حرب النجوم .. مغامرات ومخاطرهـ

محروم.كوم · #1 08-13-2011, 04:40 AM

السلام عليكم ورحمة الله وبركاته ..

كنت مع بعض الشباب متجهين من الرياض لجدهـ بالسيارة .
وكان الوقت ليلاً وعندما بقي على الطائف 200 كم جت لوحة مكتوب فيها
مقلع جبل طمية 93 كم.. ناظرت الشباب قلتلهم نروح نشوفه ونرجع نكمل لجدهـ
قالوا لـــــــف

لفيت و بعدها بتدرون من الصور وين رحنا ومتى وصلنا جدهـ

طبعاً وصلنا جبل مقلع طمية قبل الفجر وكان ظلام دامس : ) وغبار ايضاَ .
وهذا اللي خلاني ماقدر اختار زاوية مناسبة للكاميرا .بس حطيتها وبديت تصوير وهذي النتيجه

بعد ماطلع النور قالوا الشباب لازم ننزل تحت ونشوف ونجلس ندور مكان ننزل معاهـ ماحصلنا
الا الساعه9 صباحا وكان مكان مخصص للنزول بس مادرينا
وكان النزول متعب والطلوع متعب جداً جداً ويحتاج لياقه وتحمل

صورة من الاسفل

بعد ماخلصنا من الطلوع تقريباً ع الساعه 11 ونص مشينا مرهقين وفيه لوحة مكتوب عليها مهد الذهب 70 كم وع طول ع مهد الذهب نبي ماء ميتين عطش : )
وشفت لوحة بمهد الذهب تقول عفيف 200 كم وعلى عفيف : )
ومن عفيف للقصيم وصلنا قبل العصر ووقفنا للراحه
وكان سحورنا او بالاصح عشانا بماكدونلدز حائل : )
ونمنا بعد الفجر وصحينا على الظهر ومشينا لجبال محجة على طريق العلا 240 كم معبّد و22 كم طريق ماعمري شفت مثله متعب وخطر جداً خصوصاً بهالايام والصيف .

بعد مادخلنا لجبال محجة كان بأستقبالنا هالحبيب

وآكملنا طريقنا باتجاه الجبل ووصلنا قبل المغرب بساعه واخترنا مكان مناسب وضبطنا الشاي والقهوة
بشكل سريع لان بعد الغروب بتطفى جميع الانوار وتربط الاحزمة للتصوير : )
وكانت المفاجئة واللي ماحسبنا حسابها : (
القمر بنصف السماء واضطرينا ننتظرة يغيب وماغاب الا الساعه 2:20 فجراً : ( : ( : (
وهذي صورة قبل مايغيب

وبعد غيابه بدينا بالتصوير لحد الفجر وهذي النتيجه

صورة وحده قبل الغروب
و300 صورة ليلاً

خلصنا تصوير الصبح ومشينا باتجاهـ العلا وزرنا مدائن صالح وقطار الحجاز
وبعد النوم مشينا للمدينة ومنها لجدهـ : )

ووصلنا جدهـ بعد الفجر وقطعنا حوالي 2300 كم

بخصوص صور النجوم اعذروني ترى خبرتي بالدمج مو ذاك الزود لذلك ربما يكون فيه اخطاء

Canon 7d
SIGMA 10-20

تحياتي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مغامرات راجووووووووووووه	محروم.كوم	منتدى أخبار المواقع والمنتديات العربية والأجنبية	0	05-25-2010 09:50 PM
(.) صور لـ مغامرات حنين (.)	da1a3	مسلسلات وأفلام Anime + Manga والرسوم المتحركة	2	06-28-2009 04:03 AM
طلب لعبة مغامرات ...	محروم.كوم	منتدى أخبار المواقع والمنتديات العربية والأجنبية	0	06-02-2009 03:30 PM
مغامرات الشاطي الكبير ........	محروم.كوم	منتدى أخبار المواقع والمنتديات العربية والأجنبية	0	06-01-2009 07:00 PM
..[مغامرات سواف في المدرسه..}~*	سَوّافْ	عدسة الاعضاء , كاميرا الاعضاء	104	07-14-2008 03:52 PM