طلقني وغيرك بدالك

سلمى · #1 01-14-2008, 09:26 AM

السلام عليكم ورحمة الله
اشحالكم اخواني وخواتي ؟؟ ان شاء الله الكل بخير
كلنا نعرف ان الطلاق أبغض الحلال عند الله
مع ذالك يكون ضروري في بعض الحالات
يوم يوصل الزوجيين لطريق مسدود في حل
الخلافات والمشاكل الي بينهم ..
موضوعي مايتكلم عن الطلاق الي له مبررات معقولة ومقبولة..
انا ارمس عن طلب احد الطرفين الطلاق لسبب تافه بدون تقصير
من الطرف الآخر في الحقوق والواجبات للحد الي يوجب الطلاق
::مثال:: زوجه تطلب من زوجها الطلاق لانه عصبي شوي ومايقهر كلمه ..
وزوجه ثانيه تطلب من زوجها الطلاق والسبب مايسولف ولا يضحك
دوم مبوز ومايعرف الرومنسية والحياة معاه جحيم ..
وتقوله بكل جرأه طلقني وغيرك بدالك باخذ واحد احسن منك
وحتى الأزواج في منهم الي يطلق زوجته لانها ماتعرف تطبخ
ولا ماتقر فبيتها ودوم تظهر بدون شوووره ..
أسباب تافهه وغير منطقية لهدم أسرة كاملة
بدون أي حس بالمسؤلية ..
اتريا مشاركاتكم وأرائكم
ســــلمى

__DEFINE_LIKE_SHARE__

*نظره مني تسدك* · 01-14-2008, 09:46 AM

عليييييييج السلاام والرحمه
نحن بخييير وسهاله من صووبج الغاليه؟؟

هيه والله صدقتي اسباب تافهة وغير منطقيه
يختي ان ريلج ما يسوولف وياج غيريه الغلط من صوب الحرمه
يمكن انتي منج القصوور لا تضحكين ولا تسولفين وين تبين الريال يسولف وياج ههههههه..
اما والله لأنه عصبي هاااي عااد ما عندها سالفه يا كثرهم الرياييل اللي جيه ولازم بعد تغيره ولا ترمسينه يووم يكون معصب والله^_*

بالنسبه الريال اللي حرمته ما تعرف تطبخ يا بووك تريا عليها شوي قولها تعلمي انا ما احب الأكل إلا من ايدينج
والله شو هااااا يرفعون الضغط رياييل وحاريم هالوقت هع هع هع ..

تسلمين الغاليه ع الطرح الغاوي تقبل مروري اختج __DEFINE_LIKE_SHARE__

بنت زايد الخير · 01-14-2008, 11:05 AM

اختي انا معاج بس عشان تسمع شوره لازم هو ريال والله يلعنها اذا ماسمعت شورها
وبعدين البنت يوم تزوووج هذا الايام تضن الزواج بس طلعات وهدايا وبس ما تعرف انه شي مسؤولية وريل وبيت
وفي بنات امها تقوله اطلقي شو تبي فيها ياتحطينه خاتم في صبعج ياعشرة بداله الحرمة لازم تقدر الزوج ولازم تعرف ظروفة وماتحمله فوووق استطاعته
شو فيهم امهاتنا اتحملوا الضرب واتحملواا كل شي عشااانا ونحن كلمة مانتحملها من الريل والله حراااام شو هذا __DEFINE_LIKE_SHARE__

@@دمعة الم@@ · 01-14-2008, 01:05 PM

واحيانا الريال يطلق بدون سبب ويقول مليت منها ومن هالكلام

واللي يضيع بالطوشه لايهال

ماعندي شي اقوله في هالموضووع غير الحين كل شي زاد عن حده والطلاق مثل شربت الماي

ويسلموا عالموضووع __DEFINE_LIKE_SHARE__

سلمى · 01-17-2008, 04:34 AM

نظووووووره انا بخير ربي يعافيج
صدقج والله اكثر الرياييل عصبيين والسبب
الضغوط الي يحصلهاا الريال برا البيت

والزوجة العاقلة تقدر تخلى ريلهاا يهدا حتى لو كان ناار
تسلمين ع المرور والرد ماقصرتي يعطيج الف عافية __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عندك بضاعه وتبي حد يبيع بدالك .. ( مندوب )	محروم.كوم	منتدى أخبار المواقع والمنتديات العربية والأجنبية	0	03-01-2010 07:00 PM
يا فريد الحسن مع لونك يا قمر نوار فالعالي من حلاتك صرت مجنون وغيرك ما عال بالي	da1a3	الشيوخ و رؤساء الدول	3	09-04-2009 07:42 PM
ان كان غيرك شبهوا مجده طويق= مجدك جبل طارق وغيرك مضيقه	محروم.كوم	منتدى أخبار المواقع والمنتديات العربية والأجنبية	0	09-04-2009 04:30 AM
أحمي نفسك وغيرك وأجعل جهازك خير رفيق وصديق	محروم.كوم	منتدى أخبار المواقع والمنتديات العربية والأجنبية	0	05-28-2009 07:20 AM
تشوف رقمي على الشاشه وتسفهني ... وغيرك تمنى اتصالي بالشهر مرة	راعية الونه	هواتف , مسجات , وسائط , برامج , ثيمات , نغمات , بلوتوث	20	03-28-2008 02:05 AM