|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم اليناالحوار والنقاش - الرأي والرأي الآخر مواضيع ساخنة , مواضيع نقاش , مواضيع جريئة , نقاش جاد يمنع المنقول والردود السطحية |
| LinkBack | أدوات الموضوع | انواع عرض الموضوع |
10-27-2010, 12:15 AM | رقم المشاركة : [ 6 ] | ||||||||||||||||||||||||||||||||||||||||||||||||||||||||||||||||||||||||||||||||||||
"مواطن ملتزم بالقانون" | أمــــــي يا أول حب عشته بددنياي **** يــــا أول اســـــم تنطق شفاي طاريه إنتي هواء روحي وبعروقي الماي **** عمري بدونك عمر ما عشت أنا فيه الأم مدرسة إذا أعددتها .. أعددت شعبا طيب الأعراقٍ صدقت يا الشاعر ... إذا كان الأساس صحيحا فلا خوف على البنيان من الانهيار الأم شيء كبير وخاص بالنسبة لي شخصيا .. ولأن الأمر اشوي حساس بتكلم عن نفسي شخصيا .. كل النجاحات اللي أنا قاعد أمر بها والتوفيقات من بعد رب العالمين .. وأمي اللي تدعيلي بالتوفيق والهداية .. أمي من أول لحظة وعيت فيها على الدنيا .. فرحت بي وشالت الدنيا وما قعدتها من زود الفرح ومع توالي الأيام ما قصرت فيني أبدا .. واسهرت الليالي والأيام عسب إنها تدور راحتي ... ولما كبرت اشوي اهتم فيني وما خلت لا بشكارة ولا غيرها تسويلي أي شيء .. يا دوب جان بتأكلني البشكارة .. بس مب دايما في الأوقات اللي تكون فيها الوالدة مشغولة بشيء كبير ومهم .. وحتى لما كبرت وصرت ريال .. ما ترقد الليل حتى أكون موجود في البيت وتطمن علي .. تتصل بي إذا تأخرت وتحاتيني ... هذي أمي اللي أنا أفاخر فيها بين الناس كلهم ... عسى الله ما يحرمني منها يا رب العالمين اللهم آمين يا رب العالمين =================== طبعا شتااااان بين أمي .. وبين نساء "بنات" اليوم ... أمي كانت تولي اهتمامها الكبير لأبوي وإخواني ولي .. الأم الحالية تولي اهتمامها للسوق والموضة والكوافير والطلعات والسهرات وإذا في وحدة زينة تراها بعد كل اللي ذكرته راح تهتم بريلها .. ونادرا ما تحصل وحدة في هالزمن ربة بيت سنعة لذلك أصبح وجود البشكارة شر لابد منه .. وشيء أساسي وإجباري وربما يكون مستقبلا أحد شروط عقد الزواج
لأن هناك اهتمامات اخوى طغت على السطح ومنها المرأة أصبحت تعمل مثل الرجل .. ربما كانت تكمل دراساتها العليا !! مشغولة بأمور أخرى والتزامات أخرى ... ويمكن تكون ما تعرف أصلا اشقايل تتعامل مع الولد .. حدها تسوي مرضعة حليب "طبعا ليس كل البنات" ////// "لكل قاعدة شواذ" وفي بعض الأمهات حاليا ياخذون البشكارة كـ مظهر عام .. أنا عندي بشكارة .. ولا تنسى إنه في بعض البيوت تكون كبيرة ومحتاجة بشكارة تهتم بالطفل الرضيع في حال إنه الام قاعدة مع اعيالها الباقين وادرسهم اممممممممممم ... مش كل الأسباب مقنعة ,.. لكن في بعضها مقنة وبدرجة كبيرة .. مثل البيت الكبير يحتاج إلى خادمة أو اثنتين .. الأم اللي عندها أكثر من طفلين أكيد بحاجة إلى خدامة تساعدها في الغمساك بالأطفال عندما تنشغل الأم مع أحد الاطفال .. وأنا قلت تساعدها في الإمساك بالأطفال ومش تساعدها في تربية الأطفال هناك فرق
تتغير الأزمان .. وتتغير المسؤوليات الموكلة للمرأة في السابق عن المرأة في أيامنا الحالية .. وما نستطيع إننا انقول إنه المرأة في السابق كانت عليها مسؤوليات أكثر عن المرأة في أيامنا الحالية .. يعني الوقت تغير .. والأمور تغيرت يا خوي العزيز "النورس"
المرأة في السابق .. عندها بيتها وريلها وعيالها وجيرانها .. وتنقلاتها كانت سريعة وقريبة .. وكانت هناك الأسرة الممتدة .. المرأة الآن ... عندها بيتها وريلها وعيالها ودراستها وشغلها وعلاقاتها الاجتماعية (وربما أعمال إضافية) أصبح الدوام بعيدا عن البيت .. والجامعة بعيدة عن البيت (راح اليوم وهي تنتقل بالسيارة) والأسرة أصبحت نووية .. وصار لازم تروح واتزور أمها .. ولازم تروح الصالون وتتزين حق ريلها ولا تنسى .. إنها عندها صديقات لازم تزورهم .. لأنه الحياة أصبحت في غرفة واحدة بفضل الانترنت والتلفون .. هاي المفارقات لازم نحطها بعين الاعتبار قبل لا نضع أي مقارنة بين المرأة في السابق والمرأة في يومنا الحالي ..
هذا السؤال .. بيكون أفضل لو تجاوبنا عليه الخوات ... وما بيقصرن إن شاء الله .. يا الشامسي لا اتحير مشكور أخوي العزيز *النورس* على هالموضوع الجميل ويعطيك ألف عافية يا ربي وتستاهل التقييم .. وأتمنى لك التوفيق في المسابقة | ||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||
10-27-2010, 08:52 PM | رقم المشاركة : [ 7 ] | |
.` صعب تكرآري ..* | السلام عليكم ورحمة الله الصرآحه كل مآ اشوف موضوع يتكلم عن الخدآمه اتييني غصه >< وربي مب عآرفه شو يآهن الحريم !! انآ معآك فكل كلمه قلتهآ .. حريم مآ يخصهن فكلمة ربة البيت حتى ولو كآن هالشي مذكور فاي ورقه ثبوتيه عندهآ ربة البيت مش معنآته الحرمه اللي يآلسه فالبيت ومآ تشتغل ربة البيت هي الحرمه اللي تربي عيآلهآ وتقوم بوآجبآت بيتهآ وريلهآ ومآ تخلي عليهم قآصر وفعلا الحريم قبل كآنن يتعبن اكثر من الحين انآ من وجهه نظري ان الدوآم ابدآ مش عذر لتقصير الحرمه فحقوق بيتهآ وريلهآ وعيآلهآآ يمكن الغدآ مآ بتقدر تسويه عوضي فالعشآ .. فالريوق .. فتربية عيآلج يمكن الزوج بتغآضى عن الغدا لانج رآدة من دوآمج .. بس الريوق والغدا والعشا وتربية العيآل ! الخدآمه يمكن تسآعد بتنظيف البيت وشغله .. بس المفروض مآ يكون لهآ اي تدخل فالتربية والاهتمآم بالعيآل او الزوج .. لان هي يآيه بمسمى خآدمه مش بمسمى زوجه بديله ! انآ ضد استقدآم الخآدمآت لهالغرض وهو تربية العيآل والله شي نآس لكل وآحد من عيآلهم خدآمه !! ههههه وين يبون وين عآيشين نحن يعني الام والابو اييبون والخدم حليلهم يربون ! عيل المفروض يغيرون مسمى الخآدمه لـ ربة البيت .. لانهآ احق بهالمسمى من فلانه اللي تتسوق وتدآوم وتطلع مع ربيعآتهآ ومآلهآ بآرض لعيآلهآآ !! واصلا في كثير من الريآييل الوضع عآدي عندهم ومب مهتمين وفي منهم عيزوآ من كثر مآ يحآولون بس مآشي فآيده ! فالنهآيه حبيت اقول ان فئه كبيييييره من الحريم عآيشآت بهالطريقه وفي فئه عآيشه بطريقة تستآهل عليهآ انهآ تكون ربة بيت وبمرتبة الشرف بعد ,. وان شالله نكون من الفئه الثآنيه احم يعطيك العآفيه يآ خآلد ع طرحك للموضوع الحسآس وتقبل رآيي المتوآضع ورمستي الزآيده :d __DEFINE_LIKE_SHARE__ | |
| ||
10-31-2010, 11:40 AM | رقم المشاركة : [ 8 ] | |
● " سٌـۈد المِدآمـِع زهّـتْ لـوّ مـًآ تِكحّلهَـآ " ● | " السلام عليكم ورحمه الله وبركآته صبآح الخير..اسفه جدآ ع التآخير بس العيآزه ومآ تسوي موضوعك جميل ويخلي الوآحد غصصبن عنه يتفلسف خخ نرد لمحور حديثنآ والله يالنورس انك صآدق.. يعني حريم قبل امهآتنآ هب مخليآت شي ..كل شي يسوونه ولا يقولن تعبنآ..الله يحفظهن لنآ.. والله امي تقولي انهآ عند اهلهآ كآنت مدلعه دلع..بس من عرست.خلاص غدى الوآلد من اولويآتهآ..وعيآلهآ وبيتهآ..حتى كآنت تدرس..وطبت ابو الدرآسه هههه ..كل شي وله وقته..الله يحفظهم ويخليهم لي.. البنت مهمآ كآنت في بيت اهلهآ مآ تسوي شي..لازم تعرف ان يوم بتعرس عليهآ وآجبآت بتقوم بهآ حريم هالوقت لا رفعت قلاس ظهرهآ عورهآ ههههه بخبرك شي..؟ البنيه اللي تعرس..تتحرى العرس كله كلام حلو وحب..وطلعآت وروحآت وويآت..؟ مآ تدري ان هالشي اللي هي فيه مسؤووليه تتحملهآ هي بروحهآ؟؟ على طآري الشغاله والله توني من البارحه متضآربه ويآهآ...هالنآس مآ يتآمن لهم على بيت واسره وعيال,.!! والحرمه اللي تعتمد عليهآ للاسف مآ تصلح تكون ام../؟ والله اعرف وحده عيآلهآ مآ تروم عليهم..كله ع الشغاله..هي تسبحهن وتآكلهم وتيلس عند وآجبآتهم الصرآحه مآ اتخيل عمري عيآلي مآ اعرف عنهم شي...هالاشيآء انآ اللي ملزومه اسويهن هب الشغاله.. والشغاله لا سمعت كلامج اليوم..، خلاف ولا درت عنج..عآدي بتسوي بعيآلج شي بسم الله بقولك قصه وحده هي شوي اللي سوته مآ كآنت صآحيه به >< حرمه..عندهآ ريل وعيال وبيت ومآفي احلى منهم...بس طبعن هي مآ تسوي شي ف البيت..كله ع الشغاله..يوم سآفرت الشغاله يتهآ حآله مآ رآمت على شغل البيت..والعيآل..وجيه..جآن ترد تقول لريلهآ // الشغاله ردهآ نبآهآ..؟ جآن بو الشباب كلمهآ قآلت له اوووكي...بشرررط مآ اكون شغاله...؟ ابغيك تعرس عليآ ههههه خبر حرمته قآلت له هب مشكله المهم تييئ.>> يااااااااااااااااا بروودهآ تررفع الضغط المهم يت الله يسلمكم....وجآن الحررررمه رآعيه البيت..ادق عليهآ البآب من غبشششه..تقولهآ هييي انتي..قومي نظفي وسوي ريوق...؟ قآلت لهآ اسمعي انتي...انتي في مآمآ مشآن بيت..حتى انآ سيم سيم انتي؟. كل شي انتي يووووم تسوينه وانآ يووم ههههههههههههههه بعد شو سوت الحرمه..انطمت هع بعد الحين يبغن بيت بروحهن..؟ اوكي من حقهن هالشي..بس اذا انتي في بيت عمآمج مآ سويتي شي ولا تعرفين حتى شقآيل يهتمون بريل ويآهل..فهالمره ..تبغين بيت بروحج...؟ هل انتي كفووو يعني يكون عندج بيت..يوم اييئ ريلج يبآ شي يآكله..الياهل يبآ اهتمآم..البيت حتى يبآله شغل >< ولا بتييبين لج شغاله وبتحطين كل شي عليهآ..؟ وبعد ترى الريال يتحمل جزء من هالشي..لأنه للاسف اغلبيتهم مآلهم كلمه على حريمهم؟؟ بدل مآ هي تقوله ان شاءالله ../ الحين هو يقولهآ ان شاءالله وحآضر لو قآلت تبغي شغاله وتوهآ معرسه بيبلهآ..؟ مآشي شخصيه ../ انآ مآ انكر ان الشغاله لهآ فآآآآآآآآآآآآآآآآيده كبيره ووآآيد بعد..خصوصآ لو كآن البيت كبير وفيه وآيدين...بس الشغاله عليهآ بس التنظيف.والغسيل والكوي لا غير..؟ والحكي في هالموضوع يطول ويطول...؟ ان شاء الله ف المستقبل مآ نكون مثل حريم هالوقت.. ونكون شرآت امهآتنآ..؟ وشكرآ يآخويه ع الطررررح الطيب موضوعك جميل..وكآن ودي اطول وآيد بس قلت عن اتفلسف خخ يعطيك الف عافيه..بالتوفيق ان شاءالله عسآك ع القوه..~ __DEFINE_LIKE_SHARE__ | |
التعديل الأخير تم بواسطة *نظره مني تسدك* ; 10-31-2010 الساعة 11:43 AM | ||
10-31-2010, 09:39 PM | رقم المشاركة : [ 9 ] | |
๑ . . EL QARMOOSH . . ๑ | السلام عليكم وورحمه الله وربركاته حيالله بالنورس ومواضيعه الغاوية أبدعت في طرحك والقضيه مهمة جدا واللي زادت بشكل كبير فمجتمعنا وأكيد في ناس مع وفي ناس ضد الإعتماد عالبشكارة وطبعا أنا لو فكرت أحتاج الشغالة بشيئين بس بالتنظيف والغسيل فقط بس ان شاء الله ما بفكر أكيد انت مستغرب ليش الكل قام يعتمد عالشغالة أنا بتكلم عن تجربتي بالحياه وعقب بقولك ليش الحمدالله نحن ما عندنا شغالة لا تستغربون تعودت أسوي كل شغلي بروحي أغسل ملابسي بروحي أغسل صحوني بروحي عادي مب عيب ولا أستحي من هالشي درست في الجامعة كنت أكوي ملابسي بروحي حتى أذكر مرة وحدة سألتني منو يغسلج ملابسج قلتلها أنا قالتلي انتي كيف جي طبعا مستغربة وأعذرها وقالت نحن تعودنا شغالة تسويلنا كل شي يعني بالصريح اللي تعود عشي من صغره بيتم عليه لين ما يكبر للعلم يبنا مرة شغالة قلنا بنجرب بس بصراحه ما نفع هالشي ويانا أنا عن نفسي أستحي أأمر عالشغالة صح في بيوت كبيرة تحتاج لشغالة بس المفروض الشغالة ايبونها عشان التنظيف والغسيل لكن في رياييل ما يحبون إلا الحرمة تسويلهم كل شي عالأقل تلبي طلبات ريلها وعيالها ما بتخسر شي وإذا كانت اداوم أنا أفضل إن المتزوجة ما اداوم دامها مب محتاية للدوام البيت أولى فيها إلا فئة معينه تقدر تعدل بين البيت والدوام وما تقصر وطبعا هالشي نادر يعني اليلسة فبيت ريلج وعند عيالج أبرك وشي أبا أوصله إلكم ونصيحة للمتزوجين عشان ما يتعبون أقصد الناس اللي فيها ضمير يعني وتخاف عمصلحة عيالها ازرعوا المسؤولية في عيالكم من الصغر عشان انتوا ترتاحون في الأخير يعني لا تخلون الأطفال يعتمدون عالبشكارة فكل شي مثال تلقين طفل يعق الوصخ في الأرض ولما تقوله شيل الوصخ وعقه في الزبالة بيرد عليج الشغالة بتشله يعني تربيتكم راحت عالفاضي وعيالكم بيظهرون وصخين جدام الناس يعني في البداية نزرع فيهم روح المسؤولية عشان يعتمدون عنفسهم بعد كل هذا أتمنى من خواتي إنهم ما يعتمدون عالشغالات بشكل كبير عالأقل ما تقصرين في العيال والزوج وتعطيهم شوية اهتمام لأن محد بيخسر في الأخيرغيرها وأخيرا ألف شكر لك يا النورس عالموضوع القيم والمفيد وتستاهل التقييم عليه لا عدمنا مواضيعك المميزة __DEFINE_LIKE_SHARE__ | |
| ||
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
ايطـــاليا في الماضي والحاضر ~ > ! | ريـــف.. | الأناقة والجمال والموضه والطفل | 18 | 06-19-2010 10:55 PM |
من الماضي والحاضر | محروم.كوم | منتدى أخبار المواقع والمنتديات العربية والأجنبية | 0 | 05-04-2010 11:30 PM |
من الماضي والحاضر | محروم.كوم | منتدى أخبار المواقع والمنتديات العربية والأجنبية | 0 | 05-04-2010 11:10 PM |
صور سيارات بين الماضي والحاضر ... | ولد_زعبيل_VTC | سيارات و دراجات | 10 | 04-27-2009 04:02 PM |
كتاب مقتطفات من الماضي والحاضر | منصوري18 | اخبار محلية و عالمية | 13 | 09-28-2008 11:49 AM |