سالفه واقعيه عن الجن

محروم.كوم · #1 08-08-2011, 01:10 PM

السلام عليكم بماء ان سوالفكم الشهر هذا عن الجن عندي سالفه لها حول 25سنه ليومكم هذا وهي موجوده
انا ساكن بحفرالباطن فيه حي ساكنين فيه خوالي اسمه حي ابو موسى الاشعري
اقدم حي واول حي بحفرالباطن كله
المهم فيه بيت قداام بيت خالي اول ماجو يحفرون القواعد
الا والبنكلين يطلع هيكل عظمي من نفس الحفره عاد والله مادري هم شالو القبر ولا لا
المهم الحاره هذي كلها فل جنون
بيت خالي دورين مقابل البيت اللي فيه القبر
تحت ساكنه جدتي الله يشفيها هي وخالي هابس >>اطرم واصقه
والخدامه الاندنوسيه وخالي وعياله فوق بالدور الثاني >>تجي سالفته حبه حبه
يوم من الايام الساعه 7صباحاً صحت جدتي افطرت وتبي تقوم تاخذ علاجها حق السكر
الا وخالي هابس الاطرم يطلع من المطبخ ويحب راس جدتي ويدخل الحمام وانتم بكرامه

تقول ناديت الخادمه واخذت علاجي وجلست مايقارب نصف ساعه وانا بالصاله وخالك ماطلع من الحمام قلت يمكن الرجال منصرع ولا فيه شي لسمح الله
فتحت باب الحمام الا وفاضي رحت لغرفته الا والرجال على نومته من البارح

اما الاندنوسيه تدخل عليها جنيه على شكل جدتي وتهاوشها وتطلع وتسكر الباب
تلحقها الخدامه علشان تعرف المشكله ماتحصلها تروح لغرفت جدي تحصلها نايمه

ومره جدتي تقولي داخله غرفتي ابي اصلي
الا والرجال قدامي شايب ملتحي ابيض الوجه مربرب وقصير تقولي سميت بالرحمن وتعوذت منهم تعداني ودخل المطبخ

المهم خالتي ساكنه بالحاره هذيك و يومياً عند جتدي لان بيتها بجنب البيت اللي فيه القبر
تقول جالسه مره انا وجدتك نتقهوى الا والشايب يناظرلنا من الدريشه سمينا وراح
وسواها بعد ربع ساعه وسمينا وراح وعقبها ماعاد نشوفه

نبدأ مع سالفت خالي
هذي السالفه لها اكثر من 19سنه يمكن عام 1413 1412
اول ولد يجي لخالي كان يحبي بادي بالممشى يعني وامه نايمه
الا تقول البلشني الورع ماغير يصيح ويطامر على السرير
تقول يومني فتحت عيني الا ولد صغير كبر ولدي وتقول حلو عليه جمال طبيعي
لاكن فيه شي يخرع فيه دبابيس بوجه فل تقول واسمي بالرحمن وهو يطلع من الغرفه

المشكله انهم دايم يشوفونهم على اشكال اخوانهم الصغار او على اشكال خواتهم لاكن مايدرون

وهذي السالفه صارت قبل رمضان بيومين اليبت مافيه احد فاضي
الا ولد خالي لحاله يقول اقفل باب البيت وانام الا وفجأه الا الصياح باخر البيت يقول واسمي وانام ماخذ عشر دقائق الا المطبخ جميع الصحون مكسره
يقول الرسيفر اللي على تلفزيون غرفتي يطيح اخر شي انقهرت سميت بالرحمن وتعوذت من ابليس ونمت ولا ازعجوني بشي

اما فيه بيت يبعد عن البيت اللي فيه القبر حوالي سبع بيوت تقريباً
كان مستاجره واحد من الجماعه يقول والله كل شي شفته بالبيت
يقول حتى الغوريلاء اللي اشوفه بالتلفزون شفته متعلق على النخله اللي بالبيت
والحيه تلتف على ورعي الصغير وتتركه والبيبان ماغير تطقطق والصحون مكسره
واشوف بنتين يلعبن مع بعض
اما اللي اضحكني سالفه بنفس الحاره هذي ضحكت لين قلت بس
والله مادري راعيها صادق ولا كذاب
يقول توني جاي من خفاره بالليل وابي اتسبح وانام الا يومني فتحت باب الحمام الا القرد اللي قدامي يتسبح ويناضرلي ويشرلي بيده يعني اطلع

كل شي كتبته حقيقي 100% __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصص واقعيه عن الجن --->[متجدد]	Ủм Šʜαʜάđˇ	قصص و روايات	25	12-11-2011 07:32 PM
سالفه حيرتني ؟؟؟	المحبة حبيبي	عالم الحياة الزوجية +18	22	08-13-2011 09:48 PM
سالفه ورآي	محروم.كوم	منتدى أخبار المواقع والمنتديات العربية والأجنبية	0	08-26-2010 02:10 PM
سالفه + مقناص +صور ,,,،،،,,,،،،,,,،،،,,,،،،,,,،،،	محروم.كوم	منتدى أخبار المواقع والمنتديات العربية والأجنبية	0	03-21-2010 07:40 PM
شو سالفه البنوووك	محروم.كوم	منتدى أخبار المواقع والمنتديات العربية والأجنبية	0	09-17-2009 05:10 PM