حبيبي حبك العذري جرى مجرى شراييني . . }~

MarayemoOH · #1 07-05-2011, 07:16 PM

السلـام عليكم ورحمة الله وبركااتهـ
شحالكم عرب زايد ؟
احم هذا اول موضع لي بالقسم او بالاحرى بالمتتدى بكبره هيهيهي
هالقصه غييير احمم ; ربيعتييه كاتبتنها

حبيبي حبك العذري جرى مجرى شراييني . . }~
الكاتبه / مرتاح بالي
القصه طررر بمعنى الكلمه ,
,,’
الاحدآث والشخصيات او القصه بشكل عام وايد مثيره
ممكن تزعلون عليهم ,’ او تفرحون لهم " هع . .
القصه فيها شوي من الواقع وشويه من الخيـال
إن شـآء الله تنـال على اعجآبكم واباا اجوف حمـااس عسب اتشجع وانزل بـاقي الاجزاء

وهمسه اخيره ممنوع نقل القصه
اكرر ممنوع نقل القصه !!
__DEFINE_LIKE_SHARE__

MarayemoOH · 07-05-2011, 07:18 PM

البارت الأول

آآآه بطني شبعت الحمدالله قمت من السفره ,, حليله باباه الفير بيسافر لندن بيتم اظن شهرين ><وسآر اييبلي مـآكـ لانه كان فخاطري ومحد يروم يقولي لـآء هع لانه انا الوحيده باجر عليه امتحان (آخر امتحان فالفصل الاول ) رياضيات
ماماه كالعاده طبعن : شموه سيري انخمدي باجر عليج امتحان والله اللاب ما بيطير ترى عندج اجازه عقب
انا : ياخي مافيه رقااااد شو تبيني اسوي اليوم ناشه الساعه 8 >راقده من الساعه 1 الظهر خخ
ماماه : كيفج بس انا باجر الصبح بييج بس بقول شموه اذا ما نشيتي كييييييفج رسبي
انا : اووووووووووووووووكيه بروح ارقد حشى بتذليني عشان بتوعيني ,, يلا بروووح فوق تبين شي
ماماه: لاء سيري رقدي وريحي ملائكتج
سرت فوق وشليت اللاب وسرت الحجره طحت ع الشبريه لفيت الصوب الثاني الا عواشي ختيه الصغيره راقده فدييييييت هالانسانه واايد تشبهني عشان جيه حلوووه هع بستها ورقدت ع الساعه 1
نشيت ع اذان الفير سمعت ماماه محتشره فالحجره صوب مريوم ختيه (صف سابع ) : قوووووووومي نشي يالهيزه قومي صّلي
نشيت صليت وتسبحت ع السريع وجفت المكان هدووووووووووووووء ظهرت من الحجره شوي شوي وتعديت بسلام من جدام حجره ماماه وباباه خخ وشليت لابي الي حاطتنه فالصاله فوق وربعت تحت فجيته يلست اقرا القصه الي كنت اقراها البارحه ويلست اضحك لانه القصه فيها مواقف اتفطس من الضحك خخخ والبشاكير يمرون من جدامي مستغربين شموه ناشه من فير الله وتضحك بعد شي غرييب هع بردت دودتي وخلصت القصه لانها كانت قصيره وحولت فوق لبست المريول وتكشخت لانه آخر يوم ومحد بيرمس وسحيت الكشه (شعري لين فوق ركبي بشبرين ونص هع ) ونزلت تحت لبست عباتي وشيلتي ورحت المدرسه
محد كان ياي يلست شوي وحصلت حمدوه يايه يلست وياها
حمدوه : مسودة الويه انتي مادرستي البارحه صح
انا : هيه خخخخ ما تفيجت ياخي
حمدووه : ما تفيجتي عقب فالامتحان ويييينج يا حمدوه و وييييييينج يا عفرووه هااا

انا: هههههه ريـآضـيآت كيف يغشون فيه ما ينغش فيه اصلن
رفيعه (وحده هاديه فكلاسنـآ) : وينها الحشره ليش مايت لين الحين اباها اتفهمي شي ما فهمته
مريوم ال***** من الصف الي حذانا : خس الله هالطـآري صدي ورآج غربلاتها صوتها من بعد ميل ينسمع
كلنا صدينا ع بعض والشررررررررررده لانه لو زختنا ما بتهدنا خخخ وعقب ما تأكدت انها فـآرجت من جنـآحنا ردينا انا وحمدوه ولقيت عفرووه
انا : يا مرحبا السـآآآآع بعفرآ ال*****
عفروه : يآ مرحبتين وســآع بشما
انا : ويديه بلاه حسج جيه غادي ؟
عفروه : امس انا واحمدوه وعبـآدي لين الساعه 2ونص نلعب بالماي وتسبحت ورقدت والمكيف عليه
انا : هههههه الله يهديه هالاحمدووه ثنويه عامه ويلعب بالماي
عفروه : ولا جنه ثنويه عامه اصلن خخخ انا ما جفته فاج الكتاب
شوي اسمع صوت من ورايه : شمووووه , شمـآ ,, شمـآني ,, شووشوو
انا : هلا والله بالطبجه
ميثوه : قومي خخخ اشيآء توهاا مستويه
انا وميثووه ربع من سنين يعني بأختصـآر توينز موول ما نتفـآرق مستحيل ما اعرف عنها شي ومستحيل هي ما اتعرف عني شي
انا : ههههه الله يهدينا
ميثوه : شمووه تخيلي قبل ما اظهر من البيت عرب امريكا كانو حادرين خخخ ورمستهم
انا : ههههه يعني ما ماتو
ميثوه : هههههه لا ما ماتو قلتلها وينكم حشى تحريناكم متو
انا: آآآآه الله يرحم زمـآن عرب ليوا
ميثوه : هيه والله كانت ايام
انا : الله يقومها بالسلامه ويرحمها لو كانت ميته
(خخخخ طبعن انتو جنكم اطرش فزفه الله يسلمكم عرب امريكا وعرب ليوا اصلن مب بنات عرب امريكا ههههه هاذا واحد اسمع شـآمس ال**** ميثوه مراوتنه نجوم القايله ومطلتنله قرون تستهبل عليه لا اكثر ولا اقل وهو حليله مصدق اونه يحبها وانا وميثوه نطمش عليه ههههه حليله ,, وعرب ليوا هاذا واحد اسمه هادف ال****** هاذا انسان رووووعه بتيكم سـآلفته لا تستعيلون ^^)
رن الجرس ورحنا الصفوف عسب الامتحان ,, الامتحان كان سهل بس الشي الي استغربت منه مخلين ام لسانين ادش الصفوف ( مس الرياضيات كلنا مسمينها ام لسانين ,اردنيه وحششششششششششره )
شيوم : مس حرآم علج سكتي هالحشره ابا احل ( المس فالصف الي حذانا هع )
المس : عيب يابنت حليلها المس تبا تساعدكم ها يزاها انها تبا تساعدكم
انا حليت الامتحان من اول ساعه ونص وراجعت ربع ساعه ويلست اسولف مع شيوم لانها قريبه مني وخلص الوقت والصف احتشر لانه ما يابولنا الورقه عسب نوقع وخيسونا الله ياخذهم ثلث ساعه زياده ع وقتنا ,,
فطوم ال*****: مس حرااااااام الدريول احترق برع
حصوه: والله انا بظهر ما يخصني ,,عني انشالله ماوقعت ونشت من مكانها خخخخ
المس تيلس حصوه : عيب حصه الحين بييبون الورقه اتريي ما وراج شي
حصوه تستهبل : ورآي يدار ليكون مس ما جفتيه
المس عصبت يوم ضحكنا كلنا : عيل انتي آخر وحده بتوقعيييييين

يتبع . . __DEFINE_LIKE_SHARE__

MarayemoOH · 07-05-2011, 07:27 PM

ويابو الورقه و وقعنا كلنا مال سرعه سرعه محد متفيج يتفنن فالتوقيع كالعاده وظهرنا من السجن هع
ظهرت من كلاسي صديت ع كلاس ميثوه لقيته فـآضي قلت اكيد ظهروهم دعييييييت علييييييييييييهم كرهتهم وسرت للكانتين حصلت ميثوه هناك
انا اصـآرخ : الســــــآعه كم ميثوووووه ؟
ميثوه : عثرررررره اذني ,, 11 ونص ليش ؟
انا : اووف راحت علي ماما قالت لي الساعه 11 بتظهر بتروح المارينا وانا قلت اصلن بكون فالبيت قبل 11 بس الله يلعنهم اخرونا وراااحت عليه روحة الماريناا
ميثوه : خـآلوه شو تسوي فالمارينا ابا اعرف
انا : مادري والله جنه السوق بيطير ولا الثياب بتخلص كم يوم سايره تتشرا للعفاريت ثياب حمدوه(صف رابع ) وسلامي (صف اول ) وعواشي (kg1) واللله قهر >خواتي هاييل احنا 5 قييلز بس
ميثوه : نشي نشي هاذيه يزوي تقوللنا انه الدريول يا (يزوي ختها صف 12 ادبي )
ركبنا السياره
خالوه : حيالله شمييم شحالج ؟
انا : الحمدالله بخير
خالوه : امج وين تلفونها كله مشغول من اصبحت ادقلها
انا: ههههه اتحصلينها الحين ترمس بابا لانه بيسافر
شبير دريولهم : كيف هـالج ام هديده ( كيف حالج ام حديده يقصد التقويم خخخ)
انا : الحمدالله بخير
شبير : يأله هـآان مديم ( يعله حآلن مديم ههههههه ميثوه معلمتنه)
دشيت لقيت اميه يالسه وتجوف تلفزيون (اميه يدتي وماما امي )
اميه : شو سويتي فالامتحان ؟
انا : ترتووووووب
اميه : الله يسهل عليكم
انا : آآآمين وروحت عنها فوق وجفت اللاب حبيبي بس قلت بروح اتسبح واتعدل وبردله
يلست اشارك فمنتدى فزاع ومادري ليش تذكرت بن لغيه جان اطرشله
" روووح يا مردونا اليوووله ,, اشحالك خيووو انشالله بخير ؟,, انشالله الكـآس هالسنه بعد عـآمري بس بيي دآرنا دآر الظبي ,, السموحه ع الازعاج "
وعقب دقيقتين يتني رساله خاصه منه لانه كان داش " هههههههههههههه حلوه مردونا صح ,, والله الحمدالله بخير وسهاله انتي شحالج ربج بخير ؟,, انشالله تكونون راضيين عني وهاذا الي انا اباه "
رديت عليه هع " هههههههههه حلوه اكيد ,, والله يسرك الحـآل >كيف تبانا نكون وتونا مخلصين امتحانات ^_^,, افا علييييك راضين منوه الي مب رآضي عشـآن اذبحه >هع ماشي تفاهم ,, السموحه "
وعقب 5 دقايق رد عليه " يعله مدييييم ,, شو مسويين فالامتحانات ؟,, تسلميييييين لي والله "
انا رديت" هههههههههههههههههههههه فاجه البيت ديسكوو حيـآك جان تبا ههههههههههههه الحمدالله سوينا اوكيه "
عقب ظهرت من المنتدى لانه مريوم كانت تزقرني عسب الغدااا نزلت اتغديت وياهم وعقب ع الساعه 3 رحت ارقد نشيت خمس ونزلت تحت

ماماه : شموه بتين المارينا ويايه
انا : عنبوج ما تشبعين من المارينا اليوم الصبح سايره
ماماه : ههههههههههه ما سرت الصبح سرت العياده ,, ما بتين ؟
انا : دقاااااااااايق وبكون عندج لبست عباه مسكره ع اللبس الي لابستنه كنت لابسه كندوره خفيفه وبسرعه نزلت تحت ورحت عند ماما السياره
انا : سراج شغل اف ام (سراج دريولنا )
كانو حاطين بحر الشوق ارتبشت شويه بس وصلنا المارينا بسرعه لانه اصلن قريب هع
ماماه : شموه انا بروح صوب قوتشي
انا: لااا ما ابا اروح هاك المكان تلوع جبدي
ماماه: خذي التلفون ويوم بروح بدقلج اوكيه ( انا عندي فون بس يوم بيخلوني فمكان بروحي يعطوني اياه عندي bbبس مب مشتركه فالخدمه )
انا ابتسم : حبيبتي ماماه ابا بيزات
ماما فاجه عيونها (ماماه تتنقب): يا الحراميه ابوج البارحه عاطنج 5 آلاف وينهن ؟
انا : نسيت البوك فالبيت يلا عطيني
ماما : بس ألف
انا : انزين عطيني عادي
ماما عطتني الف : تغشي ويا هالويه وروحت عني
( هههههههه ماماه صغيره ع فكره عمرها 32 بس ولا جنها امي انا وهي انبين خوات لانه انا وهي شرات الطول (167) طوااال ماشالله علينا هع والوزن(50) خخخخخ ما نمتن ولا نضعف مستقرين وانا اشبها بس مب ذآك الزود انا اشبه بروووك وااايد>خالي فديييييييييت روحه )

دشيت برومود عيبني قميييص لونه ازرق واايد حلو جان آخذه ظهرت من برومود وسرت ستار بكس اطلب لي ميلك شيك يلست اشربه وانا اتمشى ودشيت ومن سيكرت عيبتني بجامة كـآسبر خخ وخذيتها ورحت لصوب باريس غاليري وتمشيت و فكرت ليش ماخذ لميثوه هديه خخخ مع انه ماشي مناسبه بس ميثوتي تستاهل فديتها وخذت من كل شي 2 ورديت خذتلها شرات بجامتي وقميصي و رن التلفون يوم كنت جدام الكوفي الي مجابل اريج هههههه الصوووت عااالي وكنت حاطه يوم ماماه ادق (ليتك تجي {عيضه}) وكان المكان هدوووء ويوم رن فوني كلهم صدو علي تفشششلت ورديت ع طوول خخخ قالتلي تعالي عند كارفور نزلتلها ويلسنا نتشرا اغراض البيت وظهرنا من هناك الساعه 6 ونص
ماماه: تبين تروحين عند نوروه ؟
انا : امممممممم هيه
ماماه : سراج روح بيت نوره
ورحت هناك ونزلت عند نوروه خخخ نوروه هاي انا وياها من نحن يهال ع قولة امها شموه ونوروه كنا نحطهم فقماط واحد خخخخ واايد ويا بعض (نوروه بويه هع )
دشيت بيتهم وحصلت أحمدوه يالس يلعب كره ويا ولده عمه (أحمد اكبر عنا بسنه انا ونوروه يعني هو صف عاشر )
انا : حييييييييه بو شهاب
احمد يا صوبي: ياااااااا حيها بنت محمد خشمج >ههههه هاذا لين الحينه انا اعتبره ياهل
خاشمته : وينها يور سستر
احمد : وين يعني بتكون ترضع هالتلفون ولا يالسه ع المسن
انا : اوكيه اوكيه كلتني يلا جااو بروحلها
رحتلها حصلتها مثل ما قال احمدوه هع يالسه ترضع التلفون سرت وجلعت الواير (ترمس من فون البيت) وشردت خخخخ يلست تصاارخ نوروه
نوروه : حموووووووووووووود يالحيوان والله بتجووف ونشت من مكانها وركبت الواير
انا : مسودة الويه بلاج تتحرطمييين ؟
__DEFINE_LIKE_SHARE__

MarayemoOH · 07-05-2011, 07:29 PM

نوروه : هلااااااا والللللللللله شمووه هنيه اليوم توه ما نور البيت خششششمج
انا خاشمتها (بويه خخخ): شحالج يالدبببه ؟
نوروه: بخير يسرج الحال يالرشييييييقه >هههه العكس صحيح هي الدبه واناالرشيقه فالواقع
انا: يعله مديييييم ,, ايه هدي عنج هالتلفوون تعالي ننزل تحت
نوروه : يعني شو بنسوي تحت
انا : وشو بنسوي فوق يعني وسحبتها ونزلنا عقيت عباتي ولبست شيله بيضآ ويلسنا نسووولف >صدق بنات هع ما نمل من السوالف
وعلى الساعه 8 قلتلها برد البيت
انا : خـآلوووه حبيبتي ولويت عليها من ورا
خالوه: هههههه من الآآخر شو تبين
انا: ههههههه خلي نوره ترقد عندنا والله باباه مساافر
خالوه اطالع نوره : اممم انزين خلاص روحي
نوروه : اوكيه بس بنروح مشي (بيتنا مب وايد بعيد يعني بس نخطف ع شارعين ونوصل بيتنا )
خخخخخ تميت بالشيله البيضا ما فيه كنت البس العباه ونوروه القلاده بعد تمت بشيلتها البيضا وروحنا يلسنا نمشي ونمشي
انا : آآآه تعبت اول مره احس انه بيتنا واايد بعيد
نوره : يلا وصلنا يالهيزه
ووصلنا البيت ولقيت خالي حمد وحرمته (عفرآ ) وعنده ولدين (حمود{ سنتين ونص} وحمدآن { سنه }) وخالوووه شموووس فديتها
الله يسلمكم خالوه شموس اكبر عني بس بسبع او ثمان سنين وعرست السنه الي طـآفت وتوها حامل فالشهر الثـآني
اول مادشيت البيت ع طول طحت ع الغنفه
خالي حمد: سلمي ويا هالويه
نوروه سلمت ع خالي وحرمته وخالوه وقالت بتروح فوق خخخ لانه تلفونها رن اكيييد ميروه داقتلها(حبيبتها ) وانا بعد سلمت ع اليالسين ,,
خالوه شموس : شموه في حد فوق ؟
انا : بلاج توه اقولج باباه مسافر
خالوه : هيييييه صح اسميني نسايه يابووج من حملت وانا غاديه ام سلووم بين كل كلمه والثانيه انسى
انا : رمسي ريلج باتي عندناااا اليوم نوروه بتباات عندنا بعد
خالوه : رمسته من زماان هع قلتله ببات عن فطوم قالي عادي
انا : انزييييين يلا تعالي فوق
وحولت عند نوروه لقيتها يالسه ع شبريتي وترمس ميروه
انا اتكلم بصوت عالي عسب مبروه تسمع : ميرووه اليوم نوروه بتبات عندنا و نبا تسناتنس يعني يلا عندج 10 دقايق اتودعينها بس 10 دقايق لانه تلفونها بينشل وبغلقه
نوروه اتسويلي حركات انها بتذبحني خخخخ: يلا 10 دقااااايق بس
وسرت اتسبح ولبست البجامه اليديده خخخ بنت فقر مب جايفه خير
وظهرت جفت نوروه بعدها ترمس ميروه شليت عنها الفون عقب ضرابه : حياتي ميره سوري بس خلصن العشر دقايق
ميروه : ههههههههههههههههههه اوكيه اوكيه يلا فمان الله
وسكرت عنها
نوروه : ماعليييه يالسخيييييييييييييفه
خالوه يت : بلاااكم تتحرطمون
انا: خخخخخ نوروه معصبه عشان شليت الفون عنها
خالوه : بعدج ع ميروه .؟
نوروه : هيييه فديييتها
انا : سكيوزمي اليوم مانبا تلفونات شمآسي طرشي مسج لريلج انا برقد وغلقي الفون وشوي التلفون الي فالصاله يرن وربعت لانه تلفون الصاله الي فوق محد يدقله غير ميثوه فديتها
خالوه يايه : لا والله تستهبلين انتي توج اتقولين ما نبا تلفونات والحينه انتي ترمسن ميثوه ويرت الفون عني
خالوه : هلا ميثووه شحالج ,, ههه انا بخير الحمدالله وحتى النونو بخير ,, اقوول جلبي فيسج اليوم انا ونوروه بنبات هنيه يعني مانبا ازعااج ,, هههههههههههههههههههههههههههههههه لا انا غلقته فوني ,, ربي يحفظج يلا باااي
انا : حووه شو رايكم نسير فوق حجره عموه احسن والله هناك المكييف طررررررررررررر تقولين داشه السكي
نوروه : يلا فووووقه ورحنا فوق فجينا الحجره بآآآآآآآآآآآآآآآآآآآآآآرده
خالوه : خيبه انا بتكلم جوفو جان بيظهر من حلجي دخاان
ضحكنا ع خبالها انا : بنسكر المكييييييف شويه وبنشغله فليل
نوروه : فجي الـt.v بيحطوون مسلسل الحين
انا : اذا تركي ماااابااااااا
نوروه : اوووووف شو تبيييينا نجوف يعني
انا : هههههههههههههه اي شي بس ما نبا تركي
خالو : ياخي شغلو شي يربش
انا : ليش عيوني ناويه ترتبشين ويانا ,, حياتي نسيتي في كائن حي فبطنج
خالوه : اوووف ما برقص بس بيبس
انا ونوروه : ههههههههههههههههههههههههههههههههههه
انا : خالوه سمعتي غنيه عيضه دوآ القلب >مرات بالغلط اقوللها خالوه هع
خالوه : هيه سمعتها فالسياره طرررررررررررر
انا شغلتها : جوووفي عيضه يغنيلي ويلست أأشر ع عمري(* انا الضيـآ في بوظبي والامارات ما انقنص اقنص لحـآض البرآيه *)
نوروه : ماااااااااااااااااااااالت ما عنده سالفه عيضه بيغنيلج
انا اغمز لنوورووه واغني ويا عيضه بصوت عالي : هيهـآت لو صد انا انسـآه هيـآت ما همني العذآآآآل ولا الوشـآيا (آآشر ع نورووه) لومات قلبي لا حشى الحب مـآ مات ,, الغالي غالي وهو اغلى غلــآيه (مغيرتنها انا)
نوروه فرتني بالمخده : ماعليه ماعليه تراج جيه ولا جيه بتخبريني السالفه(ما خبرتها عن عرب ليوا بس ايلس اغايضها واعق عليها رؤوس اقلام هع)
خالوه : بلاكم شو السالفه
انا : رقدي رقدي انتي
خالوه : تعرفون احس اني بديت اتعب
انا: ويييييييييييه بتخربين علينا السهره يعني
خالو : لا لا بحاول ايود عمري
ويلسنا نغني ونرقص لوولز لين الساعه 3 ونص الفير بليس الي فينا خلانا نرقد بدون ما نصلي هع
نشينا انا ونوروه ع الساعه 2 الظهر نزلنا تحت : السلام عليكم
ماماه واميه : عليكم السلام والرحمه
ماماه : صح النوم ليش نشيتوا

انا: خخخخ سهرنا البارحه
نوروه : صــح وينها شموس ما جفتها فوق
مـآما : حليلها شموس تعبت الصبح ووديتها المستشفى (مااما عندها ليسن بس البطره ما تبا اتسوق وحاطلها بابا دريول)
انا : رقدووها ؟؟
ماماه : هيه ,, تبون تروحولها ؟
نوروه : ودي اسير بس امايه دقت لي قالت بتمر عليه و بنروح دبي عند يدوه
ماما: خلاص شموه خلصي شغلج ع الساعه 4 انتي وميمي بتروحون لها
انا: اوكيه تعالي نوروه بنروووح نيلس خاري الجو جميل هع

ويلسنا فالحوي نتغدا عقب مرت خالوه وشلت نوير وانا رحت فوق عقيت عليه العباه ماكان فيه اتلبس خخخ وتجحلت وظهرت وحصلت ميمي
ميمي: حشى سايره عرس ليش لابسه هالعباه

انا: خخخ كيفي (كنت لابسه عباه عاديه بس تتفلسف قصه هيه بس يمكن اتقولون مخصره شويه هع )
ميمي : يلا سراجوه يا
رحنا وارتبشنا فالطريج كانو حاطين شرع الحب {ميحد }
ووصلنا مستشفى الكرنيش لانها اصلن قريبه (نحن ساكنين فالبطين فبيت اجار لانه بيتنا الي فخليفه أ بعده بيبنونه)
انا فاللفت : طـآعو الغبااااااء ما سألتهم اي طابق واي عنبر واي حجره
ميمي: غبييييييييه ,, بتكون فالرابع وعنبر واو لانه هناك المرضى المقيمين هع هع
سرنا الطابق الرابع وسألتهم عن شمسه محمد وقاللولي هيه اي حجره دشيت
انا : يا مرحبا الساااااااع سلامات ما تجوفين شر عنبو ما يسوى عليج قلتي بتباتين عندنا فجيت الستاره هع ها كله وانا عند الباب خخخخ لقيت سلطان ريلها يالفضييييييحه من بونه مسمني ام لسانين
انا : السلام عليكم
سلطان وخالوه : عليكم السلام
سلطان : شحالكم ؟
انا وميمي : بخييييير الحمدالله
سلطان عقب 10 دقايق روح ويلسنا ويا خالوه عقب قالت قومو نتمشى فالمستشفى هع ملت الشيخه من يلست السرير ونزلنا الطابق الثالث كان شي مكان مكتوب العنايه المركزه (الاطفال)
خالوه : بخااطري ادش داااخل ابا اجوووووف اليهال
ميمي : جوفي هالبوومه كيف اطالع ما بتخلينا اندش
خالو : طوفو والله مب مستشفى ابوها يلا
انا : يلا
ومشينا شوي والا يت البومه خخ ع قولة ميمي ترمسنا انجليزي
خالو : غربلاتها شو ترطن هاي
انا : هههههههههههههه يالسه اتقول هاذا مب مول
خالوه : *** يلا كملو ما علينا منها
ههههههههههههههههه والحرمه تعبت منا ,,,دشينا شوي عقب زغنا سمعنا حس حرمه تصارخ حليلها الله يسهل عليها وظهرنا
البومه استوت صديقتنها خخخ يالسه اترمسني بالانجليزي : انتو يايين هنيه عسب منوه؟
انا أأشر ع خالوه : شي از تايرد(هيه تعبانه)
البومه بققت عيونها : يو آآر بريقننت (انتي حآمل !!!!!!!!!!)
خالوه : يس >حجمها وااااااااااايد صغييييييييير هع اقصر مني بواااايد
البومه : يو آر مريد ؟؟؟؟؟(انتي معرسه)
خالو : غربلاتها لا يايبتنها مني والدرب تتحراني شراتها
انا وميمي : هههههههههههههههههههههههههههههههه
ميمي: تعالو شي ثلاجه هنيه بنتشرآ حلاوه
عثثثره شي 9 شباب هناك ويالسين ياخذون من الثلاثه ما تم شي انا اوني اساسر خالوه : غربلااااات العدوو خذو كل شي ما تم شي
واحد من الشباب سمعني خخخ : عزوووز بسك قم قم يلا عرب يتريوناا نخلص
وروحوو
ميمي : لا والله يستهبلون حضرتهم ماشي فالثلاجه
خالوه : طبيهم بروك يوم بيي اكيييد بييب حلويات (بروك اصغر خوالي وخالاتي خخخخخ ربيعي هاذا عمره 19 )
وسرنا فوق وخالوه شيخه كانت يالسه تتريا هناك(معرسه اسم ريلها علي وعندها 3 ومبركنه ما تبا غيرهم {حمود صف سادس } و{عليوه صف رابع قد حمدوه ختيه } و{عواشي فدييتها اكبر عن عواش ختيه بسنه })
خالو شيخه : ويييييييينكم انتو حشى فمول تحاوطون
خالوه: ملينـآ من اليلسه
وعقب ربع ساعه خالي حمد وماما واميه حمدوه يونا وخالو شيخه روحت
انا مليت من المستشفى قلت بروح مع خالي لانه كان بيروح بيتهم وانا وحمدوه نشبنا فيه وقلنا له يوصلنا البيت و وصلنا وحمدوه الغبيه قالته روح عادي لانه كان مستعيل ,, دشينا البيت لقيته مظلم استغربت ليش بيتنا الدروازه دووم نحن فاجينها ,, يلست ادق الباب محد يرد قلت اكييييييييييييد سارو بيت يدي اووف شو هالحظ النحس وظهرنا من البيت لانه كان يزيغ ظلااام
انا : تعالي حمدوه بنروح عند خالو بخيته( يرانا الي جدام بيتنا بيون فالقصه اتريو هع )
يلسنا نمشي وانا توني بفج باب الدروازه انفج وكان سعيد وحمدووه دزتني السخيييييفه وطحت عليه اووووف موقف باااااااايخ جني لاويه عليه ويهي يا ع صدره لانه اطول عني

كـــــــــــــــــــــــــــــــــــــــــــت
انتهى الجزء الأول اتمنى انه نال على اعجابكم
ترقبوا الجزء الثاني بس بعد الردود الجميله هع هع

شو رايكم في بداية القصه وشخصية شموه ؟
__DEFINE_LIKE_SHARE__

¦ أستـآيلْ بدۈيـﮧ « · 07-06-2011, 02:48 AM

ابدعتي ما شاء الله عليج
حلووة القصصصة / والشخصيآت أحلىّ
نترقب البارت اللى بعددهـُ / نترياج

لاتبطين علينـآ / ربي يحفظج __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مدري خيال مدري كلام الحقيقه ( جديد 8-8-1431هـ)	محروم.كوم	منتدى أخبار المواقع والمنتديات العربية والأجنبية	0	07-20-2010 01:30 PM
موقف محرج تتعب وتقول محرج ..... ياسر والامير سلمان ....شوف واضحك هنااااااااا	محروم.كوم	منتدى أخبار المواقع والمنتديات العربية والأجنبية	0	03-30-2010 06:00 PM
حبيبي طرشيلي صورتج ! ليش انا مب حبيبج !	عيناوية العرج	الحوار والنقاش - الرأي والرأي الآخر	13	02-27-2010 11:22 PM
تعبت من كثر ما ادور على حبيبي بس ما راح اتعب من كلمة احبك وببقى احبك لو صديت عني وتخليت يا حبيبي	بنت البلاد UAE	شعر و خواطر	6	02-22-2010 01:28 PM
جراح أشعلت حسره بصدر العذرى مكسورة	قـلب دبـي	الشعر المنقول	3	09-28-2008 03:53 AM