من هنا مدونة الغضي الياسي - الصفحة 3

الغضي الياسي · 03-29-2012, 01:49 PM

مــقـــتـــطـــفــــات عـــنـــي

* من فتره مسوي جو فالبيت .. ابغيهم يرتبون من الحين للسفر فالصيف .. وطبعاً كل كلامي وترتيبي نرد نسافر ألمانيا , هو كيف كان الوضع وصار ترى لازم ارد اسافر اخر شهر ستة ميونخ ..

* عشقت اسمع مخاوي الليل من سنة 95 تقريبا , كنت في ذيج الايام توني فـ بداية مراهقتي .. اول غنية كنت اسمعها له باستمرار ( انزع الصمتي - عود ) وقبل اشوي سمعت غنيه اسمها اسئل نفسي دائما .. في مقطع فالغنيه يقول ( لاني حبيبك أو قريب ^ حتى تكوني من اهتمامي ) خالد عبدالرحمن أول غير والحين غييييير , مثله مثل ميحد ومحمد عبده ..

* أحب اطلع كل يوم الصبح وروح كوفي ستار باكس مستشفى اتوام فالعين , اطلب هيزل نت لاتيه .. وحبه حااار .. واقرا الجريده ( الرياضه بسسس ) واطالع رسايل البلاك بيري ومن عقبها اروح المكتب واخلص شغلي واشوف شو لي وعليه وارد البيت .. أحب دوام المسا عن الصبح ... الصبح احب اخلص فيه اشغالي الخارجيه في اي دائره او مؤسسه او برع العين ..

* احب اكون واقعي وصريح , وفي نفس الوقت ما تكون صراحتي وقاحه , واحب اتابع كل شي من بعيد لبعيد في كل حاجه ما اقدر اتدخل فيها او حاب اتابعها واعرف عنها ولكن بدون فضول , واحب يكون لي ذكرى طيبه في ذاكرة كل من عرفني ..

وتمسووون على خير ... الياسي
__DEFINE_LIKE_SHARE__

الغضي الياسي · 04-06-2012, 08:48 PM

فرحت وايد من ايام يوم عرفت انه نزل الموسم الثاني لمسلسل Game of thrones

وايد احب اتابع المسلسلات الاجنبيه .. وتابعت من المسلسلات لين الحين
The.mentalist , Once Upon A Time , Justified , Lost , White Collar , Merlin
Terra.Nova , Wild.Boys , Camelot , The Cape , Hell on Wheels , Chaos , The legend of the seeker , Robin hood , Prison break , Crusoe 2008

كل مسلسل تابعته له حاله وذكرى عندي وجو عشته ...

ما احب اتابع المسلسلات الخليجية بسبب ( صريخ , صياح , خيانات زوجيه , مستشفيات , وفيات ونواح ) يعني معاناه في كل مسلسل والقضايا اللي تتعالج في المسلسل صارت اجتماعيه وعائلية وطريقة معالجتها ناجحه وفاشله في نفس الوقت , المسلسلات صارت تفج عيون الصغار والكبار على امور مش المفروض يعرفونها لا الحين ولا بعدين .. المفروض يعرفون الدين والعادات والتقاليد وتربية اهلهم , صارت مشاكل تصير من ورا هالمسلسلات , وبعد في هالوقت صارت العلاقات اضعف من قبل بسبب التطور واجهزة الاتصالات < وبتقولون يا جيل اليوم بعد فتره من الزمن أول كان احلى
__DEFINE_LIKE_SHARE__

الغضي الياسي · 04-17-2012, 06:01 PM

آتشاااور من ايااام اغير نكي ...!!! ويكووون ( خالد المهيري )

نـك الغضي الياسي غامض ودوم يتنشدون عن معنى النك , وفي قبيلة اسمها الياسي والناس تشبك النك بالقبيله ( ونحن ما نرد من هالقبيله )

الياسي : فرد من عشيرة بني ياس < والاسم ما يخصه في منطقة بني ياس

عشيرة بني ياس هي من 14 قبيلة ( المهيري , السويدي , السبوسي , الهاملي , الفلاحي , الفلاسي , المحيربي , المزروعي , المرر والخ )

رايكم اغير نكي ؟
__DEFINE_LIKE_SHARE__

الغضي الياسي · 05-19-2012, 09:30 PM

مشتاق لـ بوظبي أول ..

أيام دنيا العجايب
مخبز الكمال
ألعاب رأس الأخضر
حديقة فاطمة

الأهليه
أيام كنا نشوف الرملة البيضا في فريجنا وعلى الكرنيش

أول الناس فيهم رحمة أكثر
...
الحين الناس على حكمة اليوم يصبحون ويمسون وأعصابهم ومودهم على أتفه الإسباب تتأثر ويتشكون

زمن بلاك بيري وايفون ، هب شرات زمن عشناه بحلوه ومره نفرح بسياره لاسلكي ولا لعبة ناتندو
__DEFINE_LIKE_SHARE__

الغضي الياسي · 08-22-2012, 10:14 PM

* من فندق هلتون مكه اقول الحمدلله اني امس اعتمرت والفضل لله ..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الغضي الياسي طلبتك ><	نسايم كلباء	طلبات البرامج والشروحات وحل مشاكل الحاسب الآلي	5	02-02-2011 03:24 AM
الغضي الياسي + سلامه .,	الغـر الـבـشيم ™	تصاميم الاعضاء	19	11-26-2008 09:12 PM
(الغضي الياسي)..حياك^^	Pink-Heart	تصاميم الاعضاء	37	11-21-2008 02:57 AM
سواف &الغضي الياسي	استاندر-قطر	طلبات البرامج والشروحات وحل مشاكل الحاسب الآلي	7	11-18-2008 10:53 PM