|..~|| ليـٍـٍـٍـٍـش لابس عبـٍـٍـٍـٍـٍـٍـٍـٍـٍـآة ||~..|

ذابحة قطوتهــآ · #1 10-20-2010, 03:44 PM

مدخـٍـٍـل .. يا طويل المعنّق يا وســيع النحر .. ويا نحـيف المعزّل ليـش لابـس عـباه

السلام عليكم و رحمة الله وبركــآتة ..~

شحاالكم كلن في حاالة ..~

ربكم الا تشقحوون شراتي .. هع ..~

هذي اول مرة لي اطرح مووضووع هني .. وان شااء الله اذاا حصلت التفاعل ما تكوون الاخيرة ..~

آمس وآناا طالعة من الجامعة رايحة للبيت ..~

شفت شي .. صرااحة ما توقعت اني اشووف بناات جي .. وبهالدرجة .. حسيت عمري اني في جامعة اجنبية مب في جامعة الامارات ..~

مــآ أقصد من ناحية المعاملة والاخلاق ..~

لاع

أقصد من ناحية اللبس و الشعر والميك أب ..~

خلوو الميك أب على طرف .. لانة شي متفق علية انة لازم يكوون فل ميك اب .. كـآنهاا الوحدة رايحة عرس .. >> طبعــآ الاخت قايمة من الساعة 5 تلون ويهها .. والله لو قايمة تصلي لهاا ركعتين ابرك .. هااع ..~

خلونا نستعرض المخطط الزمني للشعر واللبس عند بعض البنات ..~

في البداية الشعر كانت القصة بس ظاهرة ..~

عقب تطورت الاموور وصار انفجار قنبلة نووية في القصة آدى الى مضاعفة حجم الشعر للآعلى ليصبح مثل العمارة ..~

ونتيجة لذلك .. صارت الشيلة تعيق هذا المظهر الجديد .. فصار مكانهاا المعتمد هوو الكتف ..~

وطبعــآ مع مروور الوقت اختفت الشيلة من على بعض الرؤوووس .. هع ..~

إنيي للعباة عند بعض البنات ..~

قبل طبعاا كانت العباة ادااة للستر ..~

و مع مروور الوقت العباة تحولت لآدآة للفت آكثر قدر ممكن من الانظاار ..~

الايد كلهاا برآ .. الصدر برآ .. و الظهر برآ.. ولازم ترفع عبااتها لين بعد الركبة على شان يطلع الكعب والجنز يلي لابستة والكل يشووف .. >> بعد ما يصير شارتنة بذيج الحسبة وما تراوية النااس .. هع ..~

لا والحين صار مافي دااعي الوحدة ترفع عبااتهاا . لانهم اخترعوو عباة توصل بس لين الركبة .. هااع .. >> تخيلوو بس شكل الوحدة كيف ..~

يعني بــآختصار ليش لابسة عبااة .. افصخيهاا احسن ..~

فعلا .. تطورت الاحداث ..~

امس شفت بناات كانو يدرسوون ويااية .. مواطنات طبعاا ..~

بدون لاعــبـآة ولا حتى شيلة ..~ >> ويل حالي اناا على تطورهم بس .. هع ..~

اناا الحين ما بلووم اي استاذ اذا اسمع انة طلق حرمتة وخذ طالبة عندة .. ما يلام بعد في النهــآية هو رجل .. ما يرووم يشووف هالاشكاال كل يووم .. هع ..~

آنــآ هني حسيت انا لازم نوقف عند هالنقطة ونااقشهاا ..~

في رآيكم ليش إطورت الاموور على شاان نحصل بنااتناا اليووم وصلوو لمرحلة انهم يفصخوون العبااة والشيلة ..~

هل هوو نقص في الرقابة من الجامعة .. او في التربية ..~

وين رااح الوازع الديني ..~

وهل بيي اليوم يلي تصير هالظااهرة عاامة على الكل ..~

وهل بيي اليوم يلي تصير العبااة عملة ناادرة ..~

وليش في بناات للحين متمسكين بعباة الراس والشيلة والنقاب .. وبنات وصلو لمرحلة انهم يفصخوون العباة والشيلة ..~

آتمنى اني آشووف نقاشاتكم وآرئكم وتفاعلكم ويااية ..~

في انظاار تفاعلكم ..~

تقبلوو مروري فديتني والله ..~

مخرج .. اتحــدّى بعـودك كـل عـودٍ خـضر .. واتحدّى بـ لينـه ليـن غـصن الجـناه..~

__DEFINE_LIKE_SHARE__

ـالوورد · 10-20-2010, 04:00 PM

وعليكم السلام ورحمة الله وبركاته

عزيزتي هذي الظاهره منتشره حتى في الاماكن العامه
الغاليه نحن هنيه ايي دورنا في ان ننصح هالبنات من هالشئ
واكيد انهن مابيقتنعن بالاول .. يسقى ع زمان لول اللي حتى الويه محد يشوفه

بنات نحن بنات زايد ونحن انمثل هالبلد

بالله عليكو اذا شافونا الاجانب بالاهشكال بيقولون برافو
لا بيقلون خلهم يطبقون الدين ع انفسهم حتى نسلم اذا هم جي فحنا كيف
نحن بنات امة محمد

اوكي جامعه مايخالف لاكن ان شفتي ريال يابنت الحلال استتري
والله ها كله مابينفعهن يوم الحساب والكل بيضحك عليهم

انتي عليج في نفسج اهم شي ماتاثر فيج هالاشكال
ومدامج قلتي هالكلام فالحمدلله الدنيا عدها بخير

واسمحيلي الاطاله

كانت هونا < الورد ^^ __DEFINE_LIKE_SHARE__

*نظره مني تسدك* · 10-20-2010, 04:00 PM

"

"

عليكم السلام ورحمه الله وبركآته

هلا والله وحي الله وايي والله خخ

موضوع مهم..=)

"

والله يا حلوم جآن بنرمس عن العبي..مآ بنخلص قسسم بالله..يعني الحين تشوفين العجب

تشوفين اشياء الوآحد بس ينآظر..بنآت هالوقت مآادري شقآيل عآيشآت ><

نحن البنآت اذا شفنآ جيه فجينآ عيونآ واستعيبنآ...؟ عيل الشباب مآ ينلامون..جآن كل وآحد عينه مفتوحه شبر هههه

يختي مآ يحسسن اشكآلهن غلط مثلن،،

اذكر يوم كنت ف الكليه ..كنت اشوف بنآت مظهرآت قذلهن عند السير..وهن خبر خير..؟. والله ولا تحرك فيهن شعره لا يخيلن ولا يسستحن مول

الود ودي اصقعهآ بكف..؟

المكيآج مآني مستعجبه منه...؟ من زمآن يقطعن نومهن عسب هالكيلو مكيآج من صبآح الله خير..؟ لا والعطور اللي تقول خآطف من عدآلج عبدالصمد القرشي هههه..؟ كآنن بعد يرفعن شعورهن وبالقبآضآت اللي كل وحده جنه فوق رآسهآ يونيه عيش..؟

الاسبآب تييئ من البنت نفسهآ..؟ البنت الحشيم..مآ تطلع من بيت اهلهآ شكل..وف الجآمعه ولا الكليه شكل 2

البنت تبغي اهتمآم اكثر..؟ يعني ف الكليه تلاقي حد يعبرهآ..ويقولهآ الله اليوم انتي حلوه ..؟ عبآتج اتينن..؟ من وين مفصلتنهآ..؟ وف البيت موول محد يقولهآ شوو احوآلج اليوم..؟

مهمآ كبرن البنآت يحبن حد يلتف لهن هع ..؟ الوآزع الديني اييئ من دآخلهآ هي..؟ جآن مآشي..الله يستر بعد

وصلت العبآه حآليآ للالف درهم..؟ وفي نآس يشترون.؟ ومآزآل هالشي في ارتفآع مستمر
والسبب هو ان في اقبآل عليهم..والله يعين..؟ شي ازرق واحمر واصفر وفصوص وضيق وووو الخ

والله يا اختي اللي يبغي الصلاه لا تفوته ..واللي يبغي رضآ ربه بيعمل باللي يقوله..؟

وعسى ربي يهديهن ان شاءالله..وترى هاللي يسونه محد خلاف بيقول عنهن ووالنعم
بالعكس بيذمونهن الخلق..؟ وليش اخلي عمري علجه في حلوق الخلق..

بالعكس لازم اكون ذهب واأمشي باللي ربوني عليه اهليه..~

وتسلمين حلوم ع الطررح الطيب
سمحيلنآ عآده وآيد تفلسفنآ خخخ...بس طلعت اللي في خآطريه

عسآج ع القوه.. __DEFINE_LIKE_SHARE__

Aljohara · 10-20-2010, 04:52 PM

وعليكم السسلآم وآلرحمه ،
مسساء الطيب ،

تعرفين الأغنيه اللي تقول ( البنات البنات ألطف الكآئنات ) !
الحين صصآرت ( البنات البنات أبشع الكآئنات بأخلاقهم ) !!
طبعاً البنات اللي من هالفئه اللي ذكرتيها ..
والمشكله تسوي هالشي من باب الحريه الشخصيه ،

وتجاهلت إن اللي تسويه تعدى هالمرحله لمرحلة التفلت !

هالفئه تعاني من موت القلوب وتبلدها ، وموت الدين المحفز لها ،
ونسوا إن الدين وضع ثواب وعقاب !
ودامهم واثقين بأن العقاب مابيوصلهم بذريعة حريتهم الشخصيه شي طبيعي بيسيؤون الأدب !
عزيزتي ، لكل واحد فينا منهج بالحياه ، ولكل مجتمع قواعد عامه بالسلوك ..
إحنا كمجتمع خليجي يفرض علينا نمط معين باللباس ،
وهذ1 الشي من الدين قبل يكون من المجتمع !
لما أحد يخل بواحد من هالقواعد يعتبر شاذ ،
وطبعاً كل واحد بيمشي معاه بسلوكه يعتبر مثله ،
ويآخذ ذنبه وذنب من قلده ، وياحسسآبه إحسبي !

للأسف اللي تسوي هالحركات مريضه نفسياً ..
وعقلها مصاب بحمى خطيره ، أثرت على نخاعها الشوكي فأصابها بشلل الأخلاق !
للأسف تحس بنقص في ذاتها ، تعوضه بالشي اللي تسويه !
هالبنت ظآلمه لنفسها بالدرجه الأولى ..
وبعيده كل البعد عن القيم المتوارثه بالمجتمع ..
فقط جسد يترنح ! ولو تكلمتي معاها تلآقيها خاليه من كل شيء !
طبعاً المشكله الأساسيه بالقلب الميت ،
والأهل أكييد ، مافي أحد عنده غيره لو 1% يشوف أخته أو زوجته تطلع بهالشكل قدامه ،
حتى لو تكون ثقته فيها 100% !
نطلق عليه ديوث مثلاً ؟!
ولو تسألي أي رجل وش نظرته لمثل هالبنات ..
بيقولك مالقت لها رجآل يربيها !

لما رحت أنهي أمور تسجيلي بالكليه إستغربت إني الوحيده اللي تغطي وجهها !
وكان أخوي ينتظرني برآ ..
لما طلعت له ، قلتله شفت اللي شفته !
قال شفتهم وعلى كثر المكياج اللي حاطينه مافيهم ذرة جمال !
شي طبيعي فيه كرجل يلفت نظره هالشي ،
وماقال هالكلام الا وهو مشمئز منهم !
وكلنا نعرف المقوله المشهوره للشباب :
البنت مثل الحلآوه كل ماكانت مغلفه أكثر ، كل ما زآدت جودتها وحلآها !!
كل وحده تسوي هالحركات بتكون لها حياتها بعدين مع زوج يقدرها ،
ويخليها تنتقد نفسها كل ما تذكرت اللي كانت تسويه قبل !
هالبنات هم جزء من مجتمعنا رضينا أو لآ ،
مانقول غير الله يهديهم ويصلحهم ..

وربي يعطيك العافيه ع النقآش الحلو ..
عسآك ع القوه ..

__DEFINE_LIKE_SHARE__

همس العشق · 10-20-2010, 04:57 PM

السلام عليكم

مووضووعج مهم بصرااحه

أيام زمااان العبااه كانت ستر وحشمه

وف هالووقت بس عسب أتظهرين مفاتنج وجمالج للناس

أحينه البنات يلبسن عبي حدث ولا حرج جأنهن سايرات عرس

نص الشعر برع وعند الخصر ضيجه حتى ما يروومن يتنفسن من كثر ما هي ضيجه

ما أعرف بصرااحه كيف عادي عندهن يلبسن عبي جي ويظهرن الشعر جدام الأساتذه!!

أنا اذا شعره ظهرت مني جدام حد أحس عمري بصيح ومتلوومه

كيف عاده اذا ظهر شعري كامل جدام حد؟!

والمشكله اذا شافن هندي عاااااااادي عندهن يفصخن العبااه والشيله

ترا الهندي ريااال حاله حال غيره

بس هن يقوولن عااادي

الله المستعااان بس

البنت اللي تظهر من بيت أهلها وعباتها ضيجه ونص شعرها برع وأهلها راضيييييييين

ما أقوول شي غير الله يهديهم

بس البنت اللي تظهر من بيت أهلها بشي وجدام الناس بشي ثااني هاااي المفرووض يكوون عندها ضمير وتخاف ربها قبل لا تخاف أهلها

ومشكووره ع الطرح الطيب

ربي يعطيج العافيه

والسمووحه ع الأطااااااااااااله __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نوكيا مابس والساتيو	محروم.كوم	منتدى أخبار المواقع والمنتديات العربية والأجنبية	0	08-17-2010 04:10 AM
اسفسار عن الجوجل مابس	محروم.كوم	منتدى أخبار المواقع والمنتديات العربية والأجنبية	0	05-03-2010 07:10 AM
ليه لابس طاقيه ...!؟	حــالـ الذوق ــي	تصاميم الاعضاء	11	10-27-2009 09:51 PM
شو لابس/ة الحين و شو لونها	بنت الاوغاني	العاب , فكاهه , مسابقات	12	08-23-2009 02:47 PM
ساحرني لابس التلي..>>سوان	,,SwaN}~	عدسة الاعضاء , كاميرا الاعضاء	31	10-15-2008 01:49 PM