إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...

انضم الينا
استراحات زايد الصفحة الرئيسية


إضافة رد
 
LinkBack أدوات الموضوع انواع عرض الموضوع
  #1  
قديم 08-17-2011, 08:20 PM
عضو ماسي
بيانات محروم.كوم
 رقم العضوية : 503
 تاريخ التسجيل : Dec 2007
الجنس : female
علم الدوله :
 المشاركات : 2,100,610
عدد الـنقاط :3341
 تقييم المستوى : 2139

السلام عليكم ورحمة الله وبركاته

اخواني الاعزاء اعضاء هذه الخيمة الجميلة اعتذر عن انقطاعي في الايام الماضية

للاشغال الله لا يشغلنا الا في طاعته.... لكن لنا عوده جديده مع قصــة مــثل ....


واتمنى صراحة ان المثل الي نبي نذكر قصته اليوم يكون مثل جديد عليكم ...


والمثل هذا مشهور وكلنا نعرفه اكيد حتى قصته مشهورة ..


بس لانه فكااهي قلت ودي اقولكم سالفته .

طبعا قصة المثل قديمه جداا ..


كان فيه رجل اسمه عصفور وزوجته اسمه جرادة

هالرجال هذا كان دايم جالس بالبيت لاشغل ولا مشغله وكان فقير مره وزوجته كذلك

كانت فقيره ولا تشتغل وحالتهم حاله ماتسر العدو ولا الصديق وكانت زوجته

جراده دايم تهاوش زوجه عصفور انت مافيك فايده وانت ماتشتغل وانت وانت وانت

قاله يامره مافيه شغله بهالديره قالت طيب انا عندي لك راي وشور زين وفكرة زينه

قال وشي ..؟؟


قالت وراه ماتسافر لديرة ثانيه غير هالديره وترزق الله وتدور لك شغل

قال وين اروح ووش تبينن اشتغل وانا ماعرف شي ؟

قالت الشغل مايبيله شي ماهنا رجال مايعرف يشتغل انت اسمع كلامي وماتندم

قال طيب قولي . . . قالت ابيك تسافر وانا بعطيك ادويه وعلاجات من عندي

وانت اذا وصلت الديره قلهم اني طبيب اعشاب وعالج الناس ..

قال ومن قالك اني اعرف اعالج قالت انت رح وجرب المهم عصفور سمع كلام جرادة

وسافر لديرة ثانيه واول ماوصل الديره بسط عند مسجد الديره وحط علاجاته

وكل واحد طالع من المسجد مره قال هذا وشو قال هذولي علاجات وانا رجال اعرف

اعالج بالاعشاب ولي نضرة صايبه من يوم اشوف الواحد اعرف وشبه

وانا جدي وجد جدي كلهم يعالجون عن كل الامراض طبيعاا عصفوور صار ماله الا انه

يحتال على اهل القريه المهم جاه واحد يشتكي الم ابطنه عطاه عشبه وقاله هذي تفوحه

بالماء وتشربه وتطيب جاه الثاني قال انا بي صداع براسي عطاه عشبه قال هذي

تسوي به كذا وكذا وتطيب بعضهم الي يعطيهم العلاج يطيبون من الله ويحسبون هو السبب

وبعضهم لا مايشوفون العافيه وصار عصفور يتوسع بهالمجال لين اذا جاه الواحد

وسلم عليه قاله اييه انت البارح مانتب مضبوط مع زوجتك يجدع هالكلمه على اي واحد

وبعض المرات تصدف معه ان الرجال الي قدامه ماهوب مرتاح مع زوجته

قاله الي قدامه اي والله وش يدريك قال ادري ادري انا عن كل شي انت البارح مزعل

زوجتك قال اي والله قال ماعليك خلاف خذ هالعشبه هذي تصلح (لحق الليل )

وصار عصفور بهالديره مشهور وكلن يعرفوه بيوم من الايام سمع عنه امير القرية

وسال عنه رجال القريه وقالوله ياطويل العمر هذا رجال ماندري وش اسمه وله كم شهر

عندنا بالديره وكل شي يعرفه لو تسلم عليه ويشوف وجهك عرف وش بك وعرف انت

متهاوش مع زوجتك ولا لا ولو تقوله بي كذا ولا كذا عرف علاجك

قال الامير ماهوب معقول هذا اكيد انه دجال ولا ساحر وهذا لازم انوقفه عند حده


المهم قال الامير خلوه يجي بكرى عندي بالبيت ..


طبعا الامير قبل يجيه عصفور طلب من احد اخوياه انه يصيد لوه عصفور وجراده

وجاب خوي الامير عصفور وجارده صايدهن قام الامير وحطهن بوسط ماعون يعني

بوسط إنـاء وصك عليهن ويوم جااه الرجال خوينا الي اسمه عصفور سلم عليه

وهلابه الامير ورحبه وجلسه عنده قال انت وش اسمك قال انا اسمي فلان وعطاه

اسم غير اسمه قال طيب انت وش عندك بقريتنا قال ابد ياطويل العمر انا طبيب شعبي

اعالج الناس بالاعشاب وانا وبوي وجدي كلنا اخذين هالشغله مهنه

قال اونت صحيح اذا جاك الرجال تعرف انه متهاوش مع زوجته ولا لا ؟

قال اي نعم ياطويل العمر طبعا خوينا عصفور مايعرف شي بالاعشاب ولا بالكلام هذا كله

بس وده يترزق الله ....

قاله الامير شف عاد انت تشوف هالماعون هذا الي قدامك قال ايه ياطويل العمر

قال انت حدا الشين ياأما انك نصاب وحرامي ولا انك ساحر ؟؟؟

والله ان ماعلمتن وش الي بوسط هالماعون الي قدامك اني لاخلي راسك ثالث رجليك

طبعا خوينا عصفور بحل ولا يدري وش يسوي قال ياطويل العمر وشلون ابعرف

قال لا تعرف لازم تعرف اجل وشلون تعرف الرجال متهاوش مع زوجته ولا لا ؟ ؟

انت حرامي ولا ساحر الحين تعلمن وش الي بوسط هالماعون وشف اذا ماعلمتن والله

اني لاذبحك وان علمتن والله اني لاغنييك غنات ماعقبه غنات واني لاعطيك الي تبي

بس علمن وش الي بداخل هالماعون طبعا بحل خوينا عصفور وتذكر زوجته انه هي الي

قالتله الفكره هذي وهي الي خلته يروح للقريه وهي ساس البلا على مانقول

نزل راسه عصفور وقال اييه اييه لولا جراده ماوقع عصفور يعني لولا زوجتي جراده

ماوقعت انا بهالمشكله هذي طبعا الامير على طول فتح الماعون وطارت الجراده وطار

العصفور خوينا انهبل وطارت عيونه .....

قال الامير شف عاد انا عند كلامي والله اني لاغنييك انت وعيالك لين تموت بس علمن

وش لون عرفت ان فيه جراده وعصفور بالماعون قال والله ياطويل العمر السالفه

كذا وكذا ومات الامير هو وخوياه من الضحك وفعلا عطاه الامير دراهم اغنته هو وعياله

ورجع عصفور لزوجته وهو تاجر
وصار مثل لولا جرادة ماوقع عصفور
__DEFINE_LIKE_SHARE__
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
صــــــــــور طـــــــــيــــــور مـــهــــــاجـــــــرة +قــصــة الـــفــــيــل محروم.كوم منتدى أخبار المواقع والمنتديات العربية والأجنبية 0 03-30-2010 05:20 PM
قــصــة خطـبـتي لاتفــوتــــــكـــم محروم.كوم منتدى أخبار المواقع والمنتديات العربية والأجنبية 0 03-08-2010 09:50 AM
قــصــة الــبــاذنــجــانــة الــحــرام محروم.كوم منتدى أخبار المواقع والمنتديات العربية والأجنبية 1 09-06-2009 06:36 AM
قصـة قــصــة صــياد الســمــكــ محروم.كوم منتدى أخبار المواقع والمنتديات العربية والأجنبية 0 04-25-2009 03:10 AM
قــصــة راعــيـ آلآستــآندر وراعــيــ آلفتــكــ نـسـيـت أنـسـاك سيارات و دراجات 51 12-13-2008 03:20 AM


الساعة الآن 10:46 AM


Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By Almuhajir

RSS RSS 2.0 XML MAP HTML