|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم اليناالحوار والنقاش - الرأي والرأي الآخر مواضيع ساخنة , مواضيع نقاش , مواضيع جريئة , نقاش جاد يمنع المنقول والردود السطحية |
| LinkBack | أدوات الموضوع | انواع عرض الموضوع |
#1
| |
السلام عليكم ورحمة الله وبركآته صبآح / مسآء الورد والجوري .. شحآلكم بكم الآ بخير .! من بد كل المنتديآت .. تشترك في منتدى آسرك من الوهله الآولى . رغم معرفتك بان ليس هناك منتدى خال من السلبيآت عشقت الموآضيع المطروحه حتى آنك آصبحت من المبدعين في ردودك و آصبحت من الاعضاء الذي ينتظر الجميع موآضيعه الآسره عضو .. عضو مميز .. مشرف وهآ آنت تعتلي كرسي الإشراف.. وهذآ يتم عن طريق المدير نفسه آو عن طريق ترشيح الزملاء الوصول لكرسي الإشرآف ليس بالسهـل ، وفي المقآبل هو مب صعب الواحد يثبت وجوده من خلال الردود والموآضيع والآهم من هذآ كله من خلال تعآمله ويآ الاعضاء في الفتره الأولى من الإشرآف يكون الحمآس لآعب دورآ كبيرآ في وجود هذا المشرف في القسم وتنظيمه للمسآبقآت وطرح الموآضيع ولكن مع مرور الوقت يشعر المشرف بانه مكلف لآ مشرّف لهذآ القسم .. ويكآد ينعدم وجوده في القسم المسؤول عنه حتى تعود السلبيآت من جديد في هذآ القسم آسئلة المنآقشة : مآ هي عيوب "معظم " المشرفين في استرآحتنآ ؟ سلبيات وايجآبيات الاشراف بشكل عام ؟ وبشكل خاص في منتدآنآ ؟ ومآ هي آهم المميزآت التي يجب توآفرهآ في هذا المشرف ؟ موقف سلبي آو ايجآبي مر عليك من قبل آحد المشرفين .. وترك عندك آثر خآص ؟ واذا كنت من المشرفين هل اضاف الاشراف لك شيئآ ؟. وآخيرآ .. زيآدة المشرفين المستقيلين في استرآحتنآ في تزآيد .. شو السبب في هذآ ؟ هدفنآ النقآش و تبآدل الآرآء ..
__DEFINE_LIKE_SHARE__
لآ تحرموني من الردود الطيبه لآ هنتوآ
آحب "الغيمـ" .. لآن الغيم عآلي / يجسد كبريآئهـ في نصوبهـ ,! التعديل الأخير تم بواسطة ღ الــــجـــــــــود ღ ; 02-10-2011 الساعة 06:19 AM. |
01-26-2011, 03:52 AM | رقم المشاركة : [ 2 ] |
عضو ماسي | السلآم عليكم ورحمة الله وبركاته شخبارج اختي ..؟ مآ هي عيوب "معظم " المشرفين في استرآحتنآ ؟ امممم اظنه قلة التواصل بينهم وبين الاعضاء يعني بعضهم تحصلي منهم الرد اللي يحمس وبعضهم تشوفي رده لج بشي عادي سطحي مثل غيرهم سلبيات وايجآبيات الاشراف بشكل عام ؟ وبشكل خاص في منتدآنآ ؟ شوفي كل شي في الدنيا له سلبيات وايجابيات لو ماكنات السلبيات موجوده ماعرفنا طعم الايجيابيات وكان طعم الايجابيات شي عادي. ’’ انهم ياخذون ويعطون لو طلبتي شي منهم ولا يحطون الموضوع في الهامش هذا موضوع شفته في المنتدى اكثر من غيره °°°°°° و لو ماكان المنتدى تمام ماكان شفنا الناس تكون موجودة وتحط مشاركات وردود سنعة اهتمام الادارة بكل مايرقى المنتدى به ومراعة القوانين والضوابط للجميع.. بعض الأعضاء تجد فيهم روح التعاون والإخاء.. °°°°°° تواصلهم طيب مع الأعضاء وأنا بصراحة ماشفت شي من أي احد والله يوفقهم ومآ هي آهم المميزآت التي يجب توآفرهآ في هذا المشرف ؟ يداري عمله أول بأول
__DEFINE_LIKE_SHARE__
°°°°°° يحفز ويساعد ويعطي وجهة نظر ويراقب قسمه ويكون في خدمة اي عضو في قسمه هذا القسم مثل ارضك اعطي وراح تحصل اللي يرضي °°°°°° وبالتوفيج ياااارب |
| |
01-26-2011, 11:08 PM | رقم المشاركة : [ 3 ] |
عضو ماسي | السلام عليكم ورحمة الله وبركاته هلا ختيه بموضوعج الجميل مآ هي عيوب "معظم " المشرفين في استرآحتنآ ؟ ما شاء الله عليهم يشاركون ويتفاعلون في مواضيع الاعضاء لكن ,, مو ذاك الزود يعني مشاركاتهم لا باس بها وكنت اتمنى انهم يردون على المواضيع ويرحبون بالاعضاء ويشجعونهم بشكل اكبر واكثر من الوقت الحالي. سلبيات وايجآبيات الاشراف بشكل عام ؟ وبشكل خاص في منتدآنآ ؟ من رأي انه المشرف يمسك الاشراف على قسم لمدة معينة وبعدها تترك الحرية له انه يختار قسم ثاني ويحاول يطور فيه عسب ما يمل ويحس بالتجديد في نفس الوقت, وجذي الادارة تستفيد منه بشكل افضل. والمشرف يستفيد من التغيير. ومآ هي آهم المميزآت التي يجب توآفرهآ في هذا المشرف ؟ *انه يهتم بقسمه بشكل اكبر ويعطي فرصة للاعضاء انه يشاركون في القسم عن طريق المواضيع اللي تشدهم والردود اللي تخليهم يرجعون ويتابعون المواضيع اول بأول *انه يرسل رابط الموضوع المميز في قسمه من اي عضو لكل او لمجموعة من الاعضاء عسب يردون ع الموضوع وفي نفس الوقت يعطون صاحب الموضوع حقه من الاشادة والاهتمام . * ارسال الرابط ما ينتقص من صاحب الموضوع لانه يمكن يحس انه موضوعه يستاهل الرد ولو كان بسيط اذا استغل المشرف سلطته في غير محلها مثل حذف الموضوع او الردود السطحية على الاعضاء تنفر الاعضاء في القسم والمنتدى نفسه . موقف سلبي آو ايجآبي مر عليك من قبل آحد المشرفين .. وترك عندك آثر خآص ؟ ايجابي : يوم نزلت موضوعي الحصري (" موضوع مميز " متقاعد او مت قاعد) وكان اول ردلمدير المنتدى وتقريباً اعضاء الادارة واغلب طاقم الاشراف , تفاعلهم ترك اثر طيب علي وشجعني ع التميز في الردود واضافة مواضيع يديدة . سلبي : لين الحين ما عندي اي عتب عليهم بالعكس لولا استفادتي واستمتاعي في المنتدى ما كنت استمريت اصلاً وتميت فترة طويلة عضو خامل يعني لا ارد ولا اضيف مواضيع ولولا تشجيعكم واهتمامكم ما كنت تميزت واذا كنت من المشرفين هل اضاف الاشراف لك شيئآ ؟. وآخيرآ .. زيآدة المشرفين المستقيلين في استرآحتنآ في تزآيد .. شو السبب في هذآ ؟
__DEFINE_LIKE_SHARE__
انا مو من المشرفين لكني جربت الاشراف والادارة في مكان ثاني وتشبعت منهم وبحسب خبرتي اظن الاشراف لو ما فيه تجديد يفقد ميزته والاشراف مسئولية ع المشرف لانه يحاول انه يتميز بكل الطرق فالمفروض يكون التشجيع من الادارة للمشرف المميز والمتفاعل ويا الاعضاء وفي نفس الوقت نعطي فرصة لباقي المشرفين انهم يبتكرون افكار يديدة واظن زيادة استقالة المشرفين ترجع لسبب عدم اهتمام الادارة في المقام الاول وملل المشرف من مهامه الروتينية في هالحالة يتم تغيير القسم له واذا ما عنده رغبة فأفضل له يترك الاشراف لمن يستحقه أكثر . أشكرج على الموضوع المميز والله يعينكم ويوفقكم يادارة المنتدى ومشرفينها . |
| |
01-27-2011, 01:44 AM | رقم المشاركة : [ 4 ] |
╢● وَنْ قًلْبَيُ وَنْتَيْنْ دَقَلُنْ دَقَلُنْ ♥. | السلام عليكم ورحمة الله وبركــآتة ..~ شحاالج يا رووحي ..~ ربج الا تشقحين شرااتي .. هع ..~ صرااحة مووضووع مميز ..~ و مثل ما عودتيناا ان الزين ما يطرح الا الزين ..~ الاشرااف مع اني ما جربتة .. احسة شي مب سهل .. ويباا لة مجهوود ووقت .. بالاضافة الى طولة الباال ..~ المووهيم .. نرووح لاسئلتج ..~ مآ هي عيوب "معظم " المشرفين في استرآحتنآ ؟ اممم .. بشكل عام الاحظ ان معضم المشرفين ما عندهم استمراارية في العطاء .. يعني مثل ما قلتي قبل .. اول شي يدخلوون بحمااسة .. ومحد قدهم .. بس عقب يقل الحمااس ويقلل التواجد .. وياالله يالله جاان حصلتيهم اذاا بغيتي منهم شي .. لا ويردوون عليج عقب قرن .. هذاا اذا اذكروو انتي شوو تبين منهم اصلا ..~ سلبيات وايجآبيات الاشراف بشكل عام ؟ وبشكل خاص في منتدآنآ ؟ لكل شي في الحياة ايجابيات وسلبيات ..~ بالنسبة لسلبيات الاشرااف ... الاشراف شي مب سهل .. يبالة وقت وجهد .. يعني احسة مثل الدوام بوقت كامل .. هع ..~ لازم الواحد يكوون متفرغ لة عدل..~ اماا الايجاابيات ..~ فأناا من وجهه نظري المتواضعة .. اشووف ان الاشراف يعني تميز عن الباقيين .. ومن منا ما يحب التميز في حياتة .. بالاضافة الى انة يعطي صاحبة سلطة جزئية على استرااحتة ..~ ناهيج عن ان من يطرح المشرف مووضووع الكل يشاارك ويتفااعل .. مب شراتناا نحن الفقاراا .. من نطرح مووضووع نقعد نشحت ردوود وتفاعل من الاعضااء .. هع ..~ ومآ هي آهم المميزآت التي يجب توآفرهآ في هذا المشرف ؟ ااناا اشووف ان المشرف لازم يكوون طويل الباال .. ما يتسرع في إتخااذ قراراتة ..~ ولازم يكوون عندة استمراارية في العطااء .. يعني مب شهر وعقب يغرز ولا نشوفة الا في العيدين والمناسبات الرسمية .. هع ..~ بالاضافة الا انة لازم يكوون انساان ذو افكار متجددة .. ودايماا يسعى للتميز ..~ موقف سلبي آو ايجآبي مر عليك من قبل آحد المشرفين .. وترك عندك آثر خآص ؟ امممم ... صراحة ما في شي في بالي الحين .. لكن اذاا ذكرت شي .. ولا يهمج برجع وبسدحة ... هااع ..~ واذا كنت من المشرفين هل اضاف الاشراف لك شيئآ ؟. وآخيرآ .. زيآدة المشرفين المستقيلين في استرآحتنآ في تزآيد .. شو السبب في هذآ ؟ اناا مب مشرفة .. فما اقدر اجااوبج على سؤالج ...~ لكن بالنسبة للشق الثاني من سؤالج .. اناا اعتقد انة مثل ما قلتي لماا المشرف يخف حماسة ويبداا يحس ان الاشراف صار تكليف علية .. بالاضافة الى نقص التشجيع .. هذاا كلة ممكن انة يؤدي الى نقص العطاااء وبالتالي استقالة المشرف .. هذا اذاا ما سبقتة الادارة وسحبت الاشراف عنة ..~ تسلمين روحي على هالمووضوع المتميز ..~ في انتظاار الافضل من صووبج ..~ تقبلوو مروري فديتني والله ..~ __DEFINE_LIKE_SHARE__ |
| |
01-27-2011, 11:01 PM | رقم المشاركة : [ 5 ] | |
● " سٌـۈد المِدآمـِع زهّـتْ لـوّ مـًآ تِكحّلهَـآ " ● | " " " السلام عليكم ورحمه الله وبركآته هلا وغلا نبوضي..احم مسآج وله فديتج..~ انآ بخبرج.. بالنسبه لي..وما برمس عن حد ثاني..وجهة نظري يعني..انآ كثير احب المكآن اللي انا فيه..لأنه كآن اختياري..من رد المنتدى واششتغل ../ عقب 4 شهور تمت ترقيتي احم..المشرف لو يحب شغله ويحب شو يالس يسوي..اظني ما بيكون مقصر..ولو ان بعض الاحيان الضروف..تشغل الوآحد..بس ذي ما يمنع انه يطل بين ساعه واخرى على قسسمه..~ بما اني انسانه فاضيه وما ادرس ولا اششتغل..فاشوف الاشراف شي حلو بالنسبه لي اتسلى واحسسه جزء مني.. تييئ فترآت الواحد يتعب شوي..خصصه يوم يكون عنده ضغط دراسه واشغال من برع..ما وده يدخل المنتدى..بس اعتقد ساعه وحده ..تششيك ع المواضيع./ متابعه الردود../ تنبيه المخالفين..شي المشرف ملزوم به وهو مكلف به انه يسويه وما بيخسر شي..^.^ مآ هي عيوب "معظم " المشرفين في استرآحتنآ ؟ الله يسلمج المشرف اول ما يترقى يكون شي لا يعلى عليه..بس يتعود على الشي اللي يسويه..يمل..ثم يهمل ..ثم ينقطع..ثم في اقل من شهر تم سحب الاشراف منه..وليش اذا انا من البدآيه احسس روحي بقصر..ليش اخليهم يعينوني هع..بس يظل الضروف تششغل..اشوف هالعيب الوحيد..بس أغلبهم مافيهم حيله..^^ سلبيات وايجآبيات الاشراف بشكل عام ؟ وبشكل خاص في منتدآنآ ؟ الايجابيات بالنسبه لي ان يوم الوآحد يحب شغله..بيبدع فيه كثير..وبيحاول قد ما يقدر انه يواصل ويستمر بهالابدآع..وطبعا لازم الددعم الكبير من الجميع انه ما يخلي شي يعيقه..في مشرفين..توصل اشياء..وتهبط من عزومهم..ليش اخلي اشياء تافهه تهزمني..احآول مآ اسستمع للعذال هع السلبيات..الاشرف هب لون والسلام اسالوني انا..مسؤووليه قسسم بالله..يعني لو انا ما ابغي اشرف ولا عندي شي اعطيه..اعتقد بالمفروض هالمشرف يتنآزل عن الاشراف لأن في ناس تسستحق اكثر عنه بوآيد..~ ومآ هي آهم المميزآت التي يجب توآفرهآ في هذا المشرف ؟ اول الشي الاحترآم ثم الاحترآم ثم الاحترآم..احترم الانسان لي يالسه اكلمه..حتى لو ما اعرفه..ع الاقل ياخذ صوره عني حلوه..واعامل الناس باخلاقي والاشياء لي تربيت عليها..هب ارمس الوآحد من طرف خششمي..ليش؟!! بعد كذلك ع المشرف أن يكون معآون ومساعد لكل من يسستفسر ويبغي حل..^^ موقف سلبي آو ايجآبي مر عليك من قبل آحد المشرفين .. وترك عندك آثر خآص ؟ الحمدالله السلبي قل ما يصير وياي..ولا اهتم له لو صار.. الايجابي..تششجيع محروم والغضي الياسي ع المواصله دآيمآ..هالاثنين صدق يتركون اثر طيب في نفس الانسان..والحمدالله على كل حآل..^^ ولا انسسسى خوياتي الي في المنتدى اللي لولاهن جآن نظووره محد من زمآن هع واذا كنت من المشرفين هل اضاف الاشراف لك شيئآ ؟. وآخيرآ .. زيآدة المشرفين المستقيلين في استرآحتنآ في تزآيد .. شو السبب في هذآ ؟ هيه..ثققتي في نفسي زآدت ووآيد بعد..خلتني اعرف الناس كيف تفكر..ولا زلت اتعلم..صح مرآت انصصدم في وآيد ناس..بس على يقين دآيم دآمني امشي وانا واثقه ولا ابالي من اي كلمه اسسمعها فانا بخير..( واثق الخطوه يمشي ملكآ ) بالنسبه للمشرفين المستقيلين هالشي يحز ف الخاطر..كل وآحد له ضروفه..والله يعينهم ان شاءالله...^^ تسلمين نبوض ع الطرح الطيب حمسستيني وآيد الحقيقه عسآج ع القوه.~ __DEFINE_LIKE_SHARE__ | |
| ||
مواقع النشر (المفضلة) |
أدوات الموضوع | |
انواع عرض الموضوع | |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
آنـــآ كذّبتــ فيكــ لي نقل ليــ صآدقآت آخبــآٍ ر .. " فزّأع " | نبض روحي | الشعر المسموع | 5 | 04-05-2011 11:52 PM |
ٺعَــ/ـبٺ أضحَڪ عَڷى غيري ۈأغني ڷــہ أنـــآ مَرٺآحَ | غلا البحرين | الشعر المنقول | 17 | 01-24-2010 05:07 PM |
ٺعَــ/ـبٺ أضحَڪ عَڷى غيري ۈأغني ڷــہ أنـــآ مَرٺآحَ | ولـد الـ ع ــيـــن ]~ | الشعر المنقول | 5 | 10-30-2009 10:30 PM |
لـــيه تطــعني و آنـــآ ميـــت بليــــآ . , ! ّ ْ ~ MmS | تحريات بوظبي | هواتف , مسجات , وسائط , برامج , ثيمات , نغمات , بلوتوث | 20 | 08-01-2009 08:12 PM |
مشــرف عام مميز ... | محروم.كوم | منتدى أخبار المواقع والمنتديات العربية والأجنبية | 0 | 06-28-2009 10:00 PM |