|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم اليناالحوار والنقاش - الرأي والرأي الآخر مواضيع ساخنة , مواضيع نقاش , مواضيع جريئة , نقاش جاد يمنع المنقول والردود السطحية |
| LinkBack | أدوات الموضوع | انواع عرض الموضوع |
11-02-2010, 06:52 PM | رقم المشاركة : [ 6 ] |
۞ جوهرة يتمناها السلاطين ۞ | وعليكم السلام ورحمة الله وبركاته. عيبتني وايد كلمة زاخة.. في "البنت زاخة ايد الريال" .. !! كلام معبر.. وبشدة.. !!! والله وانا عموتك .. وش بنلوم في الناس " تربيتهم " والا " أخلاقهم " والا " حياهم "..! شفت كثير من هالناس للاسف .. حولي .. وفي كل مكان.! أطالع وأتعجب .. ما برمس في هالقضية .. لاني شفت اللي أكبر عنها .. وربك يسواف هالقضية اتهون جدام غيرها ..! وفي الأخير .. المسألة هي مسألة الثلاثي اللي ذكرتهم قبل..!!! الله ايعين بس.. تسلم على ما أبديت وربي يعطيك ألعافية. __DEFINE_LIKE_SHARE__ |
| |
11-02-2010, 11:15 PM | رقم المشاركة : [ 7 ] | |
عضو جديد | السلام عليكم ورحمة الله وبركاته موضوع رائع واشكرك اخوي سواف على طرحه وفتح المجال للنقاش فيه وابداء الراي في البداية لا اعرف من اين ابدا بس مفهوم التصوير تغير عن السابق صاروا البنات يصورون صور عشوائية بدون وعي منهن انها عورة يعني اللى تحط صورة ريلها شو تتوقع الناس ينظرون لها من اي ناحية اكيد باحتقار لانها الريل احقر جزء في الانسان او بمعنى اصح اكثر جزء ملوث بالاوساخ والبكتيريا يعني هي تنزل مستواها للارض حتى لو كانت تحط صورها جدام اهلها وعمومتها ترى في ناس تخزن الصور وبعدين لو اخترب التلفون او انسرق او ضاع ..الصور موجودة واذا طاحت بيد ريال تاثم هالبنت وتتحاسب ولو كان الموضوع في نظر البعض بسيط بس كل خطوة يخطوها الانسان لازم يعرف ابعادها وعواقبها مهما كانت صغيره وتافهة بنظر الاخرين بعدين اذا الوحدة تحب التصوير ترى في مجالات كثيرة الواحد ممكن يبدع فيها ويصورها مثل الطبيعه البحر الصخور العصافير وايد اشياء ممكن الواحد يتفنن فيها اخواتى العزيزات فلنبتعد عن الصور التي لا داعي لها ولا معنى لها والتي لا تنم عن تربيتنا ولا أخلاقياتنا نحن كمجتمع محافظ مسلم ولنبتعد عن السطحية في التصوير ولنبدع في التقاط الجمال فنحن كمجتمع مسلم محافظ اصيل ويعتز بعاداته وتقاليده وتراثه لا نقبل بتلك التصرفات التي لا تعكس أخلاقنا وتربيتنا بل ربانا الاسلام وأحسن تربيتنا ووصانا الرسول بحسن الاخلاق ففي كل أمر هناك أخلاقية يجب اتباعها حتى في الابداع و موهبة التصوير وشكرا اختك بقايا وهم
__DEFINE_LIKE_SHARE__
| |
| ||
11-03-2010, 10:48 AM | رقم المشاركة : [ 8 ] |
.` صعب تكرآري ..* | السلام عليكم ورحمة الله يسعد صبآحك بكل خير يآ سوآف فالبدآيه ابا اقول ان الموضوع مآله دخل فالتربية لان فوقتنآ هذا حتى لو كآن الوآحد متربي عدل ترآه بيعآيش نآس فمحيطه وبيئه غير عن البيئه اللي تربى فيهآ وبجيه بيتأثر ابهآ لو بالقليل الموضوع يرجع للشخص نفسه تفكيره وعقليته واسلوبه في بنآت مآ يسترجون حتى انهم يصورون بالفون تحسبآ لان يتعرض للسرقه ولا الهكر و تنتشر الصور .. يمكن نصور اليهآل الشباب عآدي امآ البنآت لا .. بس اللي تصور اجزاء من جسمهآ وتعرضها فهذا من وجهة نظري فيهآ نقص فالشخصية تبا ترآوي النآس عمرهآ عسب يتمدحون ابها وتستآنس .. يعني شوفوني انا فيني هالشي حلو وهالشي حلو يمكن فطبيعة البنت تحب هالشي بس بينها وبين البنات .. ويفضل انه مآ يكون مع ربيعآتهآ يعني بس بين اقرب النآس لهآ .. لان مهما صار الواحد مآ يوثق بالغير ثقه عميآ ويمكن هي مآلهآ نية انتشار صورتها بس وحده شافتها وحطتها كصوره لها فاي مكان كان ويت وحده غيرها وبعد سوت نفس الشي وبجيه انتشرت الصوره ! يعني المفروض كل بنت تحآسب على عمرها وتحط التوقعآت بان اي شي ممكن يصير في بنآت يتصورون بحسن نية .. وفي بنآت غرضهن ان الصوره تنتشر ويجوفونهآ النآس والبنآت اللي من النوع الثآني يفضل انهم يدورون عن الكمآل فشخصيآتهم بشي غير المظآهر لانها مب كل شي وثانيآ .. لانهآ عورة وديننآ مآ يسمح لنآ بهالامور .. والله يهدي بنآتنآ وبنآت المسلمين ويحفظهن تقبل مروري يآ سوآف =) __DEFINE_LIKE_SHARE__ |
| |
11-03-2010, 09:54 PM | رقم المشاركة : [ 9 ] | ||||||||||||||||||||||||||||||||||||||||||||||||||||||||||||||||||||||||||||||||||||
"مواطن ملتزم بالقانون" | وعليكم السلام ورحمة الله وبركاته بخير وسهالة .. تسلم على السؤال "سَوّافْ"
كلامك صحيح أخوي .. والمشكلة إن الظاهرة تبدأ بتصميم بسيط .. وبعدها نلاحظ وجود الأصابع وبعدها اليد "ممكن تكون محنايه" واشوي الشعر .. وطرف الويه .. ألين ما توصل إلى أنه البنت تقوم تصور عمرها بالكامل وحتى الاويه يكون واضح .. اللي يستصغر الأمور البسيطة ,..، لا عجب إنه راح يستسهل ويستصغر الأمور الكبيرة ..
هاي عاد قمة السذاجة ... ملت من تصوير عمرها واليد المحناية والشعر المسشور .. والخاتم الحلو لابد من التغيير .. والتغيير لازم يكون قوي وملفت النظر وما أعتقد شيء اقوى من تقمص شخصية الجنس الآخر ..
أخوي "سَوّافْ" تراه سماع الكلام الحلو والغزل والتلميحات تعجب المرأة .. ونشرها للصور لغرض معين يمكن يكون: 1. تشوف رد فعل الناسن وتسمع الكلام الحلو. 2. تسوي دعاية لعمرها ولجمالها. 3. مقصد خبيث.
الإثنين معنا أخوي .. فهي إغراء <<->> دعاية <<->> مقاصد خبيثة لي رأيين .. بس الصح صح والغلط غلط << أسولف فهو جميل عرض الأزياء والصور .. اللي ما يشتري يتفرج ^-^ أسباب الظاهرة: 1. لشعور بالنقص وقلة الثقة بالنفس، تجعل البنت تبحث عن أمور أخرى تقدر عن طريقها الإبلاع عن حضورها المميز 2. خاصة مع وجود الكثيرين في سباق التميز "الشكلي والجمالي"، لذلك وجب علي الفتاة إنها تسارع بعرض الصور الإغرائية 3. رغبة منها في إثبات وجودها، وكسب المزيد من العلاقات 4. أي أسباب أخرى ترجع للبنت الحلول: (مش كثيرة ولكن): 1. عودة الثقة بالنفس للفتاة، والرغبة الحقيقية في التغيير. 2. عدم الرد على تلك الصور بالإيجاب << هذا الحل ضرب من المستحيل 3. التربية الصحيحة والجيدة من الوالدين. بالنسبة للزمن اللي نعيش فيه والتطورات التقنية .. أعتبر إنه اللي صار شيء عادي جدا، وربما أقل الضرر. لكني خلني اكلمك بكل صراحة .. اللي يصير هالأيام من وجهة نظري ما هو إلا "احتقار للنفس"، لأنه بصراحة إحترام الشخص لذاته ما راح يوصله لمرحلة إنه يقوم بنشر صوره الشخصية والخاصة لكل من هد ودب في النت ... عسب يسمع كلمات إطرائية مثل: "فديت هالويه، يا ربي على الشفايف، ...إلخ" عفوا أخوي "سَوّافْ" لكني كرامتي ما تسمح لي<< أقصد البنات مسمووح يا خويه العزيز "سَوّافْ" .. وأشكرك على الموضوع القيم والهادف .. ويعطيك ألف عافية يا ربي وتستاهل التقييم. __DEFINE_LIKE_SHARE__ | ||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||
11-04-2010, 01:13 AM | رقم المشاركة : [ 10 ] |
عضو جديد | موضوع الصور هذي صايرة موضة بين الناس .. تقليد أعمى .. لو حد رمى نفسه بالهاوية الكل بيطيح بالهاوية والسبب : ضعف وازع ديني .. مشاكل نفسية الخ صراحة بالنسبة لي اعتبرها سخافة زايدة عن الحد بنفس الوقت صعب الواحد يحاول يتحكم في الناس ترى اللي زين بيتم زين وحشيم واللي موب زين .. بيتم على هالحال لو صار ما صار ندعو الله ان يغفر لنا ولا نموتن الا ونحن مسلمون ان شاء الله __DEFINE_LIKE_SHARE__ |
| |
مواقع النشر (المفضلة) |
أدوات الموضوع | |
انواع عرض الموضوع | |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
تعالو شوفو التحشيش | محروم.كوم | منتدى أخبار المواقع والمنتديات العربية والأجنبية | 0 | 05-06-2010 11:10 AM |
الفزعه تعالو شوفو | محروم.كوم | منتدى أخبار المواقع والمنتديات العربية والأجنبية | 0 | 03-17-2010 09:50 PM |
تعالو بسرعه شوفو شو يب لكم | شخصيه راقيه | الأناقة والجمال والموضه والطفل | 13 | 08-04-2009 09:36 PM |
تعالو شوفو صور الممثلين | قمر الخليج | صور فنانين و فنانات | 16 | 12-15-2008 05:19 AM |
تعالو شوفو هالسمكه | حمدان الدرعي | عجائب و غرائب | 44 | 03-29-2008 12:26 PM |