ازريت افكر واخذ العلم واجيب ,,,, للي لهم في حزة الطيب نبراس

محروم.كوم · #1 10-01-2010, 07:00 PM

السلام عليكم ورحمة الله وبركاته

اليكم هذه القصيده

ارجوا ان تحوز على رضاكم

#poem_4ca5f71e3f8f4 td {font-family: arial, helvetica, sans-serif;font-size: x-large;font-weight: bold;} ازريت افكر واخذ العلم واجيب للي لهم في حزة الطيب نبراس قعدت ادور لي حروف واساليب ماغير افكر واصفق اخماس باسداس يامحمد التركي ترى الطيب من طيب عرق الندى يندى ولوكان يباس ابوك وجدك معتلين المصاعيب نسل الاحرار اللي تعلت على الراس يامرحبا واهلين براعي المواجيب يامرحبا ترحيبة برقها ألماس يبرق سناها من علو المراقيب كن الرجم من برقها فيه مقباس والسيل حدر من علوا المصاخيب يارد على حد الوطا عقب الافلاس وتباشروا بالسيل ربعا واجنيب عقب السنين الممحله كنها الفاس يشذب شجرها مثل فعل المشاذيب خلى غصون الطلح بالقاع يباس حتى عروقه مالقت له مقاضيب تشطبت قيعان جو ٍوالاطعاس وجاها الفرج في حزة الشمس لمغيب يوم سيلت في خبةٍ تطرب الراس وسميةٍ يسقي حياها المجاديب تناقلوا اخبارها جملة الناس عشرين ليله والشغايا مصابيب متماسكات محدرات على سا س في روضه يسمع مسيل ومساريب كنه يتدفق من مواسير غطاس والبل صار ٍ مثل زول الرعابيب تجمل ٍ في حفلة زاهي اللباس عقب الهجيج بين ذيك الدواعيب تسري على صم الرضم حزة اغلاس صفق الرضم بخفافها والعراقيب مثل المقمع وثائر الملح نداس واليوم اشوفه ياعطيب المضاريب مرباعها ربله وحمض ٍ وبسباس عقب الحَلًم وقراد وابل مجاريب صار الشقى بمطارد الذود نوماس واللي لهم بالسوق ابل ٍمجاليب تفرقوا مابين ناشد و عساس احدٍ حدر من يمة العرق ومصيب وحد ٍ نزل في خبةٍ تشبه الطاس واهل الولع بالطير نقاله الطيب اللي لهم في هدة الطير قرناس خطو اشقرا زيزوم عدل المناكيب طلعه وكاد مايبدد لك احساس اليا كفخ خلا الحباري مصاليب وحول عليهن مثل رمح لجساس الموت جاهن واقتفاهن مراعيب وتزحمن ما بينهن جالهن باس وزانت اعلوم ٍللعرب والمعازيب مع شبةٍ ما بين دله ومحماس ونجر ٍ يلجلج لا عواء عويت الذيب يسمع قنيبه من وراء سبعة ارماس هيل ومسمار وصفراً مزاهيب ريحة ابهاره تقعد اللي به اعماس وصلوا على اللي ماشي بحق ومصيب محمد اللي خصه الله الى الناس

فهد الهلالي
( الشيخ مسكين )
__DEFINE_LIKE_SHARE__