السلام عليكم ورحمة الله وبراكاته

صبحكم الله بالخير

وابارك لكم الشهر الفضيل واعاننا واعانكم الله على صيامه وقيامه والاكثار من الخيرات


حبيت اقدم لك النصيحه والنصيحه اول تباع بفلوس

وخذوها بكل صدر رحب

انصح جميع من يقنصون بجانب الطرق الرجاء الانتباه ولا ياخذك الصيد

وتنشغل عن الطريق لأن زي ما تعرفون الرصاص يسري

وما تدري وش كاتب لك ربك

بس انا ما قلت النصيحه الا بعد ما صارت مشكله

بسبب احد القوانيص هداه الله

كان يقتنص بجانب الطريق وحصل له ااحد الطيور على شجره

ومع العجله وعدم اخذ الحيطه وجه سلاحه من جهة الطريق

وقام بالرمي واصاب احد المسافرين كان برفقة اهله واصاب واحد منهم

هذا حد ما سمعت وحبيت احذر اخواني القوانيص

عن هاذه الظاهره

النصيحه الثانيه

لا تجعل السلاح بجانبك الا وانت متأكد ان السلاح مفرغ من الضخيره

لان لا سمح الله يمكن يثور السلاح ويسبب مشكله وحنا غنيين عنها

ونتمنى لك الصحه والعافيه

النصيحه الثالثه

تأكد قبل تنزل سلاحك للبيت انك مفرغ الضخيره منه

وانتم يمكن سمعتو ببعض المشاكل اللي حصلت

بسبب عدم نفريغ السلاح

النصيحه الرابعه

عندما تناول خويك السلاح حاول يكون وجه السلاح برا

وخاصة عندما تناول خويك اللي بالخلف ناوله السلاح من برا السياره وحاول لا تدخل

من الداخل

النصيحه الخامسه

عند التوقف للاستراحه الرجاء عدم اعطاء السلاح

صغار السن لأن بعضهم ياخذ عياله معه وينسى الفكره هاذي

تخبرون الصغير عدو نفسه يمكن يثور السلاح بأي وجهه


النصيحه السادسه

عندما تاخذ السلاح اثناء الاستراحه

وتتمشى فيه انتبه تأخدك العجله وترمي بتجاه اخوياك




كثرتها عليكم وهذا كلها من حبي لكم واخذ الحيطه و الحذر

وفي الختام استودعكم الله الذي لا تضيع ودائعه

والسلام عليكم ورحمة الله وبراكاته

والموضوع قابل للزياده من اخواننا بالمنتدى

اخوكم في الله

متولع بالقنص

(( ابو رعد ))