يوم دارت في جنون من جنون الجاهليه

منصوري فوق العرقوب · #1 02-05-2009, 04:38 PM

بسم الله الرحمن الرحيم

:يوم دارت في جنون من جنون الجاهليه,,,,
عاتبتني لين شبت في شراييني لهبها

استفزتني وفزت وزعلت مني عليا,,,,,,
واستضاقت من كلامي يوم زعلني عتبها

من بعدها مابقى لي في محانيها بقيه,,,
اسدلت دمع المحاجرللبكا وارخت هدبها

والله اني ما نويت ابدي معاها بالخطيه,,,
بس هي اللي تعدت حدها لحظة غضبها

والله اني كنت اكابر بالعتاب بحسن نيه,,
بس بدري هو صحيح اني الوحيد اللي عجبها

يمكن اني كنت قاسي بالعتب معها شويه,,,
كثر ما كانت تمنى راحتي واعشق تعبها

جرحتني بالكلام وكبرت حيل القضيه,,,,
واخسرت بي كل عرق من شراييني كسبها

والا هي ما كان فيها للموادع مقدريه,,,
والجفا كانت تعافه بس ماادري وش قلبها

ليتني مارحت اقايس قيمتي عند بدويه
رجعت لي كل عرق حبها والا نهبها

علمتني كيف ابجفا وانتصر وابقى ضحيه
وعلمتني كيف قلبي لو غلبها ما غلبها

وعلمتني يوم صدت عنفوان الاجوديه
ما تلوح للمقفي لو سلبها ما سلبها

وابيه بين القبايل والعرب واهل الحميه
عاقله ما تبذر الا نخلة تعرف رطبها

ان تهادت ذكرتني في خفوق العامريه
وان تمادت تركب ابليس الرجيم وما ركبها

جفنها لا سلهمت به ما يطيق السامريه
تسحبه برضله عينه وان سهت عينه سحبها

وان حكت تعطي مكانه للحروف الابجديه
كن كلمتها تلفت للكلام اللي عجبها

والحروف الا تعدت بالشفاه النرجسيه
كنها صارت قصيده بس ربي ما كتبها

وش بوصف من حلاها وش بخلي للبريه
مابها بالحسن عيب واكشفت الا حجبها

شعرها فيه الخوي اللي تبرى من خويه
والشفاة لو تشرب الماء اختلط فيها شربها

وباسفل الشفه حبة الخال وجمرتين ونار حيه
كل من حس بدفاها واحترق صد وقربها

شفتها مثل الجريمه وابتليت بها بليه
غلطة جيت اتحاشى ظلمها قلت ارتكبها

كل شي شفت فيها فيه نبرة جاذبيه
موهبه من فضل ربي واشهد ان الله وهبها

كلها لله وبالله فتنة هالادميه
عاجبتني من بداية راسها لاسفل كعبها

لو تبادلني شعوري والهديه بالهديه
ما وفت لي لو تبيع ثيابها واغلى ذهبها

هملتني والقلوب الجرهديه جرهديه
واحرمتني والمحبه نارها تاكل حطبها

والا انا ماكنت اكابر والليالي سرمديه
يمكن اللي غصبني للولع فيها غصبها

يا خفوقي ادري انك منت بحاجة وصيه
شف مكاني وانت تدري وين هي يمة عربها

رح لها وان كان فيها قلب يطمح في مجيه
شف طلبها في عروقه وان حصل تمم طلبها

وانشده وان قال عنها من هدر دمي بريه
قل لها ان اللي حصل لي في المحبه من سببها

لو يقول اني تعمدت الخطا لاجل الاذيه
قل انه ماتحمل بالعتب قله ادبها

ولو يقول اني انا اللي كنت بادي بالخطيه
قل هي اللي تعدت حدها لحظة غضبهاا

(تـــقــــبـــــلووووو تــــحــــياتـــــي)
(مــنـــصـوري فـــــــوق الـعـرقــوب)

(منقوووووووووووووووووووووووووول) __DEFINE_LIKE_SHARE__

( همس الليالي ) · 02-06-2009, 08:25 PM

صح السان كآأإتبهآأإ ولا هآأإن قدرهـ
:؛

عوآآفي اخوي ع القصيدهـ الرائـعه
:؛

همس الليالي __DEFINE_LIKE_SHARE__

دانة الكويت · 02-06-2009, 11:00 PM

السلام عليكم..
ماشالله ع القصيدة اللي كل ابياتها حلوة..
صح لسان الشاعر
قصيدة روعه....

عجبتني الفكرة ان الشاعر فيه عزة نفس رغم اللي صارله يعني لي اخر بيت ما اعترف ان اهو الغلطان رد قال ان اهي اللي غلطت بلحظة غضبها ^^

ولو يقول اني انا اللي كنت بادي بالخطيه
قل هي اللي تعدت حدها لحظة غضبهاا

ان تهادت ذكرتني في خفوق العامريه
وان تمادت تركب ابليس الرجيم وما ركبها

يا ويل حااااااااااااااالي ع العوامر

وش بوصف من حلاها وش بخلي للبريه
مابها بالحسن عيب واكشفت الا حجبها

شحلات الوصف هني..^^

شفتها مثل الجريمه وابتليت بها بليه
غلطة جيت اتحاشى ظلمها قلت ارتكبها

عجييييييييييييييييييييييب

يا خفوقي ادري انك منت بحاجة وصيه
شف مكاني وانت تدري وين هي يمة عربها

رح لها وان كان فيها قلب يطمح في مجيه
شف طلبها في عروقه وان حصل تمم طلبها

عيني عليه باردة هالشاعر الجزل
هالبيتين اثرو فيني

هالبيت رووووووووووووعهـ اكثر بيت عجبني :

علمتني كيف ابجفا وانتصر وابقى ضحيه
وعلمتني كيف قلبي لو غلبها ما غلبها

مشكووور اخووي ع الجهد الحلو والذوق الاحلى

متعتنا بهالقصيده ..

تسلم يمناك

تقبل مروري ..
دانوووه
__DEFINE_LIKE_SHARE__

منصوري فوق العرقوب · 02-07-2009, 05:09 PM

مـــــشـــــكـــــووووووووورين عـــلـــــى الـــــردود الـــطـــيـــــب والله يـــعـطــــيــــــكم الــــعــــافـــــيه

(تـــقــــبــــلـــــووووو تـــحــــيــــــــاتي)

(مــنـــصـــــوووري فـــــوووق الـــعــــرقـــــــوووب) __DEFINE_LIKE_SHARE__

ємαяαтya Kαsн5a · 02-07-2009, 05:49 PM

يعـــطيك ربي العافيه ع القصيده الغااويه
و لا هنت .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جنون...	الفلاسي_399	الإستراحه العامة	10	08-18-2009 12:27 AM
خواطر حنون .. وربـي أدري انــــــــك حنون	محروم.كوم	منتدى أخبار المواقع والمنتديات العربية والأجنبية	0	05-11-2009 02:40 PM
جنون	recoba	شعر و خواطر	6	04-13-2009 12:51 AM
][®][^][®][ جنون ][®][^][®][	يتيم الحب	الإستراحه العامة	10	01-21-2008 01:12 AM