مجبوس احمر . . /

فتنـۂ الـڪِوטּ · #1 08-30-2011, 03:33 AM

السلآم عليكم ورحمه الله وبركاته
بحط لكم طريقه المجبوس الاحمر مع الدياي على طريقتي انا والسموحه بكتب فالعاميهَ . .

اول شي زيت فالجدر ووياه تقطع نص بصله وتخلي الزيت يستوي حار والبصل يکون قاصنه ناعم
وعقب يوم يتغير شوي لون البصل يعني يتحمر . . /
وعقب تحط عليهم شووويه قرفه وعقبها حبات قرنفل يعني تقريبا اربعه وعقب تقطع طماط علي
شکل مربعات طماطه وحده "
وعقب شوي تذبل الطماطه تحط فوقها معجون احمر وعقب تحط البهارات کل انواع البهارات ماعدا
الکرکم وتحط فلفل اسود وقرفه وهذا کله طبعا يکون فالجدر تخلطهم مع بعض

وعقب تخليهم علي نار هاديه جي خمس دقايق تقريبا وتشل الجدر من النار وتحطه ع الينب يعني مايکون تحته نار . . . . !

وعقب تيب العيش تحطه فطاسه علي حسب الکميه اللي تحطونها وتغسل العيش جي فايدک يوم يکون فالطاسه تحت الحنفيه مال المطبخ. . /

وعقب تعق من الطاسه شوي الماي اللي استوا فالعيش اللي فالطاسه

وتحطه علي الجدر اللي سوينا فيه الطماط والبهارات والبصل والزيت تحط العيش فوق هذا کله

فالجدر تحطه وبعدين تخلطهم کلهم وتشوف اللون اذا ماستوا وايد احمر افتح لک معجون وحطه

فوقهم بس مب کله وتحط اخر شي ملح وتحط ماي کذا کوب لين لغايه مايعلي العيش يعني يغطي

العيش وعقب تحطهم علي نار عاليه عسب يشرب الماي وعقب تووطيَ النار ماتخليها دوم عاليه

وطبعا عقب تقلون الدياي. . / وبجذي تكونون خلصتوا المجبوس لاهلكم "

هذه الصوره من طباخي للمجبوس الاحمرَ

__DEFINE_LIKE_SHARE__

الغضي الياسي · 08-30-2011, 03:41 AM

بالعافيه ،،،

ان شاءالله بنات وسيدات المنتدى يستفيدن من طرحج ...

عن نفسي أمس متفطر مجبوس دياي وعقب الساعة 11 صار عندي بوفيه مفتوح

استمري في مشاركاتج

الياسي __DEFINE_LIKE_SHARE__

ઇ النورس ઇ · 08-30-2011, 03:45 AM

السلام عليكم

عيدج مبارك ,, والله يعوده عليج كل سنه وكل حول

الصراحه المجبوس شكلله ماا فيييه حيييله هههه

وجاان ايوع على آخر الليل .. خخ !!

أثريج مب هينه هع

أصلا من الصوره ينعرف انه طرريشن المجبوس ^ـ^

يعطيج العااافيه .. والله يقويج ان شاء الله __DEFINE_LIKE_SHARE__

ضيّ الحروف · 08-30-2011, 04:50 AM

ما شاء الله .., مجبووووس

شكله لذيذ اتصدقين ..,

يبالي اجرب طريقتج ..., بطبخ المجبوس على طريقتج يوم مليام و برد عليج خبر جان طعمه مثل صورته ولا ......

عاآد نحن عايلتنا تُحفه فالمجاابيس خخخ

يعطيييييج العاااااافيه ... و ان شاء الله نشوف اليديد من طبيخج __DEFINE_LIKE_SHARE__

فتنـۂ الـڪِوטּ · 08-30-2011, 01:59 PM

مشكورين ع المرور الطيبّ . . __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ن .ن ( يعني خش وقول ماشاء الله احمر x احمر )	محروم.كوم	منتدى أخبار المواقع والمنتديات العربية والأجنبية	0	07-25-2010 07:26 PM
المشيمع خط احمر !! وقاسم خط احمر !! ماذا عن شعائر الحسين ع ؟؟	محروم.كوم	منتدى أخبار المواقع والمنتديات العربية والأجنبية	0	01-04-2010 10:20 PM
المشيمع خط احمر !! وقاسم خط احمر !! ماذا عن شعائر الحسين ع ؟؟	محروم.كوم	منتدى أخبار المواقع والمنتديات العربية والأجنبية	0	01-04-2010 10:10 PM
دجاج مخبوز في تنور غاز	محروم.كوم	منتدى أخبار المواقع والمنتديات العربية والأجنبية	0	09-06-2009 07:50 PM
أنا الآن محبوس في الثلاجة ..	محروم.كوم	منتدى أخبار المواقع والمنتديات العربية والأجنبية	0	08-25-2009 07:20 AM