قصه لي معثم بن غبين .....

محروم.كوم · #1 08-27-2010, 04:10 AM

السلام عليكم ورحمة الله وبركاته

هذه القصه حدثت لشخص يقاله معثم بن غبين من عنزه

اصاب ديرة القحط وشد يدور عن المكان المناسب ليعيش فيه وهو في الطريق تصادف مع فارس اخر من غير قبيلةغير قبيلة معثم فسأله معثم :ماوراك فأجابه زوجتي وابنتي وابلي وكان الفارس الاخر يقاله ابو الخلف فسأل ابو الخلف معثم وانت ماوراك رد معثم زوجتي وابنتي وابلي .

وكان معثم ليس لديه بنت بل كان ولد واسمه عقيل.

وعندما يدور في بالك ليش معثم لم يقل ان لي ابن ؟

اجاوبك انه خاف على ان ابوخلف ان يكره قربه بسبب الفتى.

وتعاهدا على ان ينزلا بالقرب من بعض وان يحمي كل منهما الاخر وان يصيرون يدا واحده فهذه بعض صفات العرب.

وراح معثم واخبر زوجته :

فرضت زوجته بالاقتراح ووافق عقيل

فطلب معثم من ابنه ان يلبس لبس امرئه وان لا يتكلم في وجود زوجة الجار او ابنته

حتى ينتهي الربيع.

فبدا المتشبه بالفتاه يسرح مع ابنة جاره بدون ان تلاحض عليه شيء عشان لعفته وحيائه.

ولكن المخفي والمكتوم لا يدم فقد .

صار الامر الذي يرغم الفتى بالكشف عن حقيقة وابراز شخصيته

و غار قوما على الابل فأخذوها ولحق بهم معثم وابو الخلف ولا يقدرون ان يرجعوا الحلال.

وعندها لم يطل الصبر بعقيل فركب فرسه حيث انه كان من ابرز الفراسان ذاك الوقت.
واستطاع ارجاع الابل .

اصيب الجميع بالدهشه وشلون انه فتى وكان ويخرج مع امرئه

ولكن ارجعت الفتاه ذاكرتها الي الوراء فكانت تلاحظ انامرئه التي معها لا تنظر اليها ولا ترفع عينها فيها وانا ترفض ان تنزل معها في الغدير للاستحمام وكانت تدير ظهرها لها .

هنا تأكد مرئه عفت وشرف هذا الفارس عقيل.

ويوم وصل عقيل الي المنازل ومعه الابل وبعض الاسرى

قابلته الامرئه بهذه الابيات

هلا هـلا باللـي سلامـه يـداوي=ماهـو زبــون للعـلـوم الـرديـه

اشهد شهادة حق ماهو دناوي=ولا شـبـوح العـيـن للاجنـبـيـه

عقيل من شفته خجول حياوي=من عرفتـي مابـاق غرةخويـه

فوق العبيه مثل فرخ النـداوي=ينف خيـل القـوم نـف الرعيـه

فرد عقيل

ياعـم والله ماجعـلـت الغـطـاوي=ويشهد على ماقلـت رب البريـه

عن طاري الشكات ولا الهقاوي=حلـفـت لــك والله رقـيـب علـيـه

عـن المشكـه يازبـون الجـلاوي=شـاروا علـي بشورهـم والـديـه

ويـوم خذونـا طيبيـن الـعـزاوي=دون العشايـر مانـهـاب المنـيـه

وبعدها فهم والد الامرئه سبب تخفي عقيل وهي كرامة للجار خشية تنفيره من وجود فتى .
وبعد انتهاء الربيع رحل كلا الي اهله وافترق عقيل عن الفتاه ولكنه ضل يواصل في حبها .

حتى مرض بسبب فراقها

وعلم صديقه فهيد بان عقيل مريض فبعث بطبيب عربي لعلاجه ويدعى عيد

وعندما احمى عيد المنشار ليكوي عقيل قال عقيل :

يامحمـي المنشـار بالـنـار خـلـه=جـروح قلبـي حاميـات مكـاويـه

مابي مـرض ياعيـد لاشـك علـه=من غير شفـي ماطبيـب يداويـه

ماطيب لو تحمى المخاطر ابمله=انـا بـلا قلبـي علـى فقـد غالـيـه

الصاحب اللي عنـده القلـب كلـه=علمي بدور العافيه قبل اخاويـه

واليوم مدري وين حروة محلـه=فاتن ثلاث سنيين ياعيد نرجيـه

وعرف عيد سبب مرضه وتجاهل الامر واصر على ان يكويه حتى يتضح له اكثر .
وبعد الكي قال ستطيب فرد عقيل:

ياعيد لوكويتني مابـي اوجـاع=ليتك عرفت بعلتـي وش بلايـه
بلاي غرو طول قرنه يجي باع=ياعيـد دعنـي لا تبـيـح خفـايـه
مادام مانـت لعلـة القلـب نفـاع=ياعيد مالـك بـي تحمـل خطيـه
ياما عذلت القلب ياعيد ماطاع=اطلـب وربـي مايخيـب رجـايـه

وبعد ان عرف بامره معثم طلب منه ان يرافقه لخطبة الفتاه وفعلا فقد زوجه الفتاه

وقد انجبت له ولدا وهو معروف اسمه عباس ولقب ابو طاسه ولقد عرف عنه الشجاعه والبساله .

ومن الابيات التي قالتها الفتاه على فراقهم :

اول نهـاري دمـع عيـنـي عصيـتـه = وتالي نهاري دمع عينـي عصانـي
وغارب قعودي من دموعي سقيته = مـثـل همالـيـل الـبـرد يــوم جـانـي
علـى الـذي مــن بــد حـيـه بغيـتـه = وهـو الـذي مــن بــد حــي بغـانـي
وسبعـة مخاطـر بالضمايـر كويتـه=وسبعين مخطر بالضمايـر كوانـي
وانا الـذي طـي الشويحـي طويتـه =وهـو اللـي طـي البريسـم طـوانـي

وسلامتكم ...........

..........اسف على الاطاله

وتقبلو من محبكم
محمد الظاهري
__DEFINE_LIKE_SHARE__