ثار الحربي لجاره اليتيم

محروم.كوم · #1 08-23-2010, 11:00 PM

السلام عليكم ورحمة الله وبركاته

اخواني الافاضل:هذا اول موضوع لي في هذه الخيمة وان شاء الله يحوز على رضاكم

وهي قصة قديمة تحكي عن غيرة الجار على جاره لا اطيل عليكم إليكم القصة

الفارس نويشي بن ناشي المشيعلي من بني عمرو من قبيلة

حرب كان له جار يقاله (اليتيم) من القبائل المجاورة.

جاء الى وادي الفرع وصار جارآ لنويشي وفي يوم من الأيام

تعرض لليتيم مجموعة من قوم نويشي يبون يسرقون حلاله

وقالهم تراني خوي نويشي بن ناشي وما صدقوه وجلس يقاومهم

واقتلوه وخذوا حلاله.

ويوم وصل الخبر لنويشي أقسم أن ينتقم لخويه وصار يترصد

للي اقتلوا خويه وعددهم سته حتى قتلهم واحد ورى واحد.

وفي يوم من الأيام كان نويشي يمشي ومعه خاله ويوم مروا

عند مكان مقتل جاره قاله خاله شوف يانويشي في هذا المكان

انقتل فيه جارك وما أتمالك نويشي نفسه وسل سيفه وقطع يد خاله

اللي اشرت على مكان مقتل جاره ومن ثم

أرسل نويشي الى زوجة جاره هذي الأبيات

يا راكب اللي شايباتن مقاريه=مثل الظليم اليا ضرب له قرارا
يسرح وممساه البديري حراويه=اللي نزل بين السهل والوعارا
خوينا يا متلف الروح نغليه=واللي ورا الصبيان دربه عسارا
مطلق مطيحه بايمن السوق شوفيه=فوقه رمن شنودهن العذارا

ارخصت عمي ما احسب القلب يصخيه=عند الخوي كنه حتين الجفارا
اقفى مع الطاروق دمه يباريه=دمه مع الطاروق يغشى الجدارا
احد سمع واحد بالأعيان راعيه=البدو والحضران فوقه صبارا

وكان نويشي يبي يصفي اقارب اللي اقتلوا جاره الرجال ما كفاه

اللي اقتلوه بس يبي يقضي على اقاربهم لكن مشايخ القبيلة

تدخلوا وحلوا الموضوع والتزموله انهم يرضون قبيلة جاره

ودفع ديته ريال ينطح ريال..

واصبح المثل يضرب في نويشي الحربي

وفي ذلك يقول أحد الشعراء..

لا واهني نويشي اللي قضا الدين=وجهه كما القمرا من اول شهرها
احيا اليتيم واقعده بالنبا الزين=يستاهل البيضا بدارن حضرها
عقب اربعه واثنين يسلم من الشين=غير اليمين اللي نويشي عثرها
.............................................. __DEFINE_LIKE_SHARE__