اخِاف ابُوْح و يخوَؤُن الْصَّمْت مَنْطَوْقي ! - الصفحة 101

Mr.6iob · 02-15-2012, 08:00 PM

السلام عليكم و الرحمه

شحالكم

امممم يقولكم اليوم ما داومت خخخ
وصلت لباب الجامعه وعقب غيرت رايي
جي تعباااان كان بيغمى علي من التعب

قلت انزين ليش اتعب عمري خل اروح اييب لي
عذر من الهوسبيتال وباجر بعطيييه للمسس ..

" لا يكلف الله نفساً الا وسعها "

المهم اتييني افكار من هني وهناك
لحد ما استقريت على رايي واحد

و كل اشوي اربيعي يدق لي ها وينك
وصلت والا ؟ اول شيء قلتله انا صوب الجامعه خلاص الحين بحدر

وعقب غيرت راييي كتبت له ع البيبي خلاص انا برد البيت
لاني تعبان وايييد وماقدر اركز فالكلاسات بسير المستشفى

قال لي ما تباني اوديييك ؟
قلت له : لا عادي , مابا اخرب عليك الكلاسات

قال : عادي لاه طاف

قلت له : لا والله روح بسوق بروحي عادي
المهم قال: برايييك , اطلع لك انزين برع ؟

قلت له : لااااا مابا اتعبك شو بتسويييلي يعني ههههه
قال : خخخ بيي بعالجك لاه

قلت له : ههه دخييلك بعيد بعيد
قال : حيوااان يلا روح انزين المستشفى يالغبي

المهم سبني وجي قلتله ماقدر ارد عليك لاني تعبان عقب بروييك

قال : زين دوم ان شاء الله

قلت له : وياك ان شاء الله وعقب قال اجمعين

حيوااان ><

اونه دوم المرضضض ان شاء الله

المهم وعقب سرت على طول المستشفى
وعطوني جم دوااا

وزني وايد ناقققققص @.@
ماتوقعته جي تعرفون ناقص 5 كيلوات مادري ليش
وقالو لي انه ويهي اصفر صايررر

لا و اللي زيغني قالت لي الدكتوره اول ما حدرت عندها
انته فيييك فقر دم !!

قلت لها لا

قالت عيل ليش جي اصفففففر

قلت لها يمكن لاني تعبان
قالت : متاكد ؟

هني مسكت قلبي ههه

قلت لها هيييه متاكد بس يمكن
عشان تعبان < اقول بداخلي سيري لاه انا ناقصص بعد فقر دم بروحي تعبان
ومب قادر اجاوب على اسألتتتج >_<

قالت عقب : متاكد ولا مره طلع فيك فقر دم
قلت : هيه متاكد متاكد

المهم عقب ما رديت من المستشفى شربت الادويه
والحمدلله عقب ما شربتهن حسيت اني اشوي صرت احسن
لاني غرقت بنومه عميقه من بعد الدوا

الحمدلله : ]

صج نعمة الصحه ما تتعوض
الحمدلله لك يارب على جميع النعم __DEFINE_LIKE_SHARE__

Mr.6iob · 02-25-2012, 01:16 AM

كح كح

آتسسسسوووووووووو

خخخ غبار غبار

هع اسمحولي اخواني ع القطاعه
ما قمت احدر المنتدى . .

لانه هالاسبوع كنت بززززززززي وايد
بس ان شاء الله بنزل لكم شيء يديد جريب =]

واسمحوووولي مره ثانيه ^^

اشكر كل من سال عني

وخصوصاً :~
اخويه الغالي اماراتي صغيرون
عسى ربي لا يحرمني منه .. ^^" __DEFINE_LIKE_SHARE__

Mr.6iob · 02-26-2012, 09:35 PM

يقولكم اليوم كنت يالس ويا ولد عمي اللي اكبر عني باربع سنوات
المهم يالسين نسولف وجي داقينها سوالف ويقولي شو دنياك
ومن هالقبيل يعني . .

عقب قلتله احس جي مادري كيف فهالفتره دايما مضايج
دايما احس اني وحيد ما عندي حد يحس فيني مع انه
يا كثثثر الربع اللي عندي بس مادري ليش كله احس جي

مب عايبني شيء بالدنيا , كاره عيشتي مع انها ما فيها شيء

بس جي اتيييني فتره احس اني مول مب طايق شيء
ماحب اسولف ماحب ارمس , و اتييني فتره بعد احب ابتعد
عن الناس اكون بعيييد ماحب اسولف وياهم ..

جي محطي فبالللي فكره ..
انه بيسولفون الحين وباجر بيسبوونـ وبيرمسون من ورانا
فليش اتعب عمري و اسولف وياهم و كل السوالف نفاق بنفاق

فافضضضل اني ابتعد وجي
قلتله والله تعبت من حالتيــه . . احس جي مول كاره كل الدنيا
والناس , ولما اقعد برووحي يقولون ها نفسيه و المود دوم ماله فالقاع

المهم فقلتله ابا حل !
شو اسوووي ><

قال لي :

يا ريااااال صدقنني كلنا مرينا فهالمرحله واللي هي مرحلة المراهقه
انحس انه محد يبانا ومحد طايقنا ..
وجي اتحس دايما انك وحيد ومحد حاس فييييك

ولو تموت يدامهم بعد ما بيحسون فيك

قلتله : صح جي انا احس

قال : واتحس بعد انك تعطي اكثر من انك تاخذ !
قلت له : صح , سبحان الله جنك تقراننني

قال : كلنا مرينا فهالمرحله صدقنني هي فتره وبتعدي
وعقب بتتذكر وبتحس انك سخييف لما اتفكر بالاشيا
وتعطيها قيمه كبيره وجي

قلت له : يعني صججج بهالمرحله كلهم يصير فيهم جي ؟

قال : اكثررررررهم وكلنا مرييينا فيها

قلتله : تعرف ريحتني بكلامك , واحس اني وايد اقتنعت
يمكن صح انا امر فهالمرحله فعشان جي احس غير
وكل شيء ضددي ..

قال : واتحس انك دوم مضايج ومسكين , وبعد تحس انه الدنيا ضايجه فيك
قلت له : صح !

قال : شفت انا اعرف لاني مار فمثل هالمرحله

قلت له : جنك دكتور نفسي صج صج قلت كل اللي يصير فيني فهالفتره

قال لي : عادي لا تهتم هي فتره وبتعدي
قلت له : والله انكك قنعتني وايييد
وحسيت عمري طلعت من الجو اللي انا فيييه وجي

قال : اي وقت تباني ما يردك الا لسانك وانا بقولك

قلت له : خخخ جد والله احسك قلت كل اللي يستويي لي
ما شاء الله خبررره ..

...........

المهم وجي !
يعني ماعرف حسيت صدددق انه يعني الواحد
لما يظهر من مرحله لمرحله يتغير اشوي

يحس انه كل الكون متغير بعيونه
واحس انه ياخذ خبره من هالشيء

يعني الحين ولد عمي ما شاء الله عليه قال كل شيء
تقريبا كل اللي يستوييلي !

يعني صددق ماخذ خبره فهالحياه . .

الحمدللـــه مادري ليش لما يلست وياه
حسيت اني ارتحت وايييييييييييد

وضحكت على عمري فنفس الوقت
قلت صح والله يمكن فهالفتره جي يستوييلنا بعد ما يندرى

لانه فجأه جي انحس انه متغيرين
وكل شيء اتغير فينا . .

وجي يعني ينقلبب الكون بعيونننـــآ . .
والمود دووم متعكككر و مكسسس

حبيت اقولكم يعني شو اللي صار ويايه

يمكن تستفيدون
ويمكن بعد في حد شراتي يستوييله
فقلت بفيييدكم خخ __DEFINE_LIKE_SHARE__

Mr.6iob · 02-27-2012, 07:34 PM

استغفر الله العلي العظيييم __DEFINE_LIKE_SHARE__

Mr.6iob · 02-27-2012, 07:35 PM

ملل يااااااااخي ><
منو بيسولف ويايه ؟؟ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قألواأ يخوٍوٍن .. قلت طيب وبعدين..ـآآ	صاحبة السمو	الحوار والنقاش - الرأي والرأي الآخر	2	02-20-2008 09:00 AM