قــــــصـــة مــــثـــل يــعــيّ راجــــــح من اخوكم ولــيــد المسيميري

محروم.كوم · #1 08-10-2011, 08:50 PM

السلام عليكم ورحمة الله وبركاتة

هذا المثل المشهور يعيّ راجح كثير منا مايسمع به لكن لا يعرف قصة هذا المثل

والكثير منا يقوله في مكانه الخاطء لانه لا يعرف قصتة فسوف اذكر لكم قصة هذا المثل

وعند الانتهاء سوف اذكر لكم الاخطاء التي يقع بها الناس عند ذكر هذا المثل وتحملوناااا

طبعا هذي القصة صارت مبطي له اكثر من 180 سنة او 200 سنة

طبعا كلكم تعرفون الجوع والفقر الي كان موجود قديما كان فيه واحد اسمه راجــح

وراجح هذا كان معروف بالديرة وشهور بكثرة الاكـل يعني مثل مانقول رجال ( إكـلة )

جاء بدوي غريب عن الديرة معه طلي يبي يبيعه.... اول مادخل الديرة لقى راجح قدامه

سلام عليك السلام قال راجح بكم هالطلي هالصغير هذا قال هذا بريالين قال راجح .

هذا هالطلي هالصغير بريالين اعوذ بالله

قال البدوي ابك هذا ماهو صغير ابك انت حضري ماتعرف .

ابك هذا الطلي كبير ويصدر له سبعة ولا ثمانية رجاجيل يعني يكفي ثمانية ارجال

قال راجح والله لو اقعد عليه الحالي اني لاكـلة كله البدوي انهبل قال تاكله كله قال ايه

البدوي عرف ان الي قدامه ماهوب صاحي ولا يكذب عليه .. قال لا لا مانتب اكله الحالك

قال راجح طيب شف اذا اكلته الحالي الله يخلف علىك بالريالين اما اذا ماقدرت اكله ..

ابعطيك ثلاثه اريالات وش قلت . . . ؟؟؟؟

قال البدوي اموافق قال راجح اجل رح اذبحه واصلخه وطبخه وهاته :d

قال البدوي ابشر طبعا البدوي عارف ان راجح ماهوب اكل الطلي وانه يبي يعطيه3 ريال

راح البدوي بسرعه ذبح الطلي وسلخه وعطاه امرته تطبخه وجابه يم راجح وقال يالله

ياولد كل قال راجح بســم الــلــه وقام وبدا بالفطحة وبعدة الجنوب وبعده اليدين وبعده

الرجلين والبدوي منهبل وطايره اعيونه المهم بقااا قطعة لحمة صغيره من الرجل قال

راجح لبدوي يارجل خذ هالحمة الباقية هذي لعيالك خلهم ياكلونه والله اني مستحي

ان الطلي يطبخ ابيتكم ولا يذقونه اعيالك :d:d:d:d:d

قال ايه عجزت عنه وتبي تصرفه لعيالي لا لا اعيالي عندهم الي يسدهم اما اكلته تتعطين

ثلاثه اريال قال اجل اهه وهو ياكله ويشرف المرق كلـه .......................

ويقول راجح الحمدالله واكرمك الله والله يخلف عليك بالطلي

البدوي مات من القهر وصار ماغير يمشي بالقريه وكل من شافه قاله ابك رجال اكل طلي

كامل قالوله اهل القرية ايه هذا راجح قال وشو راجح قالوا هذا معروف اكـله الله يخلف

عليك

طبعا كان باقي على شهر رمضـان تقريبا يومين المهم صلى البدوي هذا بالجامع بنفس

القرية وعقب ماخلص الامام من الصلاة القا خطبة عن دخلو شهر رمضان المبارك

طبعا الامام كان يقولهم وينصحهم بالصلاة وانهم مايكثرون من الاكل علشان يقدرون

يصلون التراويح والقيام وقالهم حديث الرسول صلى الله عليه وسلم فيما معناه

(لقيمات يقمن صلبا فثلث لطعامك وثلث لشرابك وثلث لبدن او نفسك)

طبعا البدوي الي اكل راجح طليه كان موجود بالمسجد يوم سمع الحديث قام وقال ايييه

ياشيخ بس يعــيّ راجــح والجماعة كلهم يعرفون السالفه ويضحكون بالمسجد

وصار مثل يعي راجح . . . . . .. تعقيباااااااات على كلامي

اولى / ليس غريب ان رجل ياكل طلي كامل لان امنول جوع وفقر وبعدين فعلا

فيه ناس اكااالين يعني يكلون ولا يشبعون والدليل ...

الشاعر المعروف الغني عن التعريف الي كلناا نعرفه الشاعر محمد عبدالله القـااضي

كان من شعراء منطقة عنيزه بالقصيم وكان فيه بعنيزه شخصين واحد اسمه

عـكـوم والثاني اسمه حــموم معروفين بعنيزه منول

عكوم هذا داايم نيم ليل ونهار وحموم دايم ياكل ولا يشبع

وكان القاضي يقول بهم

لــو ابـتـمـنى تـمـنيـت راس عـكـوم .... ..... بــلــيل ولا بـالــنــهـار ابــي راســــي

ولو ابـتـمـنى تـمـنيـت كـبد حـمـووم..... ..... الـي تــصــرف كــل ليـــن وقـاســــي

هذا التعقيب الاول على القصة اما بالنسبة لتعقيب الثاني

وهو الي ذكرته باول الموضوع فيه ناس يقول المثل في مكانه الغير صحيح تلقاك

لو تقول لواحد يدخن يارجال خل الدخان قالك يعي راجح وهذا غير صحيح لان راجح عيا

لا يخلي الاكل وبس فلذلك لازم نعرف قصة المثل علشان مانقول المثل الا في الوقت الصحيح

اخيراا اشكركم على حسن القراءه والمتابعة للمواضيع السابقة واتمنى اني كنت

ضيف خفيف عليكم وعلى خيمتكم الاكثر من جميله وبارك الله فيكم وفي جهودكم

والله يمتعكم بالصحة والعافيه يارب ... اخوكم الاصغر وليــد 46 __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اينكم يا من تغيرو على الاسلام اصبح الاسلام والانبيا كلام على السنت الكلاب اينكم ياهكر	محروم.كوم	منتدى أخبار المواقع والمنتديات العربية والأجنبية	0	05-27-2009 09:22 PM
اينكم يا من تغيرو على الاسلام اصبح الاسلام والانبيا كلام على السنت الكلاب اينكم ياهكر	محروم.كوم	منتدى أخبار المواقع والمنتديات العربية والأجنبية	0	05-27-2009 09:10 PM
اينكم يا من تغيرو على الاسلام اصبح الاسلام والانبيا كلام على السنت الكلاب اينكم ياهكر	محروم.كوم	منتدى أخبار المواقع والمنتديات العربية والأجنبية	0	05-27-2009 09:00 PM
اينكم يا من تغيرو على الاسلام اصبح الاسلام والانبيا كلام على السنت الكلاب اينكم ياهكر	محروم.كوم	منتدى أخبار المواقع والمنتديات العربية والأجنبية	0	05-27-2009 08:50 PM
اينكم يا من تغيرو على الاسلام اصبح الاسلام والانبيا كلام على السنت الكلاب اينكم ياهكر	محروم.كوم	منتدى أخبار المواقع والمنتديات العربية والأجنبية	0	05-27-2009 08:40 PM