طريقة تنظيف (( خانق الهواء )) ثروتل بدي : صور + فيديو >> من اعدادي

محروم.كوم · #1 09-05-2010, 01:30 PM

السلام عليكم ورحمة الله وبركاته

كيف حالكم عسى اموركم تمام

حبيت انزل لكم تقرير عن صيانة موتر البيت وهو جمس سوبربان 2001
طبعا الموتر شارينه وكاله من عام 2001 والوالد ماسوى له صيانة الثروتل
وشفت كم موضوع عن طريقة الصيانه , وسويتها لكم واعددت تقرير عنها

اتمنى انه ينال على اعجابكم ويفيدكم يارب

اول خطوه لا بد من توفر الآتي :

1 - مفكات .
2 - فوطه ناعمه يفضل
3 - قفازات لليدين للناس الحسّاسه اللي خايفه على بشرتها ( هههـ )
4 - علبة تنظيف من شركة Acdelco سعره بـ 15 ريال فقط

اولا : لابد من ازالة اصبع البطاريه السالب فقط

2 - ازالة حساس الفلتر او حساس الهواء وهذي صورته

وهنا بعد الفك

3 - ازالة العبه الموصله بين علبة فلتر الهواء وثروتل المكينة لعمل اسهل

وهذي الفتحه من جهة الفلتر

وهذي الفتحه وهي المطلوبه من جهة المكينة

الآن نقوم يتنظيف الثروتل وينصح بعدم الضغط عليه وعدم تحريكه بل رش البخاخ عليه
وتنظيفه بالفوطه او المنشفه وانتبه ترى الحديد حاد بالحيل

ولابد من رج العبوه كل فتره لاداء افظل

وهذي صورة خانق الهواء قبل التنظيف , لاحظوا كيف الوساخه

وكما يتضح ان الثروتل او خانق الهواء متسخ جدا ولم يتم العمل على صيانته
طوال 180,000 كلم !!

وهذا مقطع فيديو يبين كيفية العمل
طبعا الفيديو من اعدادي , اتمنى يعجبكم

طبعا بعد هذا كله ترجع الشغل زي ماكان

بعدين تعيد برمجة المصنع وهي كالتالي

1 - فصل إصبع البطارية السالب فقط (في حالتنا هذه ليست لازمة)
2 - يتم وضع السويتش على وضع ON (بدون تشغيل) لمدة 10 ثواني ثم OFF لمدة 10 ثواني
3 - يتم تشغيل السيارة لمدة 5 دقائق ومن ثم إطفاؤها.
4 - يتم تشغيلها مرة أخرى والتحرك فيها لمدة 10 دقايق بدون إشعال المكيف ، ثم بعد ذلك تقوم بإشعال المكيف، وبعدها إن شاء الله نقول رجعت السيارة لضبط المصنع.

طبعا هذي الشغله تكلف حوالي 500 إلى 600 ريال عن الورش
وانا كلفتني 15 ريال فقط

والوقت تقريبا 20 دقيقه مع التصوير لكن بدون البرمجه

مع تمنياتي لكم بدوام التوفيق والنجاح

تقبلوا تحياتي اخوكم مشعل بن عبدالله

دمتم بخير

__DEFINE_LIKE_SHARE__