:" لاتحاقر من النار شريّره ولا من البنات صغيّره قصه مثل

محروم.كوم · #1 09-30-2010, 04:41 AM

السلام عليكم ورحمة الله وبركاته
صبحكم الله بالخير
اولا اعذروني يا اخواني على الغياب
والخارج عن ارادتي ولاكن يعلم الله اني اشتقت لكم كثير
واتمنى اني ما راح اقصر معكم يا اخواني
ولكن يا اخواني والله حريص ما اقدمه لكم ون سوالف الناس وودي اني اوسع صدوركم

في هذه اليوم اخواني اريد ان اسرد لكم قصه جميله وكما عودانتكم على االسؤالف العرب الطيبه الي نفقده في جيلنا اليوم..من قصّصه ومثل من موروثنا الشعبي العريق

وسالفه اليوم هي عن قصه مثل

والمثل يقول :" لاتحاقر من النار شريّره ولا من البنات صغيّره "

لاتحاقر = اي لاتحقر ولاتُقلل من شأنٍ ما
شريّره = تصغير شراره
صغيّره = تصغير " صغيره "

قصة المثل ..
يقولون كان فيه رجال ماتت عنهُ زوجته وعنده منها " بنت " وكانت حين موت امها
صغيره
وقرر الرجال انه ما يتزوج عشان يتفرغ لتربية بنته حتا تكبر

مرّت السنين والأيام وكبرت البنت واستوت ولكن ابوها ما يُلاحظ كبر بنته
وفي نظره توها بنت ما كبرت
وبعدها كثرو الخطاطيب وكل يوم والثاني جاي واحد يخطبها " يطلبها للزواج " ولكن ابو البنت يردهم بحجه
يقولوهم البنت توها صغيره تو اظافرها ناعمه .!
وكان من عادة البنت تقوم الصباح كل يوم وتشب النار وتجهّز قهوة ابوها وفطوره
وفي يوم من الأيام مثل ما تقولون يا مكشاتيه ان أضربت البنت عن عادتها في سوات القهوه والفطور

ويوم اصبح الابوإستغرب ابو البنت
ليه يابنيتي ماجهزتي القهوه والفطورالله يصلحك
قالت البنت والله يابوي ماعندي حطب ..
ولا فيه وليع اولع فيه

راح ابو البنت وجمعله بعض الحطيبات والعويتات
ويوم وصل البيت قال يابنتي روحي يم جارنا فلان وعطينا منهم كبيرت

راحت البنت للجيران ورجعت وعلى رأس اصبعها شراره
قال ابووها :
يا بنتي الشراره ماتكفي
قالت اصبريابوي شوي
حطت البنت الشراراه في وسط الحطيبات وأخذت تنفخ عليها بالهواءلين اشتب النار
ويوم اشتب النار قامت وناظرت يم ابوها وقالت
يابوي((((( لا تحاقر من النار شريّره ولا من البنات صغيّره ))))
فهم ابوهامقصد بنته
وما انتها هاك اليوم إلا وقد زوجها .

لاتحاقر = اي لاتحقر ولاتُقلل من شأنٍ ما
شريّره = تصغير شراره
صغيّره = تصغير " صغيره "

وهذي هي يا اخواني قصه المثل
واعذروني اذا كان فيه شي ناقص اوشي زائد في الروايه
هذا ما قرئته في كتاب سولف الامثال
وتقبلو تحيات اخوكم
محمد الظاهري

وسلامتكم
__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري