكم لاتترددون ولو لثانيه في أنكم تاخذون من تحبون لانها افضل زوجه وافضل ام.
وسوي اللي نصحتك به اول ماتجوفها يعني لاتتردد.
اذا ترددت في هذا الشي *او اجلته يعني انت ماتبيها واذا انت ماتبيها لاتتركها متعلقه فيك هدها فحال سبيلها تجوف غيرك يسعدها وهذا احسن لك ولها.
أنصحكم بعدم التردد اذا بتجوف حبيبتك باجر سوي كل اللي قلته.
او ورى باجر المهم اول ماتجوفها.

وانتي يابنيه اذا حبيبج جي سوى يعني هذا يحبج............

لاتخبلون علي بردودكم.

مع تحياتي أختكم فدوة الانفاس....... __DEFINE_LIKE_SHARE__

خلاص ما بغاك · 09-07-2011, 11:30 PM

وعليكم آلسلـآآم ..

يسعدلي صبآآحج ومسآج..بكل خير..

آشحآآلج يآلغلـآآ..؟

وآآنآآ ويآآج فكل آآللي قلتيه..

وآتمنى آانهم مآ يترددوون..فهآلشي..

ويعآآفيج ربيه ع طرح آلغآوي..

وآآترقب آلنيوؤ من يدآآج..

تقبلي طلتيه..^^

خويتج : خلـآآص مآ بغآك.. __DEFINE_LIKE_SHARE__

أفضل شاعر · 09-08-2011, 04:45 AM

السلام عليكم

شكراً على هذا الطرح .. انتي اتكلمتي عن الحب اكثر عن موضوع الزواج .. يجوز انتي حاولتي توصلين للقارين كيف يحسون اذا كان الشخص الي قدامهم يستاهل يكون زوج او لا

بالنسبه لي اشوف الانسان مايحتاج لمثل هالامور لان هناك امور اكبر واكبر يقدر الشخص من خلالها انه يتأكد من حب انسان لأنسان لان الاشياء الي انتي قلتي عنها صار سهل التمثيل فيها هالايام وبحترافيه شديده بعد

بالتوفيق للجميع وعسى كل حبيب ماينحرم من حبيبه ^_^ __DEFINE_LIKE_SHARE__

ملاك الدوله · 09-19-2011, 06:29 PM

فعلا انا راي من راي اخوي افضل شاعر

يعني صعب جدا اقلل من حب الشخص اللي جدامي لي بمجرد انه التفت وراا وشاف لان هالشي طبيعي

يصير اصلا اذا واحد قاعد جدامج وقال شوفي وراج ..شي طبيعي تلفتي وتشوفي

المقصد انه نقدر نحكم على حب الشخص باشاء ثانيه وتكون بسيطه ومش محتاجه تكلف وتمثيل او فعل ورد

فعل لان الحب الحقيقي يكون عفوي بدون اي تخطيط

لفته حلوه وموضوع حلو تسلمين اختي على الطرح وتسلم يمناج ولاتحرمينا من يديدج *_^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لعلك تعرف جوجل لكنت لا تعرف زوزل موقع لتعريب السكربتات ونزعها	محروم.كوم	منتدى أخبار المواقع والمنتديات العربية والأجنبية	0	02-21-2010 08:00 AM
خبــر لعلك تعرف جوجل لكنت لا تعرف زوزل موقع لتعريب السكربتات ونزعها	محروم.كوم	منتدى أخبار المواقع والمنتديات العربية والأجنبية	0	02-20-2010 09:40 AM
هل تعرف الكثير عن موقد (الفتيلة) ؟؟؟ تعرف عليه عن قرب!!	محروم.كوم	منتدى أخبار المواقع والمنتديات العربية والأجنبية	0	07-30-2009 05:10 PM
تعرف البريموس تعرف الكوفيا طيب سمعت ب(شهير)!!!	محروم.كوم	منتدى أخبار المواقع والمنتديات العربية والأجنبية	0	07-24-2009 09:50 PM
تعرف للهاردسك ؟! اذا كنت تعرف ادخل ..	محروم.كوم	منتدى أخبار المواقع والمنتديات العربية والأجنبية	0	07-14-2009 08:20 AM