.......العنوسة.......

صـ الصمت ــدى · #1 01-03-2009, 08:02 PM

ظاهرة العنوسة (تأخر الزواج) لدى الشباب والبنات تمثل مشكلة كبيرة تعاني منها الكثير من المجتمعات . ولاسيما أنهم ركيزة المجتمع وعماد مستقبله . واستقرارهم مطلب لدولهم . يتمثل ذلك في قدرتهم على العطاء . وقيادة نهضــة ومسيرة بلادهم . وظاهرة العنوسة نتيجة تراكمات وافرازات سنوات ماضية لعدة اسباب منها:

- غلا المهور و مصاريف الزواج.

- رفض بعض الفتيات الزواج بحجة إكمال دراستهن.

- العادات و التقاليد التي لازالت بعض الأسر متمسكة بها بأن لا تتزوج الصغيرة قبل الكبيرة.

و غيرها من الأسباب الأخرى..

موضوع مهم .. أنتظر ردودكم و تعليقاتكم.. و طرح بعض الحلول لهذه الظاهرة..

تحياتي
__DEFINE_LIKE_SHARE__

DaLoOo3a · 01-03-2009, 08:22 PM

تسلــــــــــــــــــــمين ختيــــــــــــــــهـ ع الطرح الغـــــــــــــــااوي

صدق هالمشكله وايد موجودة هالايامـ و ما ادري الحلول بسيطهـ بس المشكله تكون يا الاهل او الشاب او البنت

طبعا المشكله الاولى ارتفاع المهور المفروض المهر يكون معقول و حسب مقدرت الريال و الريال بعد مفروض يلبي طلبات البنت يعني ما يقصر فيها والبنية تقدر وضعه

اما سالفة البنت الاكبر اول ما ظنتي ها سبب مقتع حق يوقف بنصيب البنت او الريال الاصغر

والمشكله شباب اليوم تحصلي الريال يداوم و راتبه اوكيه بس ماشي فلوس معاه كلها تروح حق اقساط السياير او حق كشخته يعني الين نص الشهر ما يتم درهم معاه انا اداوم في بنك والله اني انصدمت يوم شفت شبابنا كيف يتعاملون وياه رواتبهم انا ما اقول انه يحرم عمره بس بعد لازم يخلي شوية من الراتب حق يتزوج بالذات اذا كان معتمد على عمره

والله يهدي اليميع

والسموحه طولت عليكمـ __DEFINE_LIKE_SHARE__

الفلاسي_399 · 01-03-2009, 08:36 PM

سبب العنوسه الرئيسي هو الغلا صراحه

المشكله المصاريف كلها على راس الريال مسكين من مهر وزهبه وصالة افراح وفرقه ومادري شو والحريم يتشرطون على كيف كيفج يعني يمكن البنت طلباتها بسيطه بس ام البنت لا تبا تسوي شي لاصار ولا استوا والله يازين اعراس اول لا مكلفه ولا شياته..ساعات الله يهداهم الحريم مايقدرون ظرف الريال ولا شي

وسبب ثاني البنات طالعين لهم طلعه ابا اكمل دراسه ومادري شو ياما بنات تزوجو وهم يدرسون عندي اختي والله تزوجت وهي ماخلصت دراستها اخر سنه رايحه حفلة التخرج وهي حامل يعني اشوف الدراسه هب عذر

وبعدين اذا تقدم للبنت ريال متزوج مرفوض على طوووول السبب ماتبا واحد متزوج هاي حلال من الله وبشكل عام ترا عدد النساء اكثر من عدد الرجال والحكمه من تعدد الزوجات عشان محد يعنس هذا الشي الاساسي لتعدد الزوجات ترا لانه على ايام اول ايام الحروب والسفر ومادري شو عدد الرجال فالمدينه اقل من عدد النساء فا عشان الواحد مايطيح فالحرام او شي يتزوج

هالحكمه الاساسيه من تعدد الزوجات يعني لو النسوان يكبرون عقولهم شوي ويفكرون فيها بيقتنعون

وبعدين مثل ماقلت فالبدايه المهر ومصاريف الزواج والعرس هي السبب الرئيسي يعني لازم النسوان مايثقلون عالريال وله من حقهم الريايل ياخذون اجنبيات مابيطلبون هالطلبات كلها

والسموحه __DEFINE_LIKE_SHARE__

صـ الصمت ــدى · 01-03-2009, 08:39 PM

تسلمين اختي عالمرور..

بالنسبة لسبب ان الاخت الكبيرة لازم تتزوج قبل الصغيرة،

قصدت فيه ان بعض العائلات يرفضون الشاب اللي يتقدم للصغيرة بعذر ان الكبيرة بعدها ما انخطب

و هذا يعني انه إذا ما تزوجت الكبيرة تخرب على خواتها.

أما بالنسبة للشباب اللي يصرف كل فلوسه على المظاهر، الله يهديه، و الله حرام انه يبدأ حياته بالديون

لازم يكون الشباب حكيم و واعي أكثر من جي.

الله يهدي شبابنا.. __DEFINE_LIKE_SHARE__

قـلب دبـي · 01-03-2009, 09:45 PM

يسلمووو عالطرح

السبب الاول والاخير هو غلاء المهور __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الإماراتيات... بين العنوسة والزواج بغير إماراتي	محروم.كوم	منتدى أخبار المواقع والمنتديات العربية والأجنبية	0	04-19-2010 05:50 AM
الإماراتيات... بين العنوسة والزواج بغير إماراتي	محروم.كوم	منتدى أخبار المواقع والمنتديات العربية والأجنبية	0	04-19-2010 02:50 AM
ظاهرة العنوسة والعزوبة	محروم.كوم	منتدى أخبار المواقع والمنتديات العربية والأجنبية	0	02-13-2010 04:00 PM
.......العنوسة.......	صـ الصمت ــدى	المواضيع المكرره	0	01-03-2009 08:01 PM
...العنوسة في الامارات ...	فنووونة~	الحوار والنقاش - الرأي والرأي الآخر	12	01-15-2008 06:12 PM