إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...

انضم الينا
استراحات زايد الصفحة الرئيسية

         :: أفضل شركة عزل خزانات بالرياض العالمي 0558150070 (آخر رد :يوما يومة)       :: أفضل شركة خدمات منزلية بالرياض 0501533591 (آخر رد :يوما يومة)       :: اجمل الفساتين للبدينات 2019,احدث موديلات فساتين للبدينات 2019,احلى فساتين للسمينات 2019 (آخر رد :بوابة الصين العربية)       :: تسويق الكترونى واعلانات مموله (آخر رد :elzwawy)       :: مطلوب شريك (آخر رد :نبراسيات)       :: فرصة استثمارية 50 فرع في السعودية (آخر رد :سعادتي)       :: مطلوب شريك في مشروع (آخر رد :المسوقون العرب)       :: مطلوب تمويل تجاري .. (آخر رد :نبراسيات)       :: مطلوب تمويل 6 مليون مدة شهرين‎%‎ (آخر رد :المسوقون العرب)       :: افضل الحسابات للاستثمار مع بنك المركزي centralbanksa (آخر رد :Fayez Khalaf)      

الحوار والنقاش - الرأي والرأي الآخر مواضيع ساخنة , مواضيع نقاش , مواضيع جريئة , نقاش جاد   يمنع المنقول والردود السطحية

موضوع مغلق
 
LinkBack أدوات الموضوع انواع عرض الموضوع
  #1  
قديم 10-23-2010, 11:45 PM
الصورة الرمزية الأمـ الوطني ـن
"مواطن ملتزم بالقانون"
بيانات الأمـ الوطني ـن
 رقم العضوية : 124378
 تاريخ التسجيل : Aug 2010
 العمر : 32
الجنس : male
علم الدوله :
 مكان الإقامة : الإمارات العربية المتحدة
 المشاركات : 1,236
عدد الـنقاط :13409
 تقييم المستوى : 100








صباح الخير لأحلــى أعضاء في استراحات زايد
مساء النور لأحلــى أعضاء في منتديات محروم

بداية ...
أتمنى التوفيق للأعضاء المشاركين في مسابقة "أفضل محاور"
لا يهم من الفائز ... بل الأهم مدى الاستفادة من المواضيع المطروحة في الاستراحة ..

=======================

إن ما يميز الإنسان عن غيره من البشر هو عقله وصفاته ... فالعقل يفكر ويوجه ويختار ... وصفات الإنسان تترجم في سلوكه مع الآخرين

وعندما يفقد الإنسان سمة الحياء والخجل .. فإنه يصبح غير مكترث بما يحدث من حوله
يصبح إنسانا بلا هوية .. ضائع كـ ضياع السفن في ظلمات البحر ..
يلهث خلف الملذات متناسيا أمرا مهما وهي (الكرامة) .. فـ كرامة الإنسان هي أغلى ما يملك، ومن ليس لديه عزة نفس أو ذرة كرامة .. فليس منه فائدة مرجوة.

اختلاف الأزمان والانفتاح الكبير الذي نشهده هذه الأيام، يجعلنا نستهين بفعل بعض الأمور التي كنا نعتبرها من المحرمات في السابق ..
لا مانع من النزوح قليلا عن مبادئنا بشرط أن لا نفقد معها هويتنا كأشخاص متزنين .. يحكمنا سلوكنا القويم ..


لا يخفى عليكم ما يقوم به الرجال والنساء من أفعال مشينة مخيبة للآمال، تعكس الصورة السلبية للمواطن الإماراتي ...
فأصبح الرجال لا يستحون من النساء ...
وأصبحت النساء يركضن خلف الرجال ويتربصن بهم حتى وإن كان متزوجا ...

تمشي في المول وتلاقي بعض الحريم لابسات عباة "الفراشة"
والشيلة شفافة وطايحة على الكتف ... وشعرها ما أدري كيف مخلتنه واقف !!

((رؤوسهن كأسنمة البخت)) أو كما قال صلى الله وعليه وسلم ..

وتمشي في المول "فل ميك أب" والبلاك بيري في يد والشنطة الماركة في يد أخرى ...
ولا تنسون النظارة الشمسية على الراس موجودة ..

ولو يا واحد ورقمها، وماكان حلو أو "ما دخل مزاجها" فتعصب وبتقول انته ما عندك خوات؟ ما تستحي؟ فقدتك ××× << سبته

السمووحة: ((هو عنده خوات بس هب شراتج .. خواته محتشمات ويعرفن السنع، بعيد عنج!!))

===========

أو بتلاقون شاب .. توه طالع من الحلاق وصابغ اللحية والشنب ونافخ الصدر، ولابس النظارة الشمسية في المول "أظن بسبب الشمس القوية"
وحاط السماعة في إذنه ويااارنها على إذنه الثانية ويرمس ...
وكل ما مر على وحدة حلوة ... رقمها أو على الأقل غازلها بكلمتين حلوات ..

===========

مشكلة هالناس إنهم ما يحشمون أحد أبدا، يعني عادي يرقم وحدة وحذاله عائلة وناس مجتمعة ... ما يحشم حد أبدا !!

وبالبنت بدال ما تسكت عن اللي رقمها ... تلاقيها تصارخ وتلم الناس عليه .. ليش الفضيحة؟؟ إلبسي شرات الخلق وظبي نفسج عن القيل والقال ...

حتى في بعض الدوامات المختلطة .. أصبحت البنت تتكلم مع الرجل بمنتهى الحرية وكأنها تعرفه منذ زمن .. حيث لا حدود للسوالف ..
طبعا يمكن هي حاطة في بالها وتعتبره أخوها .. بس هذا الأمر خطأ ... لأنه هناك خطوط حمراء لو هي تجاوزتها راح تندم عليها ..

فالمرأة مثل الرقعة البيضة ... بسرعة تتوسخ !!


كله صوووب ... والحرمة الطيبة الحبوبة اللي تتغشى من المواطنين صووووب ثاني ......!!

حد قال لج إنه ما عنده جواز الإمارات يصير أخوج مثلا ؟؟!!


=============================

خلاصة الكلام ... مهما تحدثنا وقلنا تظل هاي الأمور موجودة ولا يمكن إنك توقفها أبدا، لأنها قناعات شخصية في الأفراد هو مسؤولين عنها بداية ونهاية ...


اللي راح اناقشكم فيه هو التالي:

لماذا أصبحت البنت أكثر جرأة في الحديث مع الشباب؟

ليش هالتبرج المبالغ فيه .. وهالملابس الضيقة؟ وإذا ياها واحد يرقمها احتشرت ولمت الناس عليه؟

أين أولياء الأمور من ما يفعله أبناؤهم في المولات؟ وكيف يسمح الأب لابنته أن تخرج معه وهي "عاقة الشيلة على الكتف" ؟

أين غيرة الرجال على النساء (الحريم)؟ كثيرا ما أشاهد الأزواج وأجد الزوجة "مترصصة، متبرجة، والقصة برع" ؟؟!!

والسؤال الأهم: أين كرامة الإنسان واحترامه لذاته ؟؟




إضافة بسيطة:

حتى أكون أكثر واقعية ... وما أكون متنمق في حديثي ... يمكن أنا أعجب بالبنت اللي تلبس وتتعدل وتكشخ ..
وعلى فكرة أنا "أحب استايل بنات الكويت" << بنطلون وقميص طويل
ويمكن بعض الشباب يوافقوني الرأي ...


بس بكل صدق وأمانة ...
أحب بنات بلادي وأبا لهن الخير .. وأخاف وأغار عليهن من اللي قاعدات يسونه !!




فـديـت الإمـاراتـ وأهـلـها


ما أدري إذا قدرت إني أول الفكرة لكم ...
بس بصراحة ...
كتبت ومسحت وايد في الموضوع وغيرته أكثر من مرة ألين ما استقريت على هالموضوع ..
اللي اتمنى إنه ينال إعجابكم ...


__DEFINE_LIKE_SHARE__

التعديل الأخير تم بواسطة أنفآسِك أنـا ; 11-08-2010 الساعة 06:54 PM.
قديم 10-23-2010, 11:55 PM   رقم المشاركة : [ 2 ]
๑ . . EL QARMOOSH . . ๑

الصورة الرمزية ● ◦ ٱڷٳﻣﭔﺮآطۈﺭۀ ◦●

بيانات ● ◦ ٱڷٳﻣﭔﺮآطۈﺭۀ ◦●
تـاريخ التسجيـل : Mar 2009
رقــم العضويـــة : 67819
الـــــدولـــــــــــة :
المشاركـــــــات : 2,873 [+]
عدد الـــنقــــــاط : 80806

بيانات إضافية
 بينات الاتصال بالعضو
 اخر مواضيع العضو

 
رسالة SmS
لا حول ولا قوة إلا بالله العلي العظيم

 
رسالة MMS

افتراضي

وعليكم السلام ورحمه الله وبركاته

صباح النور والسرور
يا هلا والله بالأمن منور


آمين ان شاء الله ويوفجك وياهم
وحضوركم متميز والكل يشهد




بصراحه موضوعك مهم جدا ومميز وأعجني طريقة طرحك للموضوع وهالشي مب غريب عليك


مثل ما تفضلت وقلت في البداية إن الناس عقليات وكل واحد وتفكيره وحتى لو نصحته يمكن ما ياخذ بنصيحتك لأنه تربى على هالشي ومستحيل يغير تفكيره إلا فئه معينه ممكن تاخذ براي الآخرين وتغير من نفسها


بالنسبه للبنات

الكثير من البنات قامن يفصخن الحيا في الدوام أنا أفضل إنهم يتعاملون بحدود الشغل فقط ماله داعي للسوالف والضحك مع الجنس الآخر
واللي تسير الأماكن العامة وتتبرج واللي ترد عالشباب لو رقموها مع إنه بصراحه الشباب ما يتجرأون إلا إذا حسوا البنت تبا هالشي وإلا حق شو كاشخه هالكثر وسايره السوق مجرد راي
والي تتغشى عن الشباب وما تتغشى عن الهنود ترا مثل ما قلت كله واحد لكن فرايي في بنات ما يتغشن مول ومتحجبات ولبسهم محترم هالشي مب حرام دامها ما محطيه شي عويها وأنا أحترم هالنوعيه من البنات



وبالنسبه للشباب


بصراحه صرت أحس الترقيم صار عندهم مثل الهوايه وقت الملل


وبالنسبة لأسألتك بكون محلله نفسيه وبقول رايي يمكن صح أو غلط



لماذا أصبحت البنت أكثر جرأة في الحديث مع الشباب؟


يمكن لأن البنت تعاني من نقص عاطفي وتبي تعوض هالشي بالحديث مع الشباب




ليش هالتبرج المبالغ فيه .. وهالملابس الضيقة؟ وإذا ياها واحد يرقمها احتشرت ولمت الناس عليه؟



أنا أسمي هالشي نقص في العقل والدليل كل ما حد لبس شي سار الكل وراه وقلد لبسه والبنات جي أي شي ينلبس يقلدونه حتى لو كان اللبس يضحك لو ناقشتهم بيقولون لك هاي الموضه انتي شدراج



أين أولياء الأمور من ما يفعله أبناؤهم في المولات؟ وكيف يسمح الأب لابنته أن تخرج معه وهي "عاقة الشيلة على الكتف" ؟


صح في أولياء أمور عادي عندهم هالشي أما نحن فيها قص رقاب
المشكله لو نصحناهم بيقولون أهلنا راضين انتوا شدخلكم ولكن في أولياء أمور ما يعرفون شي عن عيالهم ومن جي العيال يضيعون من اهمال الأهل



أين غيرة الرجال على النساء (الحريم)؟ كثيرا ما أشاهد الأزواج وأجد الزوجة "مترصصة، متبرجة، والقصة برع" ؟؟!!


خل يحبها بالأول عشان يحس بالغيره في أزواج مجرد تماثيل بدون مشاعر


والسؤال الأهم: أين كرامة الإنسان واحترامه لذاته ؟؟

نفس هالنوعيه ما عندهم كرامة
واللي يخاف عنفسه بيصون كرامته



بالنسبة لإضافتك كل ريال يحب البنت تكشخله

والبنت تروم تكشخ لريلها فبيتها بدون لتظهر كشختها جدام الناس



وأخيراااا أشكرك عالموضوع الروووعه أنت متميز دائما بمواضيعك
ولا تحرمنا من مواضيعك الهادفة والمفيدة

وأكيد لك تقييمي

لا عدمناك
__DEFINE_LIKE_SHARE__

من مواضيعي
0 خلفيات بلاك بيري 2011
0 التقرير الشهري لإستراحة التراحيب والتهاني فبراير 2011
0 ☺أبــــيهـٌﮱ أقــــرب من أنفـــٌآســـي☺
0 !! ضمني بالحضن عن برد ( الشتاء) !!
0 التقرير الشهري لإستراحةالتراحيب والتهاني لشهر (يناير 2011)


 



التعديل الأخير تم بواسطة ● ◦ ٱڷٳﻣﭔﺮآطۈﺭۀ ◦● ; 10-24-2010 الساعة 01:56 AM
 
قديم 10-24-2010, 04:11 AM   رقم المشاركة : [ 3 ]
عضو ماسي

بيانات Aljohara
تـاريخ التسجيـل : Jun 2009
رقــم العضويـــة : 78440
الـــــدولـــــــــــة :
المشاركـــــــات : 5,275 [+]
عدد الـــنقــــــاط : 147210

بيانات إضافية
 بينات الاتصال بالعضو
 اخر مواضيع العضو

 
افتراضي


وعليكم السلآم وآلرحمه ،
صبآحك مسك ..

أعجبني تدرجك بطرح الموضوع ،
بداية بتصنيف العقل .. وربطه بالحياء الذي ما إن يتبخّر حتى تتبخر معه الكرامه !
الزمان مازال ثابت ، تشرق الشمس من المشرق وتغرب من المغرب ، يتعاقب الليل والنهار ، تتعاقب معهم الفصول الأربعه وغيرها ..
الإختلاف بأطباع البشر ، فما كان بالأمس ممنوع .. أصبح مسموح بتصرف ، ووصل عند البعض حد السماح المطلق ..
للأسف اللي نشوفه من شبابنا بوقتنا هذا يثير الإشمئزاز !
سواء ذكورنا بلبسهم المخزي ، وتخليهم عن صفة الرجوله ،
لإناثنا .. اللي ماعاد نفرق بينهم وبين الشباب /

نجي لمحتوى الموضوع /
بصدق وأنا بنت أقولها ( ما ألوم الشباب لو تحرشوا ببعض البنات ) !
أشياء إحنا البنات نشوفها بالمولات ننصدم منها ،
وبعض البنات يلفتون نظرنا إحنا سواء بشكلها أو لبسها أو مكياجها !
وماتبي شاب يتحرش فيها !
بقولك موقف ، الصبح وحده وجهها يبين آنها تو صاحيه من النوم ، ماكلفت نفسها تبدل ملابسها ، وقفت سيارتها قدام المول ، ونزلت والعبايه مفتوحه والشيله ع الكتف ، وتكمل مشيتها داخله تفطر هناك ولآ كأنها مسويه شي !!
وماتبي أحد يتحرش فيها !
بالعكس صيده سهله بيدينهم ! يتسلى فيها وقت ، ويروح يرميها ماعنده مشكله ، دام الرجل بمجتمعنا مايعيبه شي لو يعرف 1000 بنت !
هذي البنت نموذج من بعضهم ! غير اللي مسويه فل ميك أب والعبايه من كثر مو ضاغطه ع كمية الدهون اللي فيها شوي وتتقطع !
شي طبيعي تكون مسويه كل هذا عشان تسمع لها كلمه من كم واحد تحسسها إنها وآو تجنن ! بهالكلمه تعالج النقص اللي فيها !
هذا غير اللي تجيك وقحه ( وآسفه ع هالكلمه ) بس ماحصلت تعبير يليق فيهم أرقى من هالكلمه !
هي اللي تتحرش فيهم وشفت هالشي بعيوني !
تخيل الموقف واقفه مع 3 من شباب العايله قدام واحد من المحلات ننتظر باقي الأهل يخلصون !
قربوا مني ويهمسون لي شوفي البنات الحين بيجون وش بيسوون فينا ، آنصدمت لما جت بنتين ماسكين بعض ولما وصلوا لنا افترقوا وداروا حوالينا !!
وانصدمت أكثر لما ردوا مره ثانيه بس هالمره وحده منهم ضربت كتفها بكتف أخوي مع ضحكات سخيفه !!
يعني حتى ما احترمت وقفتي بينهم !
وبمجرد ما دخلت واحد من المحلات حصلت رجال الهيئه جزاهم الله خير واقفين مع عيالنا يقولون لهم إنتوا تتحرشون بالبنات !
لما شفت الوضع أسرعت لعندهم وقلتلهم إنهم جايين معانا مو عشان مغازله وبلاوي !

دوم نسمع إنو الشباب هم الذئاب ومادري ايش !
بالعكس بعض البنات صاروا الحين ثعالب ، الوحده تتحرش بالشخص ولما مايعطيها وجه تقلب عليه !!
أبوها لآهي بدنياه والأم لآهيه بصديقاتها وطلعات وروحات ، والأخو من بنت لبنت ديوث مايغار ، والبنت لاحسيب ولآ رقيب ،
+
إيمان ضعيف إجتمع معاه موت للقلب /
كلها أسباب تؤدي لضياع البنت ، اللي بضياعها تضيع عوائل بأكملها !
وياليتهم يفهمون !!

مجرد إقتباسين بسيطين من كلامك ،
فالمرأة مثل الرقعة البيضة ... بسرعة تتوسخ !!
" البنت قماش أبيض ، أي شي يبين عليه "
كلمة الوالده ربي يحفظها وقبلها الوالد ربي يرحمه ، ومعششه بذهني من لما طلعت ع الدنيا /
وأي وحده تشغل عقلها بتعرف المعنى العميق لهالكلمه !!
+
وعلى فكرة أنا "أحب استايل بنات الكويت" << بنطلون وقميص طويل
أعجبتني صصرآحتك ،
بس ترى بنت الكويت الأصليه وبنت القبايل مو هذا لبسهم وفيه كثير عايلات تنتقد هاللبس ..
هالكلآم من كويتيين كثيييير حولي عشت معاهم ،


طولت بالكلآم ،
بس اللي يصير الحين شي مو هين ،
الواحد يستسهل الذنب .. وربي يمهل !
وياليت نلآقي أحد يعتبر !!
دومها نقاشاتك كما يقال حامية الوطيس ،
وكلامك يصدر من شخص عاقل متزن تبارك الله ،
ربي يحفظك ان شاء الله ..
ويعطيك العافيه خيي ..
تقييم أكيد ،
وبالتوفيق إن شاء الله ،


__DEFINE_LIKE_SHARE__

من مواضيعي
0 . . . مازالَ الحنينّ ، يربُت على أكتافيّ " بالإحتسَاب صبَراً !
0 [ موضوع المسابقه ] " خيوط تنسج كسوه ، بألوان علم الإمارات ..
0 ـــــــــ | كلّ بسمَه ، فيْ ديون الصبّر . . مرهونَه !
0 ـــــــــ | خَلفيآتنا تميّز موآضِيعنا ، / 4 ..
0 ــــــــ| ربِ ، نسألكَ جنّتك .. توآقيع إسِلآميّه ، رمَضانيّه ’


 


.


نهاية الحلم .. سابقاً "


..


التعديل الأخير تم بواسطة Aljohara ; 10-24-2010 الساعة 05:06 AM
 
قديم 10-24-2010, 06:47 PM   رقم المشاركة : [ 4 ]
عضو ماسي

الصورة الرمزية همس العشق

بيانات همس العشق
تـاريخ التسجيـل : Aug 2009
رقــم العضويـــة : 90690
الـــــدولـــــــــــة : ف قلبّ ناآآآآس
المشاركـــــــات : 14,480 [+]
عدد الـــنقــــــاط : 28533
الجنس : Female
علم الدوله :
الحالـــة : همس العشق غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

 
رسالة SmS
أفتح لك عروقي وتصبح لك دروووب من غير باب ومسكنك بين الأهداااب

 
رسالة MMS

افتراضي

السلام عليكم

موضووع يستحق النقااش

ف هالزمن هالشي وااااااااايد نشووفه

بخبرك موقف

أمس كنت سايره المووول وشفت بنت الله يستر عليهاا نص الشعر برع والراااس فوووق أو بالأحرى برج أيفل فوووق وكانت ترمس وياا اللي يبيع بكل حريه وطلاااقة

يعني جأنها تعرفه من سنووات والحياه حلوه عندهااا

والله أحينه واايد بنات أستوون جي

وكل وحده وتفكيرها وطبيعتها

بعد هالشي يرجع للأهل وتربيتهم

لماذا أصبحت البنت أكثر جرأة في الحديث مع الشباب؟


يمكن أهلها عاطينها الحريه الكااامله وعااادي عندهم

أو عسب اللي تشووفه ف الأنترنت أو التلفزيوون

يمكن بعد أهلها هب عاطينها الحريه أبد ومن وراهم تسوي جي بس عسب تحاول تثبت عمرها ونفسها جدام الناس

ليش هالتبرج المبالغ فيه .. وهالملابس الضيقة؟ وإذا ياها واحد يرقمها احتشرت ولمت الناس عليه؟

يقوولك المثل أن لم تستحي فأفعل ما شئت يعني أخوويه يحاوولن هالبناات يثبتن عمارهن جدام النااس أو يحبن يبرزن مفاتنهن

والله بعضهن يحطن مكيااج تقوول سايرات عرس وعاده العبااه لوو ترمس بتقوول أرحميني

تعرف ليش اذا يا واحد ورقمها سووت جي؟؟

تبا تقووله أنا بنت محتشمه بس جدام النااس

ولو هي صدق محتشمه ما سوت جي بس عسب تثبت أنها جدام النااس ما ترضى حد يرقمها وأنها بنت حشيم وتخاف الله

واذا صدق ما تبا حد يرقمها تحتشم قبل والناس بينظروون لها نظره غير

أين أولياء الأمور من ما يفعله أبناؤهم في المولات؟ وكيف يسمح الأب لابنته أن تخرج معه وهي "عاقة الشيلة على الكتف" ؟
أكيد اللي بناتهم يسوون جي عندهن حريه كااامله وأهلهن عاطينهن الخيط والمخيط

يمكن حاب يغير من عاداته وتقاليده وسمح لبنته تظهر ويااه والشيله ع الكتف

أوو مخلنها ع راحتها

أين غيرة الرجال على النساء (الحريم)؟ كثيرا ما أشاهد الأزواج وأجد الزوجة "مترصصة، متبرجة، والقصة برع" ؟؟!!

بصرااحه هذا وايد أشووفه أحينه

المفرووض ما يخليها تلبس جي, وبعدين ليش تلبس جي دامها متزووجه ؟؟

يعني عندها ريااال ما يحتاي تسووي جي بعمرها

يمكن أنعدمت الغيره

أين كرامة الإنسان واحترامه لذاته ؟؟


والله اللي يخاف ع عمره بيحشمها وبيحشم الناس وما بيسوي شي يغضب ربه

أهم شي الكراامه

أذا ضاعت كرامة الشخص مستحيل ترد وكل أنساان مسؤوول عن نفسه

موضووعك جميل

ربي يعطيك العافيه
__DEFINE_LIKE_SHARE__

من مواضيعي
0 التقرير الشهري لآسترآحة أثاث وديكور المنازل والمطابخ والصالات لشهر مآيو 2011
0 التقرير الشهري لآسترآحة أثاث وديكور المنازل والمطابخ والصالات لشهر مآيو 2011
0 يمإْزحهإْ وتردد له "{ ترى إْلكذإْب يروح إْلنإْر ,
0 ياا مقووى ثقته ف نفسه!!
0 مطــــــــابــ خ .*. باللون الاحمــر


 





التعديل الأخير تم بواسطة همس العشق ; 10-24-2010 الساعة 06:53 PM
 
قديم 10-24-2010, 07:26 PM   رقم المشاركة : [ 5 ]
"مواطن ملتزم بالقانون"

الصورة الرمزية الأمـ الوطني ـن

بيانات الأمـ الوطني ـن
تـاريخ التسجيـل : Aug 2010
رقــم العضويـــة : 124378
الـــــدولـــــــــــة : الإمارات العربية المتحدة
المشاركـــــــات : 1,236 [+]
عدد الـــنقــــــاط : 13409
الجنس : male
علم الدوله :
الحالـــة : الأمـ الوطني ـن غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

افتراضي

المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦● مشاهدة المشاركة
وعليكم السلام ورحمه الله وبركاته
صباح النور والسرور
يا هلا والله بالأمن منور
آمين ان شاء الله ويوفجك وياهم
وحضوركم متميز والكل يشهد
بصراحه موضوعك مهم جدا ومميز وأعجني طريقة طرحك للموضوع وهالشي مب غريب عليك

مب غريب إلا الشيطان يا *الإمبراطورة* ...
على فكرة هاردلك لخسارة الوصل >>> الإمبراطور + الإمبراطور = نادي الوصل وجماهيره ^-^

ومنورة الموضوع بوجودج إختي العزيزة ..


المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦● مشاهدة المشاركة
بالنسبه للبنات

الكثير من البنات قامن يفصخن الحيا في الدوام أنا أفضل إنهم يتعاملون بحدود الشغل فقط ماله داعي للسوالف والضحك مع الجنس الآخر
واللي تسير الأماكن العامة وتتبرج واللي ترد عالشباب لو رقموها مع إنه بصراحه الشباب ما يتجرأون إلا إذا حسوا البنت تبا هالشي وإلا حق شو كاشخه هالكثر وسايره السوق مجرد راي
والي تتغشى عن الشباب وما تتغشى عن الهنود ترا مثل ما قلت كله واحد لكن فرايي في بنات ما يتغشن مول ومتحجبات ولبسهم محترم هالشي مب حرام دامها ما محطيه شي عويها وأنا أحترم هالنوعيه من البنات

بالفعل إختي العزيزة .. رغم إنه وايد من الشباب يرقمون البنات حتى لو البنت ما أبدت له أي تصرف يشير إلــى رغبتها بالسوالف والتحرش ..
إلا إن الكثير من هالبنات .. يرسلون إشارات مرئية وغير مرئية تدل إنها جاهزة سواء إنها تكلم الشباب أو على الأقل تسمع كلام حلو (تحس به إنها فوق السحب)


أما بالنسبة للبنات المتحجبات والمحترمات ... فأكيد يا *الإمبراطورة*
اللي تربى على الصح .. فيكبر وهو ما يفكر إلا بالصح -- فـ: من شب على شيء شاب عليه.



المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦● مشاهدة المشاركة
وبالنسبه للشباب

بصراحه صرت أحس الترقيم صار عندهم مثل الهوايه وقت الملل


بالفعل .. أصبحت مثل الهواية .. ولسانه يحكه لو ما يقول كلمة حلوة ويتغزل على الأقل مرة أو مرتين في الأسبوع ...


المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦● مشاهدة المشاركة
لماذا أصبحت البنت أكثر جرأة في الحديث مع الشباب؟
يمكن لأن البنت تعاني من نقص عاطفي وتبي تعوض هالشي بالحديث مع الشباب

لا مب عذر الله يسلمج ...
أنا أشعر بقلة الاهتمام .. فـ هل هذا يعني إني أنزل من قدري ومكانتي في المجتمع وأروح أرقم بنات في المول ؟!!
بصراحة ... ما أرضى على نفسي أنزل لهذا المستوى الأخلاقي

واللي بالفعل تعاني من النقص العاطفي .. بإمكانها تعوض هالشيء بأي طريقة أخرى ..
نقدر نقول عنها أقل الضرر .. وأستر لها <<< ولو إنه كله في النهاية خطأ في خطأ



المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦● مشاهدة المشاركة
ليش هالتبرج المبالغ فيه .. وهالملابس الضيقة؟ وإذا ياها واحد يرقمها احتشرت ولمت الناس عليه؟
أنا أسمي هالشي نقص في العقل والدليل كل ما حد لبس شي سار الكل وراه وقلد لبسه والبنات جي أي شي ينلبس يقلدونه حتى لو كان اللبس يضحك لو ناقشتهم بيقولون لك هاي الموضه انتي شدراج

هو بالفعل نقص .. أنا أتفق معاج في هالنقطة ..
وللأسف إنه بعض البنات مب في بالها إلا شيء واحد وهو إن ينقال عنها:
"وااااااااااااو" "كشيخة" "استايلش" بالإضافة إلى "كلام الغزل المعروف"



المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦● مشاهدة المشاركة
أين أولياء الأمور من ما يفعله أبناؤهم في المولات؟ وكيف يسمح الأب لابنته أن تخرج معه وهي "عاقة الشيلة على الكتف" ؟

صح في أولياء أمور عادي عندهم هالشي أما نحن فيها قص رقاب
المشكله لو نصحناهم بيقولون أهلنا راضين انتوا شدخلكم ولكن في أولياء أمور ما يعرفون شي عن عيالهم ومن جي العيال يضيعون من اهمال الأهل

واهنيه تكمن المشكلة ... لما يكون الرد ((أهلي راضين، انتوا مالكم دخل))
ساعتها الويه يقفط ... ويمكن الناصح بيفكر أكثر من 1000 مرة قبل لا ينصح حد ثاني

المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦● مشاهدة المشاركة
أين غيرة الرجال على النساء (الحريم)؟ كثيرا ما أشاهد الأزواج وأجد الزوجة "مترصصة، متبرجة، والقصة برع" ؟؟!!

خل يحبها بالأول عشان يحس بالغيره في أزواج مجرد تماثيل بدون مشاعر

أثرتي انتباهي لنقطة .. ما كنت حاطنها في بالي

قال رسول الله صلى الله عليه وسلم: "ثلاثة لا ينظر الله عز وجل إليهم يوم القيامة: العاق لوالديه، والمرأة المترجلة، والديوث".

والديوث هو: اذي لا يغار على عرضه أو يعلم بفحشهم وسوء سلوكهم ويغض الطرف عن ذلك.

ويقول الشاعر:
أصون عرضي بمالي لا أدنسه لا بارك الله بعد العرض في المال


المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦● مشاهدة المشاركة
والسؤال الأهم:أين كرامة الإنسان واحترامه لذاته ؟؟

نفس هالنوعيه ما عندهم كرامة
واللي يخاف عنفسه بيصون كرامته




المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦● مشاهدة المشاركة
بالنسبة لإضافتك كل ريال يحب البنت تكشخله
والبنت تروم تكشخ لريلها فبيتها بدون لتظهر كشختها جدام الناس

أكيد، الكشخة والاستايل .. هو أول شيء يجذب الرياييل ...

طبعا البعض .. تكشخ في بيتها وبرع البيت ... حرام ما تخلي هالعزاب يشوفون كشختها .. من حقهم يشوفون خاصة إنهم هب متزوجين (شوف وحرق يوف)


المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦● مشاهدة المشاركة
وأخيراااا أشكرك عالموضوع الروووعه أنت متميز دائما بمواضيعك
ولا تحرمنا من مواضيعك الهادفة والمفيدة
وأكيد لك تقييمي
لا عدمناك

لا شكر على واجب ... ومشكورة إختي العزيزة *الإمبراطورة* على ردج الجميل
وتواصلج الرائع .. لا عدمنااااااج

وشكرا على التقييم
__DEFINE_LIKE_SHARE__

من مواضيعي
0 !!.. مد ريولك على قد لحافك ..!!
0 !!.. عامل الناس كما تحب أن تعامل ..!!
0 محتاج رسامين إماراتيين .. لمشروع إماراتي كبير
0 ودامت راية الاتحاد ترفرف في السماء ...
0 مشكلة بسيطة في الرد


 




التعديل الأخير تم بواسطة أنفآسِك أنـا ; 10-25-2010 الساعة 01:07 AM
 
موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
فـديـت دقـ‘ـآت قـلـبـك يـآ قـلـب مـآمـآ ...! محروم.كوم منتدى أخبار المواقع والمنتديات العربية والأجنبية 0 06-11-2010 05:20 AM


الساعة الآن 09:40 PM


Powered by vBulletin® Copyright ©2000 - 2019, Jelsoft Enterprises Ltd.
Content Relevant URLs by vBSEO 3.5.2 TranZ By Almuhajir

RSS RSS 2.0 XML MAP HTML