كيف تفك مساند الرأس في الاكسبلورر ( بالصور )

محروم.كوم · #1 09-13-2010, 06:50 AM

السلام عليكم ، عيدكم مبارك وكل عام وانتم بخير

بدأ معي هذا السؤال عندما اشتريت تلبيسة للشنطة من السنيدي ، والتلبيسة هذي تتعلق في مواصير مساند الرأس بالمرتبة الوسطانية ، وهي المساند اللي ماعرفت أفكها ، ولما سألت في موضوع استفسارات الاكسبلورر لم أجد جوابا

بعض الزملاء أكدوا لي أن هناك زر أضغطه وتطلع المسندة ( وهذا غير صحيح فالزر موجود في المراتب الأمامية فقط )

عدت للسنيدي فأشر لي العامل على فتحة صغيرة جدا في قاعدة المسندة ، كما تشاهدون في الصورة :

وقال لي : حط إبرة هنا واضغط ، تطلع معك المسندة

حاولت بإبرة خياطة ، انكسرت ماصار شي ، و بعد سؤالي في المنتدى لم يؤكد لي أحد هذه المعلومة قد ما أكدوا لي وجود زر في القاعدة

طبعا خفت اعابط مع المسندة ينكسر أو يخرب شي ، فذهبت للوكالة وسألتهم قالوا مانعرف ، سألت في الصيانة قالوا مافيه إلا واحد يعرف وهو مسؤول تركيب DVD وانه طالع وماراح القاه إلا بكرا !

والقا لي عميل ابن حلال أكد لي معلومة الابرة وقال انا مجربها بنفسي

هنا ارتحت ، قلت مابدهاش ، بدل الابرة ابرة

لما رجعت للبيت قلت ماينفع إلا إبرة السكين :

واحطها في الفتحة بالشكل هذا :

وأحاول ماصار شي ، واتضح انها يبيبلها قوة ضغط ، فاستخدمت الكشاف وضغطت به على الإبرة لحد ماسمعت "تك" وارفع المسندة والله يوم ارتفعت ماصورتها ، وأروح لقاعدة الماصورة الثانية واسوي نفس الشي واسمع "تك" ثم ارفع المسندة وتطلع معي عن بكرة أبيها

وسلامتكم . __DEFINE_LIKE_SHARE__