|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام علاكم ورحمة الله وبركاته اليكم هذه السالفه من عمتي منيفه حسب طلب النبهاني السالفه تقول من المعروف ان اهل الباديه مايربون الابقار ولايبونها ماغار غتم وابل والبقر عندهم شي ثاني من سابع المستحيلات ان ابن الباديه يقنيها ومن اول يوم حياة الجوع والفقر كان هناك راعي حلال ماهي له صبي عند ناس ويعطونه مقسوم الله من تمر وخبز يوميا ويتوكل على الله للمرعى وعند كل حول يعطونه اما شاة والاشاتين عرقته شقاء سنه كامله وفي يوم من الايام ضاق صدر هذا الراعي من حياة الصحاري والرعي ولايوم واحد من حياته شاف الديره وكان عمره بالعشرينات ولكن يسمع بالديره من غيره فكر هذا الراعي ان يترك حياة الباديه ويرحل للديره حسب ماسمع عنها فيها بيع ومشتراء وناس كثيرين يجون يشتغلون فيها ولا فيها مشقه مثل الصحراء حسب مايسمعه راح الرجال لمعزبه وقال انا ابترك الشغل وابغى ارحل للديره اجرب العيشه فيه وطلب الرزق ليه ماليه المهم انه قرر الرحيل للديره الفلانيه في منطقة القصيم وصلوه جماعه المهم دبر عمره حتى وصل الديره وكان الوقت برد والرجال وصل للديره بالليل تقريبا الساعه 9 او 9.5 والرجال جوعان ماطب حلقه الاكل من الصبح اذا ماهو من امس ومن المعروف ان هذه الحزة ماتلقى احد يمشي او فاتح بابه الناس نوما لاكهرب ولاغيره الرجال تصبر على جوعه يتحرا الصبح ولكن وينك وين الصبح يبي يشوف احد مامن احد قرر الرجال ان يطب احد البيوت لعله بلقى شي ياكله مايبا غير الاكل لوتعطيه ذهب ماخذه ولانيته السرق ولكن مثل ماقال المثل وش دخلك يالمسمار بهالشق قال المطرقه ورفيقنا حده الجوع بطنه غادي تقل صوت اديتر مفور من القرقعه فكر قال لازم اشوف لي بيت كبير هو اللي اهله تجار والقا عندهم اكل شاف الرجال ذاك البيت الكبير وقرر ان يطب فيه حاول الرجال ان يطلع على الجدار المهم طب بهالضلام لعله طب على حوش فيه بقرتين وحده منهن معطي يعني (طالبه ثورتبي تعرس) والبقره المعروف عنها لا طلبت ثور قشرا مايقواه الا اللي خلقه وخوينا مابعد شاف البقره بحياته وانقرد الضعيف بشوفتها اول مره ولايعرفها ولايدري شنهي الذيب اهون منها هي شافته وخذ يامطامر يوم ثغت يوم طاح اللي في بطنه وزاغ عقله وهو يقعد يصارخ ويصوت تفكون فكوني المهم اهل الدار جو على صوته مسرعين الا الرجال منحشر في زاويه وماتعرف حاله منفاله وهو يصيح لهم قطعوا ايديا قطعوا رجليا بس فكوني من الماخوذه مايعرف اسمها وهم يمسكونه هه وش عندك ولاهم اجواد وطيبين اخذوه وطلعوه عن الماخوذه ويوم ارتاح قال لهم قصته واكرموه وخذ ياضحك المهم عشوا الرجال عشاء طيب وقرروا انهم يشغلونه عندهم ومتى مابغى يروح يروح انتهت السالفه وارجوا ان تكون اعجبتكم |
مواقع النشر (المفضلة) |
أدوات الموضوع | |
انواع عرض الموضوع | |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سالفة راعي الغنم مع الذئب | محروم.كوم | منتدى أخبار المواقع والمنتديات العربية والأجنبية | 0 | 08-11-2011 05:40 PM |
اهداء من راعي الوسط الاسود لعيون راعي الاستاندر | ولد_4800_زعبيل | أستراحة الفيديو المنوع | 12 | 02-16-2009 02:56 PM |
لعيووووووونك يا راعي استاندر قطر ولعيون كل راعي استيشن اهداء من هل الفتكات كلهم | ولد_زعبيل_VTC | سيارات و دراجات | 34 | 12-30-2008 08:21 AM |
راعي النيسان دفن راعي الأستندر دفااااان ... والله انه وحش | غبي ويستهبل | سيارات و دراجات | 24 | 02-22-2008 07:19 PM |