|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
القصه طبعا تعتبر نكته فيه رجال عابر سبيل وصادف 3 رجال بالطريق وسال وين رايحين قالوا حنا رايحين للقريه الفلانيه قال تقبلونى خوى قالوا حياك الله بالطريق صادو 5طيور من القطا وقالوا خلونا نزل بالمكان هذا دام القريه قريبه انت ياعابر السبيل واحد من اخويانا شبوا الضوا واشووا القطا وحنا نبى نروح ونجى نجمع حطب ويمكن الله يرزقنى بصيد ثانى تقابلوا عابر السبيل والثانى يشوون قال الثانى وش رايك ناكل القطا انا وانت بس قال لا واخويانا قال يارجال ماعليك منهم قال واذا سالونا قال قول لهم طار القطا وبس قال خلاص اكلوهن ويوم رجع اللى صاد القطا هاه يارجال وين القطا ؟؟؟؟ قال عابر السبيل والله ياخوى طار ؟؟؟شلون طار انا صدته تكذب على والله لاذبحك وهو ينحاش ويوم وابعد عنهم ولا وهو بالقريه ويلقى فلاح يحرث بمزرعه ويحرث على حمار الله يكرمكم ويقول الفلاح وش عندك قال عابر سبيل وادور الشغل قال ابشر بالشغل احرث على الحمار والنص بالنص من الزرع قال الله يجزاك خير وهو يحرث تعب الحمار وعيا يمشى ويحاول ويسحبه من راسه ويسحبه من ذنبه ولا انقطع ذيل الحمار ويشوفه الفلاح ويقول والله لاقطه راسك مثل ماقطعت ذيل حمارى ويلحقه بين البيوت ولا فيه باب مفتوح شوى قال خلنى ازبن عليهم ويرفس الباب ولا ورى الباب ولد ويضربه الباب ويموت ويمكونه العرب ويقولون الله لايبارك فيك ولا بالساعه اللى جيتنا فيها والله لانذبحك قال الفلاح انا اطالبه بعد ويجى راع القطا قال لا انا اللى بفككم منه قالوا خلونا نوديه للقاضى الشيخ وعند القاضى جاء راعى القطا وقاله السالفه قال القاضى ايه القطا يطير كل شى بالدنيا يصير كل شى ومالك عنده شى ويجون اهل الولد ويقولون السالفه قال هذا ماكان يقصد وغير متعمد توكلوا على الله مالكم عنده شى ويجى راح الحمار هههههه راع الحمار جايب ذيل الحمار ويحركه مثل المسبحه قال القاضى وانت وش عندك قال الفلاح لا ابدا طال عمرك ادور السوالف واتذوق العلوم عرف ان حقه راح ههههه وسلامتكم __DEFINE_LIKE_SHARE__ |
مواقع النشر (المفضلة) |
| |