يا هل الشعر اناديكم ضروووووري اقروا القصيدة و ابا الراي ضرووووووي

قول شاعر و الفعل ذيب · #1 11-24-2008, 10:29 PM

السلام عليكم و رحمة الله و بركاته

شحالكم يا عرب عساكم بخير و نعمة و طيب حال

بس ضروووووري بغيتكم تعطوني رايكم فالقصيدة
و هي عن عيد الاتحاد و موووول ما شي وقت تاريخ واحد لازم اعدها فالمدرسة

عالطلاب و جدام الاهاااالي ( شو اللي بلاني فالسالفة)

فأرجو من كل واحد يقرا القصيدة يعطيني رايه بالكامل
و موووووووووووووول ما يستحي فالرد و النقد اذا هناك اي خطأ قالوزن او المعنى

يلا عاااد شدوا حيلكم و طلعوا الاغلاط اشخلو القصيدة شخاااال

ايقول الشاعر اللي هو انا

يــا شـعــب هـــنيــاك عــــيــد الاتـــحاد...... و الفـــــخر كــــله فـ شــعـــب(ن) متحد
يـــــوم مــا خــطـوا خــــريطـة هـالبلاد ...... رف قلـــــبي و مـــا بعـــدني مــــنولـــد
واحــــد و سبـعيـــن عــــام(ن) بـه يشاد...... ثاني الثانــــــي عـــشـــــر يــــوم السعد
اعتــلا شـان الـبــلاد ابــــلا عـــمــــــاد..... لي رفعهــــا ، طابت ارضه فالــلـــــحد
كل يـــــوم(ن) دون زايــد هــو حـــــداد.. ...هو الذي شــــبك الايــــادي و مــــا قعد
يــا عـــسى ربــــي ايـغـفــر لـــلجــــواد..... راشد اللـــي كان لـــــي زايـــد عــــضد
صــح كـانـــوا قـلـة(ن) لــكــن شـــــداد...... واكســــــروا قانــــــون لا يغــــلب عدد
وحـــــدونـا دونـــــــمــا طـلـقـة زنـــــاد..... و دونما سيـــف(ن) يســــل او ينغــــمد
يا وطــــــن لــــو تـنجرح ما لف ضمـاد... ..والله لــــفــــديك ابــــدمـــاي و الـــجسد
و كـلـنـــا بـنـفــــز مـن حـي او جــمــاد ......و كلنا بنـــــــــكــــون لــلـــدولة سنـــــد
يا و وطـــن مسكــنـه فـي قــلـب الفــواد..... بــــــدعي الحافــــظ لــي غـيـره ما عبد
ادعـــي الله ايـزيـح عـنــا كـل فـــســــاد....... وادعــــــي الله ايحـفظــــنا م الحـــســـد
وادعي الله ايزيد فـــي خيــــر الــحصاد....... ازرعوا حــب و ســـعــــادة و ورد ود
ثـم سقـوهــا و انـبـتــت ابـــــلا ســمـــاد........ صـــح قــول(ن) لي بيـــزرع بـيحصد
لــك دعـــيت الله و هــــو رب العــبـــاد... ....و الفلق و الناس عـن عــيـــن و عــقـــد
لـك ابـنـفـث لــي قـــريـتـه فــكـــــل واد...... و الخــتــــم فــــي قــل هـــو الله أحـــــد
و الله لـو بـكـتب يــلي ايجــف الـمــــداد....... و الــبحـــر ايـــمــد فــــي مــــده مــــدد
ما نتهي و هـــي كــل يوم(ن) فازديـــاد...... فالــجـــمـــال و فالعطى و صدق الوعد
لي أخـيـر الــــقـول ، خـذ مـــنــي مـفـاد...... كـــون جامـــد دون عنــــف و غــد جلد
و لــو تخــاوي الروع في و قت الجهـاد....... يا عـــســـى عيــنـــك يـخـاويــهـا الرمد

و سواااااااااالم اتريا الردوود لااني محتاجنها __DEFINE_LIKE_SHARE__

دبر عمرك · 11-25-2008, 01:12 AM

وعليكم السلام ورحمة الله وبركاته

يامرحبا بك اخوي ويانا بالقسم

بخير يمال الخير وانت بشرنا عنك؟

رايي طال عمرك ان الفكره جيده والكلمات منتقاه لكن اوزان بعض الابيات مختله

وياليت تعيد صياغتها

يـــــوم مــا خــطـوا خــــريطـة هـالبلاد ...... رف قلـــــبي و مـــا بعـــدني مــــنولـــد

وادعي الله ايزيد فـــي خيــــر الــحصاد....... ازرعوا حــب و ســـعــــادة و ورد ود

وهالبيتين مافهمت معناهم ^____^

يعطيك العافيه محاوله جيده، مجرد راي مثل ماطلبت وان شاء الله انك تستفيد منه

بالتوفيق ونترقب الجديد من قصايدك

الخالـدي
__DEFINE_LIKE_SHARE__

قـلب دبـي · 11-25-2008, 01:10 PM

صح لسانك اخوي

نورت القسم

في بعض الابيات يبالها صياغة الوزن

بالتوفيق __DEFINE_LIKE_SHARE__

قول شاعر و الفعل ذيب · 11-25-2008, 03:03 PM

المشاركة الأصلية كتبت بواسطة دبر عمرك

وعليكم السلام ورحمة الله وبركاته

يامرحبا بك اخوي ويانا بالقسم

بخير يمال الخير وانت بشرنا عنك؟

رايي طال عمرك ان الفكره جيده والكلمات منتقاه لكن اوزان بعض الابيات مختله

وياليت تعيد صياغتها

يـــــوم مــا خــطـوا خــــريطـة هـالبلاد ...... رف قلـــــبي و مـــا بعـــدني مــــنولـــد

وادعي الله ايزيد فـــي خيــــر الــحصاد....... ازرعوا حــب و ســـعــــادة و ورد ود

وهالبيتين مافهمت معناهم ^____^

يعطيك العافيه محاوله جيده، مجرد راي مثل ماطلبت وان شاء الله انك تستفيد منه

بالتوفيق ونترقب الجديد من قصايدك

الخالـدي

مشكووور اخوي عالرد الطيب و لاهنت

بس اخوي يا ليت لو تذكر الابيات المختلة

و بالنسبة للبيتين اللي ما فهمت معانيهن

يـــــوم مــا خــطـوا خــــريطـة هـالبلاد ...... رف قلـــــبي و مـــا بعـــدني مــــنولـــد

يا طويل العمر هالبيت معناه ان الانحاد كان في 1971 لكني انا ما كنت مولود ف ذاك
و لكن من زوووود الفرحة حسيت بالسعادة و قام قلبي يرف

اما
وادعي الله ايزيد فـــي خيــــر الــحصاد....... ازرعوا حــب و ســـعــــادة و ورد ود

البيت مفهووم لكن اظن انك قريت (ازرعوا) كفعل امر لكنها فعل ماض (زرعوا)
لكن فاللهجة نسكن اول حرف

مرة ثانيه سلمت عالمروور الطيب و الافادة __DEFINE_LIKE_SHARE__

قول شاعر و الفعل ذيب · 11-25-2008, 03:04 PM

مشكوورة يا قلب دبي عالمروور
بس من فضلج يا ليت لو تذكرين لي الابيات لاني قريت القصيدة و ما لاحظت اي خطأ فالوزن __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ممكن محل تصليح زجاج ممتاز وصبغ ضرووووووي لو سمحتو	محروم.كوم	منتدى أخبار المواقع والمنتديات العربية والأجنبية	0	03-28-2010 08:40 PM
استشااااااااره؟؟ّّّّّّ!!!!!! نبغى الراي من اهل الراي	محروم.كوم	منتدى أخبار المواقع والمنتديات العربية والأجنبية	0	12-14-2009 01:40 AM
اقروا هذا الدعاء	حبوب الوسمي	الإسلام والشريعة	5	06-16-2009 08:16 AM
اقروا القصيدة اللي الفتها الطالبه لكرها لمادة الرياضيات	بحر الثواني	الطلاب والتعليم والجامعات	19	02-12-2008 06:04 PM