اليوم حبيت اكتب موضوع عن جيب الاكستيرا عن تجربتي وعن تجربة ناس اعرفهم

قبل كل شئ حبي اعطي معلومات بسيطه عن الاكستيراء

معروف عندنا بالخليج انه نزل عندنا من عام 2008 وفوق يعني سيارة جديدة عهد عندنا
البعض منا وانا اولهم عرفت تو ان السيارة تنزل بامريكا من موديل 2000
يعني قبلنا بثمان سنوات ((عادة الوكلات عندنا مايجيبون الطيب الا بعد ماينشفون ريقنا)))

والسيارة لها سمعه عندهم بالصحاري والجبال والثلوج وخذت اكثر من جائزة
والحمراني ياغافل لك الله

موديل 2000

موديل 2003


2005 الى 2009

2010 وفوق


طبعا حنا جانا من شكل 2008 وفوق

موصفات السيارة

طبعا حنا بالسعودية يجي ثلاث فئات
-سياحي ( قير عادي اتوماتيك)
-نص فل ( قير اتوماتيك )
-فل ( قير اتوماتيك )
ملاحظة يجي ومتاكد انه نازل بقطر
يجي نوع فية دف لوك ( هزاز ) الحمراني ما نزله عندنا
الفروق بالكماليات فقط مثل
جنوط - سله علوية -دعسات - وغيرها من الكماليات
اما المحرك والقير نفسة

المحرك مقاسها 4000 راسين عدد الاحصنه 290 عند الاستخدام صافي العزم 270 حصان

المميزات :good2: :

- البدي متامسك بشكل ماشاء الله
- التعليق الخلفي سست قوي ومعروف للتحميل
-داخلي السيارة خالي من الفخامة والتعقيدات ( اشوفها ميزة بسيارة البر انا وغيري يقول لا)
- صرفية البنزييييين ممتازة جدا جدا 250 كم تقطعها بنص التناكي براحة اذا مثبت سرعتك على 160
- ضغط المكينة ممتاز
- القير العادي ست سرعات
- سيارة بر ومدينة وتصلح للعائلة الصغيرة
- مرنة بالبر وبالزحام داخل المدينة بحكم حجمها
- سعة التحميل الخلفي ممتاز جدا ( مركب تناكي ماء 90 لتر ومعي عزبة البر )
- الصدامات لونها اسود ممتاز اللون للبر والتطعيس عشاااان الخدووووووووش
- سيارة تتقبل اي ترهيم ( فلتر هدرز - توانك ماء - صدام استرالي - ترهيم استبنه على الباب - ونش ) تتقبل وبدون مشاكل

العيوب
- الشكل يبيله شوي تعديل (( نفخة التندة يوم سالت عنها قال لا يمكن تتغير هذي علامة خاصة للاكستيراء))
- الحمراني ماينزل هزاز
- مايجي ونش وكاله
-الدبل كهرب مع ان مافية عيوب
دبل نظامة قوي ومعروف نفس نظام دبل الباثفندر والارمادا بس احس القير افضل:good2:
- الصدام الا مامي نازل شوي عكس الخلفي
- الاستبنه تحت( راي موتر البر يفضل الاستنبة بالباب اسرع للتغير بوقت البنشر )
مع العلم ان الاستبنه رفيييييعه عن الارض بشكل ممتاز
- اختلاف جنوط كل فئة لو وحدها الوكيل افضل
وله جنوط خاصة بحكم ان مسامير الجنوط متقاربة (( جنط الهدد ست مسامير مايرقب عليه))
- اذا فتحت كبوووت المكينه تنخرررع من اسلاك وخراطيش تشوفها تقول حرب(( عادة النيسان))


تجربتي مع الا كستيرا :

طبعا شراها قبلي 3 من الشباب واحد قير عادي واثنين فل كامل وشجعوني عليها

وتحمس يوم شفت كرفهم لها
شريت سياحي قير اتوماتيك
غيري اعلم بالسيارة وجربها اكثر من انا مجربها سنة ونص ومعي الى الان
ما شفت على الموووووتر اي شي
بالسفر خوش خوي
بالبر مايحتاج عزم ونشاط وخفة( نفود - جبال - طين - شعبان )
بالمدينة مرررررررنه وصرفية معقووووله

(((( قطع الغيار عندنا بالشمال مفية تجاري فقط اصلي ))))) يمكن يعتبر عيب لان بعض الحاجات ماتحتاج اصلي مع ان الموتر مايطلب
ماشاء الله تبارك الله

ماقول انها سيارة خااااااارقة ومافيها عيوب لكن تعتبر من الافضل في فئتها

الملاحظ ان العيوب ((( عيوب ماهي هذيك العيوب اللي تقلل من قيمة السيارة)))

اشياء اتمنى انها تتعدل او تضاف على جيل الاكستيراء القدام( الا يا دارين عني نيسان)) هههههههههههه
1- الدبل يكون قير
2- يكون دفرنس امامي ماهو فريول

اتمنى ان المقلبين على شراء الاكستيراء يستفيدون من تجربتي

الموتر عموما اعطية 85 % مسوي فيها دقيق