عَل روבـﮯ فدوة عيونـڪ .. يـآ حبيبـﮯو أنت الغآلـﮯ

м!sS Gα|αҳcy · #1 01-11-2009, 05:52 PM

النڪ نيَم :مس جلكسي

العـًِـمر : 16

تاريَخـًِـً الميَلأد: 31-12-1992

مديَنتيَ : راك والعالم وراك لوول

مؤهليَ الدراسَيَ " ثانيَ ثانۈي ،،،

الهۈايَه : التصۈيَـٍـٍـٍر,,ڪتابة الخواطر ^^ ,, ۈالنت,,, التصميم ،،،

أقرب الناسَ ليَ : ربيَعـًِـتيَ ويايه من يوم يهال ،،،

أڪلتيَ المفـِضله : مشاۈيَ - اندومي - بشمل - ورق عنب

مشرۈبيَ المفـِضـٍـٍـٍل : ڪۈڪتيَل- افـِۈ ڪادۈا- عـًِـصيَر برتقال

مطربيَ المفـِضـٍـٍـٍـٍـٍـٍل :عـًِـيَضه المنهاليَ-בּمد العـًِـامريَ-ميَבּد בּمد-

بن روغه - ابوبكر سالم - عبدالكريم عبدالقادر - عبدالحليم حافظ - فيروز و بعد وايد ما احيدهم الحين

أבּلـٍـٍـٍى لۈن :الأבּمر-الاسود

حكمتـي فـ الحيـآه : مـن بـآعـني بـرخـص بتراآب ينباع .

أڪثر الأماڪن الليَ أرتاבּ فـِيَها :البבּر -البر- غرفتي

الأفـِلأم اللى اבּبها :افـِلأم اجنبيه -ڪميَديَا-اڪشن-رعـًِـب

شخصيتي :
1- دلوعـه << ع قوـله ربيعتيه كل حد يحط لي هالصفه لوول
2- حسـآسه
3- عصبـيـه
5-قلبـي مفـتوح للكـل
6- عنييده
7- خبله
8- طيوبه وقلبي ما يشل بخاطره ع حد وبسرعه ارضى

غلطت عـًِـمري : اتعـًِـرفـِت عـًِـليَ وحده وقلت الها سر وما كتمته وسوت لي مشاكل ومن يومها قمت ما اقول لحد اكتم كل شي بقلبي
احسن مكان لي لان الناس صار ما منهم امان اذا قلت عنهم شي جنه الواحد غلط بحقهم ويزاته يسيرون يخبرون اسراره للغير

هايَ معـًِـلۈماتى

واي حد يريد يعرف شي محدد يطرش لي ع الخاص او البروفايل __DEFINE_LIKE_SHARE__

м!sS Gα|αҳcy · 01-12-2009, 11:49 AM

:: طفولتي التي أشتاق

اشتقت واشتقت لهذه الطفوله
واشتقت للبرائه حيث اني لا اعلم شي
اضحك وابكي من اجل لعبه
لكن الآن ماذا نبكي من الحرقه والخوف
والحزن ع فراق الاحبه
فسأبحر بكم بفضاء طفولتي اللتي
عشتهــــــــا واللتي احلم للعوده لها

بصراحه عشت طفولتي شرات اي ياهل يلعب يضحك يصيح ما يعرف عن العالم شي غير اهله

اممم كنت انا اصغر خواتي اعتبر الدلوعه يعني هع

المهم يت ع هالدنيا وما اعرف شي لين تعلمت كل شي
دخلت روضه خاصه فالبدايه وما حبيت ادرس فيها الا ادرس بروضه حكوميه لان ماما تدرس بروضه حكوميه
وادرس بنت عموه فأنا ابا وياهم ليش غير عنهم المهم حطوني بروضه حكوميه من تغيب الوالده غبت وياها
واذا عندها اجتماع او شي ظهرت وياها رابعت وايد ناس فالروضه احيد كنت العب ويا واحد اسمه محمد هع

فيوم من الايام اخواني الكبار يايبين مواسد عشان ينطون فوقها وانا قلت الهم انا سوبر مان ابا اكثر عنكم اذا انتوا
ثلاثه انا ابا اربعه وحطيت ويوم يت انط دبااغ ع ويهي الصريخ والصياح والحشره كلها فالبيت لوول بسببي انا
والوالده نازعتهم وعصبت عليهم بسببي

وفي يوم ثاني يمكن صف ثاني ابتدائي كان الكل يالس ويا الاهل وغيره فقالوا اني لولد عمي لاني دومز وياه هع
المهم بنت عمتي الياهل يلست اتصيح عشان هي تباه وانا كنت ما ادري ليش اتصيح اخر شي قالت هالكلام
حسيت انها هبله بصراحه لووول

كانوا الوالده والوالد وايد طيبين ويانا بس انا اخاف من الوالد لان شوي عصبي هع

الحين قلت كم من موقف

بس الحين بقول عن العيد كيف كان ويايه هع
كنت ايمع بنات عمتي و عيال عمي وبنات عمتي الثانيه وتكون النا شله و انروح بيتنا عقب بيت عمتي و عقب بيت يدو ه
بروحنا انتم نتمشى لان كل البيوت حذال بعض وبصراحه كنا خبال اونه انا بوصلج وعقب انتي وصليني ما ادري ليش كنا جيه هع

المهم وااااااايد مواقف احيدها بس احس بطول عليكم بالهذربه
لان صعب ع الواحد يشرح طفولته البرائه والاحساس وكل اللي عاشه

اتمنى ارجع صغيره بس ادري امنيه وما بتتحقق

اتمنى ان ترجع ايام طفولتي
امسح دمعاتي في وسط اوراقي
وارسم اشتياقي بأحلى دفاتري
افتح قلبي الصغير حامل معه
كل من همي و فرحي
__DEFINE_LIKE_SHARE__

м!sS Gα|αҳcy · 01-12-2009, 12:38 PM

مرحبا ملايين ولا يسدن

بخبركم يومي شو سويت لين الحين الساعه 12.27 الظهر

قمت من وقت ع الساعه خمس الفير شفت يطيح نفاف يلست اراكض شوي برع
قلت خلني افتح مذكرات تقنية المعلومات عليه امتحان اليوم عشان اعرف شو سالفته المهم فتحتها خمس

دقايق وسكرتها لان انسدت نفسي فتحت المنتدى يلست اقرى مدونة غلاي و عقب ميلس النعيمي
طرشت للنعيمي رساله واخر شي رحت اتكشخ عشان بروح السكول حطيت مانكير وخلصت كل شي
ظهرت برع ويا كيمرتي اصور الكم جم من صوره عشان ارويكم الجو الرهيب

هني ع الساعه سبع الا ربع
كملت اصور عشان شوي وبروح السكول

جان اوقف تحت الشير وصورت ها يالصوره لوول

طوووووط بس هاييل سرت امتحن وكان الامتحان حلو بس الفت تعاريف يديده لووول

المهم سرت عند جدولي مال الامتحانات وكانت نهايته التنتيف هع << ع قولة وحده بنتفج وبحطج بكيس هع

اخر شي قلت بسير اشوف مدونتي وبنزل الهم اشيا ويلست افكر شو اكتب وشو احط
وها صورة كمبيوتري

والحين يالسه اكل زنجر سوبريم ويا سفن اب
وعقب بسير ارقد

اي تعليق او ملاحظه اترقبكم في بروفايلي __DEFINE_LIKE_SHARE__

м!sS Gα|αҳcy · 01-12-2009, 08:09 PM

عاد ما شفت رد الاعضاء اكثرهم

بس في ثلاثه بنوتات غاويات ما قصروا شجعوني
وقلت بحط بصمتهم هني

اول شي نبدأ

اختي غلاي انسانه غاليه ع قلبي
ما شا الله عليها حبوبه انا بعدني ما كتبت وهي حاطه لي هالكلام

اشكرها من قلبي
والله يوفقها وين ما كانت
ويحفظها من كل شر

المشرفه المتميزه

توني حطيت بطاقتي الشخصيه شفت الرد من اختي نظره مني تسدك

والله هالانسانه ما ادري احس اني اعرفها لكن انا اتأكدت لانها هب ساكنه فراك هع

تسلمين يالغاليه وما تقصرين

اخر رد وصلني من شوي وصلني من اختي فوشيه

يالله انشا الله تردين بالسلامه
والحمد يوم عيبج شي فالمدونه هع

الله يحفظكن ويوفقكن __DEFINE_LIKE_SHARE__

м!sS Gα|αҳcy · 01-14-2009, 12:28 AM

يوم الاربعا
الساعه 12:30 صباحاً

يومي اليوم كان وايد نايس
قمت ع الساعه خمس الفير ع صوت المطر ظهرت فالحوي اشوف المطر وعقب رديت اكمل رقادي لين الساعه
عشر الصبح عقب قمت اتغسلت وخلصت لبست لي شال لونه احمر عشان الجو برد
وعقب شغلت الكمبيوتر سويت توقيع للعضو كول بوي وعقب سرت اكل لي شي سويت سندويش جبن ويا زيتون
وشربت وياه لبن عقب يت الساعه 1 الظهر تعبت من القعده سرت اريح شوي يت الساعه 2 الظهر وانا راقده ما اسمع
غير صوت نشاز يالس يغني سمعت اخويه يغني والناز كله ينسمع وطير رقادي يلست شوي وعقب شفت مسلسل الحلم الضايع
ع الساعه 3 الظهر لين اذن العصر سرت صليت وعقب اتلبست عشان اطلع وجان انسير عند السد كان فاضي ما فيه شي هع هع
وعقب كملنا الدرب لصوب البحر وجان اصور هناك الكم كم من صوره

كان الجو عند البحر رهيب ونايس نساني الدنيا كلها من وقفت عنده
اول ما وصلت عند البحر شفت هالغرشه هع و عطول طلعت كيمرتي وصورت هع

المشكله كنت لابسه كعب وما اروم امشي ع الحصى هع اخرتها فصخت الكعب عزكم الله ويلست اتمشى والكعب فإيدي هع
وها صورة الكعب عزكم الله

وعقب كملت اتمشى ع الحصى لين وصلت قريب من البحر
حسيت المكان ما فيه حد غيري انا مدامي وقفت عنده لانه الشي الوحيد اللي يسمعنا بدون ما يخبر اسرارنا لحد مثل
ما تعرفون صعب الواحد يثق بحد و خاصه بهالزمن
صورت كم من صوره بس عشان ابا اكون بروحي فالمكان

وقفت شميت هوا يديد لين خلاص بنروح وبنرجع البيت وانا اتمشى شفت غرشت ديو ودبة ماي وجان اصورهم

عقب جان اصور الهلتون من ورا

شفت حاطين برزه وما سلمت مني وبعد سرت صورتها هع

قربت شوي عند السياره وشفت الناس مسوين الرمله طفايه للزقاير هع محد مضيعنهم غيرها الله يهديهم
يضرون نفسم ويضرون الناس اللي وياهم

والحين شوي صورت صورتين للبحر وبخليكم

هالمكان امووووووووت فيه

واللحين شفتوا وصلنا لطريق مسكر يعني طووووط

ظلمت الدنيا واذن المغرب يلسنا نتحوط شوي وعقب رجعنا البيت
بدلت ملابسي ويلست شوي وعقب البيت فضى ما تم فيه غيري انا واخواني اليهال (( ولدين))
تمينا سوالف وحش بالناس لين تعبنا وكلنا سرنا غرفتهم عشان نتمدد ع السراير و نشوف التي في
فرينا من قناه لقناه ويت الساعه عشر حطينا ام بي سي 4 الحلم الضائع والهدوء بكل المكان مندمجين فالمسلسل وناكل فطاير وبيتزا هع

خلص المسلسل هم حطوا قناة نيكلوديا وانا يت اكتب الكم شو صار معايه اليوم
الحين تعبت من الكتابه وسطلت هع

شوي وبسير ارقد

تصبحون ع خير __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لَو ڪِل حَ‘ـظ يـ[ج]ـلب اللـيـﮯ نتمـنآهـ لٍـيـﮯت حَظـيـﮯ جَـآبنـيـﮯ بِنت عَمك...	Дјறàl Диsǎήһ	هواتف , مسجات , وسائط , برامج , ثيمات , نغمات , بلوتوث	21	03-08-2010 08:46 AM
+[..منـﮯ نآظركـﮯ صآرتـﮯ يمينهـﮯ شماليـﮯ.. ]+ <<الجزء الثانيـﮯ	دانة الكويت	عدسة الاعضاء , كاميرا الاعضاء	26	04-13-2009 10:12 PM
جَيتِنـْﮯ عُكسً الْثوانـْﮯ .. جّيتٍنـْﮯ عگسّ الوعٌودّ..قْلتِلـْﮯ انـْﮯ [ انآآنـْﮯ ]	{,.בرايّـر.,»	تصاميم الاعضاء	17	03-02-2009 10:54 PM
00~{اااهـﮯ يا منـﮯ رووحهـﮯ اعتلتـﮯ و اصبحتـﮯ فيـﮯ حسبـﮯ لمواتيـﮯ ~0	» Ѯ η ą d	الشعر المنقول	16	06-23-2008 03:50 PM
● وديـﮯ أعرفـﮯ وشـﮯ الليـﮯ خلانيـﮯ [ آحبكـﮯ ] !	حمامة	هواتف , مسجات , وسائط , برامج , ثيمات , نغمات , بلوتوث	26	04-09-2008 04:59 PM